Bakit ka mananagot

Sa bagay na hindi mo kasalanan?

Bakit ikaw ang kailangan sumagot

Sa problemang hindi ikaw ang pinagmulan?

Bakit kailangang ikaw ang sumagip

Kung ikaw mismo, kailangan din ng tulong?

Hanggang kailan ka mabubuhay sa panaginip?

Hanggang kailan ka magpapatukso sa mga bulong?

Hanggang saan aabot

Ang duda sa sarili?

Hanggang kailan matatapos

Ang paulit-ulit na paninisi?

Hanggang kailan ka magagalit?

Hindi ka ba nagsasawa sa pagkalunod?

Hanggang kailan dadalhin ang mga hinanakit?

Hindi ka ba napapagod?