Dalawang dekada na ang binilang ganun parin ang tagpo

Mga pinunong ganid sila pa rin ang nakaupo

Matanda na si Ka Ben, di n'ya na maiangat ang bandila

Kailangan na nang bagong balikat na s'yang sa krux ay magdadala

Pilit nilang kinumbinse ang anak ni Paang Makabayan

Ngunit ang pagpapasya'y di niya agad binitawan

Pagmamahal sa baya'y pinipintig ng kanyang puso

Di nga magbubunga ng santol ang puno nang kaimito

Ngunit sa kabilang banda nagkaroon s'ya ng pag-aalinlangan

Alin nga ba ang mahalaga ang sariling buhay ba o ang bayan

Anak nga s'ya ni Paang Makabayan ngunit anak din s'ya ni Selya

Kung santol at kaimito ang nagmahalan, ano ang magiging bunga

Napatingin s'ya sa larawan ng kanyang dakilang ama

Pagkatapus ibinaling ang mata sa mapagmahal na ina

Napalingon sa altar kung saan naroon ang Poon

Sabay usal ng dasal na gabayan sana ng Diyos ang kanyang magiging desisyon

THE END

writte: April 17, 2015 @ 9:20 am

Maraming maraming salamat po sa inyong sumubaybay sa aklat na ito

Nawa'y kinapulutan nyo nang aral ang bawat pahina

Kayo na po ang bahalang pumunan sa bawat pagkakamali

Sapagkat ang inyong lingkod ay isa lamang abang manunulat

Minsa'y lito kung anong gagamitin na tamang pangungusap

Kung saan ilalagay ang NG at NANG

Kung ano ang tamang pagbabaybay

Kaya sa kabila sana ng aking mga pagkukulang

Nawa'y nagustuhan ninyo ang aklat na ito

Muli maraming maraming salamat

Ang katulad ninyong nagmamahal sa sining,

Mysterious Aries