Jaber bin Abdullah Al-Ansari narrated that : A man asked the messenger of Allah : "Do you think that if I perform the obligatory prayers, fast in Ramadan, treat as lawful that which is lawful and treat as forbidden that which is forbidden, and do nothing further, I shall enter Paradise ?" He said: "Yes." Related by Muslim.

******** 

Kwance tashi ba wuya wajen Allah, shakuwa ne mara misaltuwa ya kullu tsakanin Khattab da Miemie. Tun yana fushi idan ta kirashi da ‘YaNaufal’ Har ya hakura.

An raba routine dinta, Naufal ke kaita makaranta sai Khattab ya dauko ta. Shi dai Naufal bai sake jiki da Khattab ba. Baiga dalilin da wani katon banza zai rinka sintiri gidansu ba. Thou a ranshi deep down yana jin dadi atleast someone yana appreciating sister dinshi without discrimination.

A chan gidansu Khattab kuwa an lura ya fiye fita kuma he is distracted, but ba’a San me yakeyi ba. Kawai ana tunanin zaman kadaici ne baya so. Shi kuma koda wasa bai taɓa tunanin ya faɗa masu ba saboda yasan za ayi tashin hankali.

Haka rayuwar shida miemie ya kasance, kullum shakuwa sukeyi. Kwata kwata baya son damuwarta, abinda taga dama takeyi, sangarta ta yakeyi sosai har saida Naufal ya taka mashi birki kafin ya ɓata mata tarbiyya. Shi Khattab komai na Miemie burgeshi yakeyi, deep down a ranshi Idan ta soma hauka kadan kadan baya yarda, kawai k’uruciya yake daukan abin saboda tun haɗuwan su batayi tuburan ba saboda tana shan magani akai akai.

Naufal yana nan yana aiki tareda su Mr Sutter, yaro mai hazaka suna jin daɗin aiki dashi. Basu ɓoye mamakin suba saida suka cemasa basu taɓa ganin bakin fata mai rik’on amana kamar shiba. Sunyi alkawari suma zasu saka mashi nan bada daɗewa ba.

Ta ɓangaren aurenshi da Fadeela kuwa, babu abinda ya canza both families anata hada hada aga an kece tsara. Sau ɗaya Naufal ya tada maganar wajen Abba amma bai samu fuskar karasawa ba saboda wanki babban bargo yayi mashi, kuma da yaje wajen Mama itama bata sake mashi fuska ba saboda tun ranar da Abba ya tarasu da daddare yayi masu tas ta hankalta dashi.

Zancen sadaki kuwa an biya dubu ɗari cash da kuma Ningi(shanu) guda biyar. Alhaji Musa ne watau Big Daddy ya jagoranci komai saboda a gidansa akayi komai tunda shine zai bada aurenta. Shi kuwa Alhaji Sulaiman ya bada kudin sadaki saboda shine zai karba auren Fadeela.

Anyi komai cikin mutunci tareda tanɗe tanɗe, zumunci sosai ya kullu tsakanin iyayen kai zaka zaci sun san juna da daɗewa kuma ba surikai bane. Ko Mommy takan kira Anty Saudah domin taji lafiyan Miemie, jefi jefi tana kiran Mama itama.

Saidai su kaɗai ke abinsu, Daga Naufal har Fadeela kowa harkan gabansa yakeyi kamar ba zancen aure nan kusa. Kuma rabon dasu haɗu tunbayan yaje bada hakuri gidansu. Zuwan bazata yakeyi kuma cikin ikon Allah bai taɓa riske taba. Mommy yake gani sai sau ɗaya yaga Grand Kadi.

Kullum Mommy adduar daidaituwan tsakanin Su takeyi saboda bata san Fadeela tasha wahala zaman aure. Aure dace ne kuma idan kayi sa’a kaji daɗi.

