I.
Umiiyak ka ba dahil natalo ka?
Umiiyak ka ba dahil may nais kang 'di mo nakuha?
Ganito talaga ang buhay, kapatid,
Hindi lahat ng nais mo, 'yong makakamit.

II.
Nakalimutan mo bang bilog ang mundo?
Minsa'y nasa tuktok ka, pero iya'y magbabago.
Darating ang panahong mahuhulog ka,
Guguho ang mundong iyong ginawa.

III.
Tuloy pa rin ang laban, bumangon ka!
Itayo mong muli ang mundo, itatag mo pa.
Kulayan mong muli, umakyat ka!
Nawa'y hindi ka na muling madapa.