Bachpan mein mile the toh 
kitne befikr the hum
na jane samay ka kya chakravyuh tha
ki bichad gae hum 

Phir jab hum mile 
tab tak humein akal ani shuru ho gayi thi
tab humne sabko dikhaya ki 
Draupadi-Krishna jaisi dosti 
kaisi nibhani hai

Samay phir se khela apna pasa
alag hue hum kuch shaand ke liye

Iss baar jub hum mile toh
duniya ki sooj booj thi humein 
jab ek dusre ko dekha toh sirf yeh kaha
kya yehi pyar hai

Prem ke raste par toh hum nikal pade
woh bhi gaddi leke

Pahadon ki un haseen wadiyon mein
pyar ke geet gunj uthe 
Jab mein ne tumhe 
prem prastav diya

Ek aisa pyar ka izahar 
jo tumhare dil ke karib tha, hai aur rahega
kyunki woh tumhare dil ki ek dor thi

Phir na jaane samay ko kya jaldi thi
ki gaddi ka rasta rok liya
aur hum juda ho gae

Pahadon ki woh vadiyaan 
humare prem ki sakshi hamesha rahegi
Ek aisa prem jo mayur ke pankh ki tarah
sundar aur satranga tha

Humare iss Daastan pe sirf
ek gaana judjta hai

Humari Adhuri Kahani

This for you, Guda  -Dhadkan-, to make your day a bit more special from my side

Signing off,
Keyur