Hello Guys !!!

I am so sorry for updating this late. Personal life and work are being caught up with something or another. I hope i could justify Nanu's feeling in here, though i feel i havent. I hope you guys like it. Please do share your reviews . 

The Letter –III

As soon as everybody slept , she rushed to take the letter out from her clutch and ran to terrace. Her heart was pacing. She was nervous as well as excited, happy as well as emotional. She was going to get a blessing she has yearned for always. She knew Nanaji had accepted her for Sameer, but she wanted to know how he felt about it. What he expects out of her. What would make him happy. She couldn’t forget the day he had kept his hand on her head for the blessings. She wanted to feel it again. She could now understand the plight of Sameer as a moment with him has left a mark on her heart so strong when Sameer has plenty of them to remember him.

Thinking so she opened the letter and started to read.

Dear Naina,

Pehle maine socha ki apna aakhiri letter Sameer ko likhunga, par phir khayal aaya ki usey likhun ya tumhe baat to ek hi hai.  (Naina smiles)  Is samay mai yeh nahi jaanta ki jab tak ye letter tum tak pahunchega tab tak humari koi mulaakaat hogi bhi ya nahi par itna mai jaanta hoon ki humari mulakaat ho ya na ho, mai tumse woh saari baatein nahi keh paaunga jo mai yahan kehne waala hoon. 

Kal hi Sameer ko maine tum logo ki naani ki saaree di hai tumhe bhent dene ke liye. Umeed hain tumhe pasand aayi hogi.  ( Naina nodes and says “bahut”) Usey mera aur apni nani ka aashirwaad hi samajhna. Waise to meri Mrs Maheshwari guzarne ke baad bhi lagbhag roz mere sapne me aati hai, kabhi mujhe daantne kabhi samjhane aur kabhi Sameeer ko sambhalne ke tareeke batane.(Naina giggles) Par kucch din pehle unhone mere sapne me aake mujhse kaha ki “ Arey Sameer ke Nanaji ,aapko na duniyadaari ki samajh hi nahi hai. Jabse aapko humari hone waali bahu ke bare me pata chala hai , aapne koi bhi tohfa kyun nahi bhijwaya shagun ka” Bas usi daant ka result thi woh Saaree.. Par tum ye baat us naalayak Sameer ko mat batana , warna bahut mazaak udaayega woh mera. Aur mai pehele hi tumhe bol raha hoon, tum meri team me rahogi. Waise bhi woh Raahu Ketu pehle hi Sameer ki team me hai.  Aur jo bhi ho, logic to yahi hai ki saare dimaag se paidal log ek taraf aur saare samajhdaar ek taraf  ho. (Naina chuckles) . 

Jeevan ka koi bharosa nahi hai beta. Bas apne Sameer ki chinta lagi rehti hai mujhe . Use aise kisi ke paas saupna chaahta hoon jo mere us heere ko sambhaale , sanwaare , taraashe aur uski chamak ko duniya tak pahunchaaye, bina uska faayda uthaaye . Woh meri zindagi ki punji hai . Shayad meri kamayi hui daulat ek baar ke liye usse door ja sakti hai, par mujhe pura vishwas hai ki mere Sameer ki values hamesha strong rahengi jaise uski Maa ki rahi hain.  Sahi matlab sahi aur galat matlab galat. Phir woh galat koi apna ho ya koi aur.

Yeh dono Maa Bete na zidd aur ego ke maamle me ek jaise hain. Agar thaan lein ki nahi karni baat to nahi karenge. Bas dono me ek chhota sa antar hai.Vishakha thodi practical hai par mera buddhu Sameer sirf apne dil ki suntaa hai.Sahi galat ka faisla bhi dil se leta hai. Par jaise hi woh apne dil ki sunna band kar de na , ya phir kabhi uska gussa uske dil pe haavi ho jaaye bas wahin woh koi na koi galti kar deta hai. Jaise usne woh shart lagake ki thi.  Par jab dil se tumhare dil ko jaana, samjhaaur uski maasumiyat ko mehsoos kiya to us gadhe ko samajh aaya ki tum to uske liye ek anmol aur naayab ratna ho. A beautiful and priceless gem. Aur aaj jo mai uski aankhon mein dekhta hoon na , mujhe uska tumhare liye woh gehra lagaav dikhayi deta hai. Woh chamak jo hamesha woh zindagi mein aur mai uski aankhon mein dhund raha tha ab finally nazar aati hai .

Tumne uski zindagi me aake uske us khaalipan ko bhar diya hai beta jo mai bhi shayad nahi bhar  paaya. Aur maiye baat daavey ke saath kehta hoon ki bhale hi tum use chhod do ya us se door chali jaao par woh tumhe kabhi nahi chhod sakta. Uske liye tum uski zindagi ho,kyunki mere jis bigde hue sahabzaade ne apni maa ke liye khud ko nahi badla, usne tumhare liye khud ko badalne se pehle ek baar bh nai socha. Jisne bachpan se dhero galatiyaan ki par apni maa ke liye kabhi un galatiyo ko sudhaarne ki koshish nahi ki usne tumhare liye na sirf apni galati sudhaarke tumse maafi maangi balki apni maa se bhi apni sabhi galatiyon ke liye maafi maangi.

Pata hai Mere Sameer ki sirf yahi ek problem hai, ki woh kabhi apni problems, apni weaknesses, apni inhibitions ya apni insecurities kisi se share nahi karta. Par mujhe pata hai ki tum uske bina kahe hi uski har baat samajh jaaogi.  Jab woh niraash hoga toh tum uski aankhon mein uski nirasha padh logi. Jab kabhi woh kucch haasil karega toh tum uska na sirf kaaran banogi balki uski kaamyabi ko uske saath sahej ke rakhogi.  Jab kabhi woh galati karega to uske kaan kheenchogi aur jab bhi kabhi woh doraahe pe hoga to uska na sirf raasta chunogi balki chaahe safar mushkil ho ya aasan, tum hamesha uska haath thaame uske saath chalogi. Bas mujhe pata hai ki Sameer jab bhi ladkhadayega toh tum use sambhal logi.

