Pluma (2)
ika-16 ng Mayo 2015
Sabado

I

Bawat salita'y may ninanais na kahulugan

Bawat titik ay simbolo, ugat ng pinagmulan.

Bawat linya'y may mabigat na pinapasan-pasan

Mga tula ko'y katumbas ng lalim ng karagatan.

II

Sa dimensyong pinasok, ako'y malayang-malaya

Ako - tagalikha, panulat nagsilbing kahinga,

Papel ay mundo, matiyagang inayos na obra

Emosyon ang aawit, huling pyesa'y - mambabasa.

III

Mga kalungkutan na kinimkim ng napakatagal,

Mga hinanaing 'di masambit, 'di mausal-usal

Patak ng tinta'y mula sa dalisay na bukal

Bawat letra'y pinatulis, tumatarak na punyal.

IV

Wangis nila'y mga asong lagalag kung tumahol,

Sa kabila ng pinag-aralan, utak mapurol.

Kung makapagmalaki kala mo kung sinung polpol

Imbes ayusin, lipuna'y lalong ibinubuhol.