Siyayya babu kama hannu yaro Mommy kema Fadeela, kullum tana ziryan zuwa Kanti kwari dake Kano. Ita bataga bambanci tsakanin kayan dake Nigeria da kuma Kasar waje ba, acewarta yan Nijeriya ke zuwa Kasar waje siyowa saboda haka sun hutarshe ta.

Kana ganin abinda aka siyan mata kasan cewa ‘yar so akema wannan siyayya.

********

Ita kuma Amatullah ba’a san ranta tayi siyayyan lefe ba. Data siyo na farkon saida ran Mama ya baci. Karanci k’arara ta nuna kamar lefen matsiyata. Nan take Mama ta sakata ta mayar dakomai. Dukda itama ba wai tana wani san auren bane amma za'a zageta a mak’ota saboda ace wai duk kuɗin Naufal tsiyan da ya iyayi kenan.

A karo na biyu tareda Anty Uwani k’anwar mama akaje. Wannan Karon komai yayi sai san barka, akwatuna set 2 akayi mai gudu hudu making eight boxes altogether. Komai yaji duk yanda Amatullah taso tayi k’arancin Anty Uwani bata fuska ba, dole ta hakura da duk wani mugunta data soyi babu hali. Dama akwaita da san Duniya taso ta siya fake abubuwa saita ci sauran kudin.

Itama Anty Saudah akwati set guda tayi purple Calvin Klein mai guda shida. Saboda ita ta dauki Naufal a matsayin yaronta bana kishiya ba. Gabaki daya set din akwatuna uku akayi wanda za’a kaima Fadeela.

********

Kwance yake akan three seater yana kallon JSC sport, favorite sports ɗinshi ake nunawa watau Badminton but baya ganewa. Tunani yakeyi kala kala ranshi duk ya jagule.

Mommyn shine ta shigo ta soma magana, “Kaiko Khattab tun dazu Lili ke ɗakin ka tana jiranka amma kazo falon Daddyn ka. Halan ka daina san Lili din ne?” sai kuma ta fashe da dariya tareda faɗin, “Khattab na Lili babu mai raba ku. Nasan kaima baka ji dadi da akace saita gama school kafin ayi bikin ku, but karka damu yau da gobe duk ɗaya ne wajen Allah.”

Yak’e kawai yake mata saboda yanzu kwata kwata baya son zancen Lili, dama bawai Santa yakeyi kawai yanuwan taka ne sai aka kai baikonsa dana Lili. Toh dayake ta haɗu iya haɗuwa yasa baiyi gardama ba. Amma yanzu komai zai faru saidai ya faru saboda shi k’anwar Naufal yakeso.

Dukda yasan cewa yarinya ce kuma gata da taɓun hankali amma shifa yaga matar aure saboda ko Naufal bai isa ya hana shiba.
“Yaya Khattab nan dama kake shine ka barni Inata kewarka” Lili ta Faɗa tana shagwaba tareda yauki kamar kuɓewa.
“Eh” ya amsa mata dashi saiya mayar da hankalin shi kan Plasma dake bango.
“Yanaga kayi shiru?  Ko yunwa kake ji?”
“Eh”
“Na dafa maka Indomie ne?”
“Eh” shifa abinda yasa yake amsa mata da eh kawai bai wuce baiso ya bata fuska takama mashi surutu ba. Domin idan ta fara tana jin kanta kamar ta haɗiye radio. Amma ya lura Sam bata ganewa, ko ka bata fuska ko baka bata ba saita yi.

Harta kai kofa ya dakatarda ita, “A haka zan aureki kina dafa min Indomie?” murmushi tayi tareda dawowa kujera ta zauna daf dashi tareda rik’o hannunsa, “Yaya kada ka bari k’aramin abu kamar girki ya shiga tsakanin mu.”
“But kinsan farinciki na shine naga kwanan abinci koh?”
Shiru tayi na wasu seconds haka saita ce, “Akwai masu aiki ai, kokuma muje restaurant muyi ordering abinci irin mai yawa wanda ake stocking a fridge kaga da munji yunwa sai dai muyi micro waving”

“Lallai” ya iya faɗi kawai domin abar maganar.

