I.
Batid kong hindi talaga madali,
Patuloy na pagtulo ng luha sa iyong pisngi.
Paghingi ng tulong ay hindi masama,
Nais mong magpatuloy pero 'di mo na kaya.

II.
May mga taong handang tumulong sa 'yo,
Hinihintay lamang ang pagtawag mo.
Hindi ka nag-iisa sa labang ito,
May mga kasama ka, nasa likuran mo.

III.
Tumayo ka, ipagpatuloy mo ang laban,
Pangarap mo'y iyong makakamtan.
Magpatuloy ka lang sa pagtakbo,
Ngiti sa labi ay iyong matatamo.