MAPAGLIMI ANG TAO'T MARAMING NAIS ASAMIN

SUBALIT KADALASA'Y BAGSAK SA PAGKAKARIWARA'T NATATABOY SA BANGIN

TULAD KO RIN SILANG HUMAHAGILAP NG KALUTASAN 

AT NANGANGAILANGAN NG MATATAG NA SANDIGAN

SUBALIT KUNG MANGYARING KUMAPIT NA LANG SA PATALIM ANG S'YANG LUNAS

AKO'Y SASAKAY MABAKAS KO LANG SA AKING ANGKAN ANG SAYANG HINAHANGAD

ANG MAIAHON SILA SA PUTIK NA KINASASADLAKAN

DAHIL ANG PAGMAMAHAL KO KAY INANG HUMIHIBIK AY WALANG KATIMBANG

SUBALIT KUNG AKO LANG NA KANYANG ANAK ANG MAGMAMAHAL AY TANTONG KULANG

PAG-IROG MO'Y KAILANGAN DIN NI INA UPANG MAPAWI ANG LUHANG SA MATA NIYA'Y TUMATAHAN

 AT KUNG MANGYARING SABIHIN MONG MAHAL MO SIYA'Y SANA'Y DI KA HUWAD

DALISAY KA DI LANG SA'YONG SALITA'T GAWA

KUNDI MAGING ANG KUNG ANONG SA PUSO MO'Y NILALAMAN

KAPATID, DI NATIN TIYAK ANG KUNG ANO ANG MAGAGANAP BUKAS

AT KUNG MANGYARI MANG MARAMING KASAWIAN PA ROON ANG SA ATI'Y NAGHIHINTAY

AT MAHIRAPAN TAYONG HUMANAP NG MGA BAGAY NA MAY KATUMPAKAN

HUWAG SANA NATING ISUKO ITONG IPINAGLALABAN

AT TAYO'Y TUMAWAG SA KANYANG MAY HAWAK NG KAPALARAN

AT IDALANGIN NA MAGANDANG BUKAS AY SUMIKAT KAY INANG BAYAN

AT ANG MATUPAD ANG LAHAT-LAHAT NA HINAHANGAD NA KABUTIHAN

AT DAHIL DITO MAGTATAGUMPAY KAMI INANG HUMIHIBIK

SA KADAHILANANG ANG MAY LIKHA SA BUHAY ANG AMING SANDIGAN....

written: Aug. 6, 2000

Mysterious Aries