25 mins later......

Lili ne ta dawo tareda tray ɗin abinci a hannun ta, Indomie ne wanda yasha kayan haɗi, daga su carrots, peas, sweet corn da baked beans duk ta kwaɓa. Amma yana sakawa a baki ya shak’e ya kasa haɗewa. Idanun shiya firfito duk yayi ruwa. Da sauri Lili ta tallafa mashi kafaɗan shi, “Yaya Lafia?”
“Na kware ne”
Roban chi exotic dake wajen ya kurɓa, bai barsha ba saida ya shanye.

Tunanin shi ɗaya bai wuce ina zaije da sauran abincin. Bcs yasan cewa mata basa so idan sunyi girki ak’i ci. Rashin dadin Indomie ɗin baya misaltuwa, closest da zai iya faɗi shine kamar an wanke kan tsohuwa ko mahaukaciya k’azama.

Haka ya sake tura wani loma tareda taimakon ruwa. “jeki dauko min wani exotic kinga bai isheni ba”
Da fara’arta ta mik’e tayi downstairs hanyar kitchen. Yana ganin tayi nisa ya tashi da gudu yayi hanyar bayi domin yayi flushing din abinci ciki. Ya dawo ya zauna kenan yana haki sanadiyar gudun dayayi saita dawo.

Kallo ɗaya tayima kwanon saita sakar mashi wani lallausar murmushi tareda fari da idanu. Shima murmushi yayi tareda sosa k’eya.
“Narrow escape” ya faɗa a ranshi. Ita kuma ta mik’a mashi exotic ya hau kyankyama. Yana gamawa saiya dauki mukullin motarsa yayi hanyar k’ofa, “Bari naje wajen Sambo” bai jira amsa dinta ba ya ficewarsa.

Abokinsa Kabir Sambo shine suke haɗa baki dashi idan zashi wajen Miemie incase an tambaya. Yana tafeyana tunanin irin artabu da za’a sha idan ya kuskura ya furta Soyayyar Miemie but he can’t help it.

Dama in life you don’t chose who you fall in love with. Yana isa gidan gonar Anty Saudah maigadi ya buɗe mashi saboda sun saba. Kai tsaye Babban falo ya wuce, Anty Saudah kawai ya riske a falo tana kallon Sunna TV.
Rinsinawa yayi ya gaishe ta saiya zauna akan One seater, ya shafa’a ya mance da komai yana danna waya saiya ji kamshin turare ya dake hancin sa. A hankali ya ɗaga ido yaga ko waye, Saida ya k’ara murje Idonshi da kyau kafin ya ganeta.

Sanye  take cikin wani peach Da viva wanda yasha ɗinkin shoki. Dayake kwanan biyu Bilqees tana gidan ita tayi mata daurin gwargwaro saboda ta lura Khattab baa matsayin k’anwa ya dauketa ba fyace masoyiyarsa, shine tace bari tayi surprising ɗinsa.

Light makeup tayi mata na nude lips sai light smoky eyes. Saida ta kwaɓeta akan tayi tafiya a hankali kuma karta faɗa jikinsa. Dayake kanta yana ɗan daidai kwanaki biyu haka tayi duk abinda akace tayi.

Sallama tayi a hankali cikin siririn murya saita kame a one seater. Shi kuma bai samu daman amsawa saboda ya shagala yana tunani. Gabaki daya ta canza ba Miemie yar 14 yrs ba, ta zama cikarkiyan mace san kowa k’in wanda ya rasa.

Naufal ne ya shigo saiya lura da meke faruwa, snapping fingers dinshi a iska yayi tareda cewa “ me kake kallo haka?”

Dariya yayi tareda cewa, “Haskena”

#NiDaDiyata