Beta yeh mat samajhna ki kaisa ajeeb selfish Buddha hai yeh,, Bas apne naati ki fikra hai. Uska saath doon uski galati sudhaarun, uske liye sab kucch karun aur woh kucch na kare. Aisa nahi hai ki mai tumhare bare me nahi soch raha. Par mai apni parvarish ko jaanta hoon. Mujhe pata hai ki Sameer tumhara saath hamesha dega. Woh hamesha tumko khud se aage rakhega.  Tumhari kaamyabi me usko tumse zyada khushi hogi aur tumhare dukh me woh tumse zyada dukhi hoga.  

Vishwaas mujhe tum dono par hai , par woh kehte hain na ki zimmedaari aap apne us bacche pe daalte ho jo thoda zyada strong ho. Aur tum dono me semujhe lagta hai ki tum thoda zyada strong ho. Isliye mai tum dono ki zindagi ki gaadi ka driver tumhe banana chaahta hoon.  Mujhe pata hai ki tumhara balance bhi sahi hoga aur tum raaste bhi sahi chunogi.

Waise toh ye maa bete dono ek dusre se bahut pyaar karte hain par indono ki yeh jo EGO hai na woh ab tak toh mujhe bhaari padti aayi hai aur aage iska shikaar tum banogi. Jiske liye mai tumse advance me sorry bolta hoon.  Maine in dono ke beech ki dooriyaan mitaane ki har sambhav koshish ki hai beta aur mujhe pata hai ki tum bhi har nakaam koshish karogi. Bas inke rishte ki khidki se woh ahem ka parda gira dena aurgalatfehmiyo ka darwaza khol dena taaki dono ko ek dusre ka dil saaf saaf dikhayi dene lage jisme ek dusre ke liye bharpur pyaar hai. Mujhe pata hai tum aisa kar sakti ho, kyunki maine tumhare andar rishto ki samajh dekhi hai, unke liye tumhara bharosa dekha hai aur apnapan to tumne mujhe dikha hi diya tha, jabki mai toh tumhara kucch lagta bhi nahi tha.

Aur haan mujhe pata hai aur Sameer ne bhi bataya tha tumhari aage badhne ki lagan aur sapno ke bare mein . Isey tum meri tumhare liye pehli aur aakhiri iccha hi samajhna. Mai chaahta hoo ki tum khoob padho aur jo tumhara dil chaahe woh kaam karo aur apna aur hum sabka naam roshan karo. Mai manta hoon ki betiyaan beto se zyada zimmedaar aur samajhdaar hoti hain. Aur unko apni samajhdaari hamesha constructive way me use karni chahiye. Tumhara talent kabhi waste nahi jaana chahiye. Tum khoob aage badhna aur jab bhi kabhi koi tumse tumhara kaam chhodne ke liye kahe toh uski baat ansuni kar dena. Jab tak tumhara mann ho tab tak kaam karna aur jab mann na ho to chhod dena, par sirf apne dil ki sunna ,kisi aur ki nahi.

(She couldn’t believe her eyes. Amidst tears she clears her vision to read these words again, where at one point of time she was told to quit her dreams for getting married here his grand father-in-law was asking her to never quit her dreams and follow her heart. Sameer was right; Nanaji was indeed a man ahead of his times. She could see a lot of him in his grandson).

Aur phir dekhna tum dono ki shaadi ai kitne dhoom dhaam se karunga..Arey pura ka pura Ahmedabad dekhta reh jaayega. Dekhna tumhare sangeet me maihi sabse zyada naachunga. Aur baaraat ka toh bahut wait karna padega tumhe,kyunki mai aur munna pandit milkar bahut dhamaal karenge. Arey bhai mere Sameerki shaadi hogikoi chhoti baat hai.

Armaan bahut hai mere tum logo ke liye, par lagta hai ab waqt zindagi se race haar raha hai. Isliye mujhe apne armaan aur apna parivaar dono tumhesaupke jaana padh raha hai. 

Mujhe yakeen hai ki agar mai tumse ye sab nahi bhi kehta to bhi tumsab kucch sambhal leti, par keh kar bas apni zimmeaari puri karna chaahta hoon.

Apna khayal rakhna beta kyunki mere liye tum Sameer aur Vishakha se kisi maayne me kam nahi ho . Aur mere us buddhu Sameer ko bhi sambhaalke rakhna.Aur agar ho sake toh apni mummy ka bhi khayal rakhna. Ab se mere parivaar me meri jagah tumhari hogi isliye mere saare kaam bhi tumhare honge.

Bahut Saara Pyaar !!!

Tumhara

Nanu

She was sitting holding the letter closed to her heart. Her tearswere flowing with mixed emotions. She was feeling blessed with Nanaji’sblessings. She was feeling responsible with the feeling of fulfilling his eachand every wish. She was stunned by the amount of love he had in his heart. Andshe was feeling complete with a divine power that has suddenly appeared in her,may be directly from heaven.

She was adamant now to bring in the happiness into Sameer and herlife. She had a lot to do but she knew somewhere deep within that she has aneternal divine support with her now.

“I wish I could meet you once Nanu, I wish I could thank you justonce for making My Sameer such a gem that he is. So loving, So caring, So sensibleand So big hearted. He is indeed your shadow. And I am truly blessed. ”

**********************

Please do share your reviews. As a writer i would be always looking forward to your comments. please Please do let me know how do you like it. 

Love

Sakshi