"Anong iniisip mo?"

Mula sa pagkakahiga sa lap niya, dahan-dahan akong tumayo. "Ano ba kasing pinag-usapan niyo nila papa?"

"Secret nga, bawal sabihin."

Napasimangot ako sa sagot niya. Kahapon ko pa kasi siya kinukulit. Paano, sapilitan ba naman akong pinaalis sa bahay pagkarating namin. Actually, inutusan kasi akong mag-grocery kasama ng pinsan ko tapos pagbalik ko tapos na silang mag-usap.

Kaya naman nag-uumapaw na ang kuryosidad ko sa katawan. Malay ko bang siniraan na pala ako ng pamilya ko kay Arvin, diba?

"Wag ka ngang mag-pout diyan, baka di ako makatiis eh . . ."

Magkasalubong ang kilay ko na napalingon sa gawi niya. At bago pa ko makapagsalita, nagulat na lang ako sa sunod niyang ginawa.