Log punchete hai mein akele kaisi rehti hoon

Ek anjaane se desh mein, 

jahaan apnapan kabhi mehsoos nahi hua

Unhe kya hi pata, ek panch saal ki 

bholi bhali ladki ko

jo apne Dadai ko sab kuch maanti thi

Jiske liye uske Dadai duniya mein sab kuch kar sakte

usse ek dum Rajkumari jaise rakhte

Uski Thanu iss karya mein unki madad

Aur Uske mummy papa apne hisaab se usko raah dikhate

Uss sabko chodkar sirf apne Mata-Pita ke saath dusre desh mein jaana pada

Usse kya hi pata tha, ki jo TV 

woh bohot dekhna pasand karti thi

jisko koi band karne ki himmat nahi hoti thi kyunki

woh pura ghar apne sar pe utha leti thi

Wahi TV uske akelepan ko guzaarne ki dost ban jayegi

ek aisi dost jiske liye usse abhi taane sunane padte hai

par wahi ek hai jisse usse sabse jyada Khushi milti hai

Woh Kisse kahaniyaan jo woh kabhi suna karti thi 

Apne Thanu se, woh kitaabo ke roop mein ek nayi duniya ka raah dikhayegi

Jisse uska pyar apne Matribhoomi ke liye iss kadar badha ki koi usse dekhkar 

yeh andaaza nahi laga paega ki woh kabhi chodkar gayi thi uss Ma ko

Phir har saal woh Ladki apne dadai ke paas jaati thi 

Chuttiyon pe, apna ghar apnapan mehsoos kar pati thi

Par jab woh wapas apne Karmbhoomi lauti, wahi yaadein jo usne banai 

ek saptah tak usse rulati, kyunki woh apna dil toh wahi chodkar aati thi

Bade hote hote akelepan se dosti ho gayi

Aur Youtube-TV se param-mitrata 

Baas ab woh apne ghar lautna chahti hai

Jahan usse apnapan toh mile

Shayad waha apnapan kuch kuch jagaho pe khatam ho gaya ho

Lekin woh Khush toh rahegi

Aur dil kholke jiyegi

Just a random poem which on a question which is asked by many people, I hope they get it.