Habang nagaganap ang isang malungkot na pangyayari

Sa kabilang dako'y tila pagkakaisa ang naghahari

Kapit bisig libo-libong tao'y nangahas

Tila gusto nilang sa kasaysaya'y maibakas

Mga pari't madre ay sadyang nagpamalas

Mga samo't saring tao'y nakiangkas

Ang ilan ay mga taong gustong sila ang mamuno

Nagbayad ng ginto sa masa naging pasimuno

Ngunit papayag ba ang mga nakaupo

Sadya lamang ang kapangyariha'y mapandarang sa noo

Na kayang hamakin ang lahat pati ang mga sinugo

Di ibibigay ng kusa dumanak man ang dugo

Mabilis ang mga pangyayari

Sa isang idlap ang daming nadali

Mga sundalo'y naatasang magpaulan ng bala

Dali-dali silang sumunod sa utos ng mga malabathala

Nagiba ang pader ng pagkakaisa na inararo ng tangke

Maraming puso'y nagkaaltapresyon ang iba'y tuluyang naatake

Unahan sa pagtakbo, unahan sa pag-uwi

Isang kasaysayan nga ang nabuo, kasaysayang nasawi...

written: March 31, 2015 @ 6:20 am

Mysterious Aries