Pluma (11)
ika-09 ng Hulyo 2015
08:58Pm. - 09:25Pm.

I

Paanu mararamdaman ang pag-ibig ng ina

Kung ibang bata ang kinakalong niya sa t'wina.

Kahit mahirap mawalay sa anak niyang mutya

Handang tiisin upang makapadala ng pera.

II

Perang panggasta sa araw-araw na pamumuhay

'Di alintana ang pananabik na lumalatay

Sa puso't salimisim inukit, mukha ng anak

Upang maibsan kahit papanu ang paghihirap.

III

Kung sasawiing-palad, aba'y uuwiing luhaan

Niring bayani kung ituring na nangibang bayan.

'Pang kumakalam na sikmura ng anak malam'nan

At kinabukasan ni bunso'y mapaghahandaan.

IV

Ngunit 'di lahat, umuuwing dala ang pangarap

Na maiahon ang pamilya sa pagkakasadlak

Sa kumonoy ng kahirapang lumulumpong pakpak

At pinagkakait ang saganang buhay sa lahat.