Awit ng Pag-ibig

Ikaw at ako hanggang dulo.
Tayong dalawa’y nagmamahalang totoo.
Pakinggan ang tula kong ito
na aking alay sa iyo, mahal ko.

Ito’y awit ng pag-ibig para sa atin
na siyang nag-uugnay ng puso natin.
Anumang pagsubok ang dumating,
pagmamahalan natin ang siyang lakas natin.

Nang dahil sa iyo, ako’y ngumingiti na.
Ikaw ang naging dahilan ng paglaban ko pa.
Sa kamatayan, ako’y iniligtas mo.
Ako’y pinigilan mo na kitilin ang buhay ko.

Salamat sa iyo, mahal ko.
Ikaw ang nagiging takbuhan ko
kapag may problema ako.
Lagi kang nariyan upang damayan ako.

Bawat isa’y ating sandigan
kapag pagsubok ay dumating.
Tayo’y nagtutulungang lampasan ito.
Tayong dalawa’y sabay na lumalaban.

Ikaw at ako hanggang sa dulo
dahil tayong dalawa’y sabay na lalaban
kapag may mga pagsubok na dumating.
Pagmamahalan nating totoo ang ating sandata.