May Iba Na

Ang puso ko’y bali,
Sakit ay ‘di na kayang ikubli.
Nais mang ngumiti kahit pilit,
Hindi na kayang magpanggap pa.

Isipan ko’y gulong-gulo,
Litong-lito sa mga sinabi mo.
Bakit ba ako’y sinaktan mo?
Minahal naman kitang totoo.

Kahit anong gawin ko,
Hindi ako makakalimot.
Ginawa mo akong tanga,
Pinaniwalang mahal mo ako.

Kay sakit ng ginawa mo,
Ako’y lubos na nasaktan.
May minamahal ka na palang iba
Habang may tayo pa.