Bakit Dalisay at nagawa mo akong ipagkanulo

Sabay tayong nagbasa at nagsaulo

Nangako at lumuhod sa iisang prinsipyo

Bastat magkasama'y walang pipigil na mabalasik na bagyo

Tumingin tayo sa bituin na iisa ang pangarap

Ang maiahon ang masa sa di na makayanang hirap

Respeto ko sayo'y ilaw na di napupundi't isang buhay na alitaptap

Hindi masukat ang taas dahil higit pa ito sa alapaap

Nang dahil ba sa pangako nilang pilak at ginto?

Kaya nagawa mong itarak sa'king likod itong matalim na palaso

Nawalan ka ba ng pag-asa kaya sumanib ka sa mga maligno?

Kaya nagawa mong sugatan ang luhaan ko nang puso

Dalisay na pangalan mo'y hinangaan ng madla

Taas noo ang bawat taong nakarinig ng iyong salita

Puting kasuotan mo'y akala ko'y walang mantsa

Kailanmay di sumuot sa isipan ko na ika'y mangangaliwa

Ngunit ano man ang rason at isip mo'y napolusyon

Datapuwat ikaw ang dahilan kung ba't ako'y nakumbulsyon

Umaasa pa rin ako na isipa't puso mo'y muling liliyab ang didikasyon

At ipaglaban mo muli ang bayan sa di matitinag na rebolusyon...

written: September 10, 2014 at 10:00 pm

Mysterious Aries