Namjooniyat || Hindi

Samay: shaam 5 bajke 6 minute

Din: shanivaar

Sthaan: Namjoon aur hoseok ke kiraye ke ghar ke bagal wale Jeon parivaar ke ghar ke sabse chhote bete ka kamra

Namjoon(with headphones on):
"mera jhumka utha ke laaya yaar
veeeee jo gira thha Bareilly ke bazaar me"

Jungkook(hoseok ke laptop—jisme ye baar baar game download kardeta hai aur hoseok se baar baar leleta hai shaam ko game khelne ke liye—se nazar hatate hue):
"Ye kaun-si line me aa gaye aap bhaiya?"

Namjoon(halka halka nachte hue):
"Mujhko nachaake nachleeeeeeee"

Jungkook(pocket se apna Samsung guru
button waala phone —coz pcmb student hai
coaching bhi jaata hai to moh maya me judna
nahi chahta isliye smartphone mummy ko
dediya... ya mummy ne leliya... iski khabar
abhi Hume nahi hai—nikaalte hue):
"Nach basanti"

Namjoon(halki si kamar matkaate hue):
"aaja nachle nachle mere yaar tu nachle"

Jungkook(Khushi se apni high level
cameraman skills use karke record karte hue):
"Ab to Jayega Bluetooth se hoseok bhaiya ke Android phone-shit man" (dukhi waala muh banate hue) "storage khatam Fu-

*gate khulta hai Mrs jeon ghusti hai tray me orange juice aur friyams le kar*

Mrs Jeon(smile karte hue):
"beta kuchh kha lo"

*joon notices, takes his headphones out and
dashes towards Mrs jeon to help her with the
tray like a good sanskaari boy*

Hoseok(doodh ke glass ke saath entry maarte hue): "lo beta kuchh pee lo" *hands the doodh ka glass to jungkook*

Jungkook(chintit expression ke saath):
"Mera juice??"

Mrs Jeon(expression transitions
from sweet smile to straight face):
"doodh peene ka time hai abhi tumhaara"

Jungkook(whines):
"Mummy yaaaaar"

Mrs Jeon(kamar pe haath rakh ke
gussa karte hue):
"Yaar hu mai Tumhaari??"

Jungkook(haath jodte hue):
"Achha sorry"

*mrs jeon apne bete ko gusse se ghoorte hue exit maarne se pehle ek baar pyar se unke laadle padosiyon ko smile karke nikal leti hain*

Hoseok(taunt marte hue):
"Chal, raja beta ki tarah pee ja doodh"

*Jungkook gusse se hoseok ko ghoorte hue doodh gatak jaata hai ek saans me fir muh pochhke glass ko dham se rakhta hai table pe*

Hoseok(firse taunt maarte hue):
"Ale? Laaja beta hai ye to"

*Jungkook eye roll karte hue hoseok ke laptop me game khelna shuru karta hai*

Hoseok(laptop chheenne ka prayaas karte hue):
"Bas hogaya vaapas kar"

Jungkook(hoseok ka haath block karte hue):
"ek last round bas"

Hoseok: "last kabhi nahi aata tera"

Jungkook:
"aajayega yaar distract mat karo aap"

Hoseok: "abey o, nariyal jaisi khopdi me
nariyal tel lagaane waale momo-

Jungkook:
"arey yaar jao na yaar
concentrate karne do mujhe"

Hoseok(offend hote hue):
Dekhiyo ise joon

Namjoon(sings with headphones on, ishara karte hue ki he can't hear him):
"What's my name? What's my name? What's my name? My name is-

Jungkook(chuckles, smirk karte hue):
"Inko kaafi jawaani chadh rahi hai aaj kal"

Hoseok(Sherlock hopes mode activate karte hue):
"Aapke kehne ka tatparya kya hai?"

Jungkook(game pe focus karte hue):
"Kaafi khush khush lagte hai gaane sunte
rehte hai naachte rehte hai"

Hoseok(deep thinking phase me jaate hue):
"Hmmmmmmmmm Maine bhi ye notice kiya
hai aaj kal" (fir he snaps out of the phase and
goes back to bickering with Jungkook for his
laptop)

Jungkook(sar pe haath rakhte hue chair pe
disappointingly lean back karte hue):
"WHAT THE FF-FULJHADI??"

Hoseok(chirps):
"Kya? Hogaya khatam? Mar gaya? Haar gaya?"

Jungkook(gives him 'the look'):
"Abhi re spawn ho raha hu zyada
khush mat ho, bacha hai ye round abhi"

Hoseok(dheere dheere Jungkook ki table ki taraf chalte hue):
"Achha.... is button se kya hota hai?" (He
presses the power button on his laptop,
turning the display off)

Jungkook(Yells, irritate hote hue):
"BHAIYAA!"

Hoseok(smiles tables se laptop uthate hue):
"Yes?"

*even Namjoon hears this and responds with a "yes?" then a concerned Mrs jeon enters the room with a "Kya hogaya? Kyu chilla rahe ho?" to which Jungkook responds with "kuchh nahi game khel rahe thhe" and then Mrs jeon gives him a piece of her mind about gaming and wasting time. She ends with "extra padh lo kuchh namjoon bhi hai abhi yaha pe ya baith ke kuchh baatein kar lo itne dino baad free time mila hai to," then leaves.*

Jungkook(muh fulaate hue):
"Yaar thhoda sabr nahi kar sakte thhe??? Jeetne hi waali thhi meri team!"

Hoseok:
"abey chal momo face, pata hai mujhe ek aur
round shuru kardeta tu bina bataye fir ullu
banata do ghante tak"

Jungkook:
"Khud ki natraj ki pencil jaisi
shakal hai mujhe momo face bol rahe hai"

Hoseok:
"kYA BO-

Namjoon:
"Shaant balakon sha-

Jungkook(joon ko ignore karke hoseok se behes karte hue):
"aapse thhodi der ruka nahi jaata kya?"

Hoseok:
"Nahi, nahi ruka jaata ab bol"

Jungkook:
"Vo park waali didi se chat karlete fir itne restless ho rahe thhe to"

Hoseok:
"Kya???!"

Namjoon:
"Park waali-

Hoseok:
"Kya kuchh bhi bolega?"

Jungkook(eyebrows upar neeche karte hue):
"Aapko kya laga aap hi jaate ho subah jogging karne?"

Namjoon:
"Who's this park wa-

Hoseok:
"Tu meri jaasoosi karta hai park me ki jogging????"

Jungkook:
"Kismat keh lo, mai bas jaa raha thha
vaha se jab aap number vagera exchange
kar rahe thhe"

Hoseok:
"excuse me?
No numbers were exchanged.
Mind your business."

Namjoon:
"Koi mujhe batayega park-

Jungkook(chidhaate hue):
"Achha betaaaa no numberssss?"

*fir Jungkook-hoseok bickering session comtinues*

Namjoon(inhales and exhales):
Jungkook, thermodynamics hogaya?

Jungkook: nah

Namjoon: equilibrium?

Jungkook: nah

Namjoon: S-block?

Jungkook: start kiya thha... ek page hua hai

Namjoon: Hydrogen?

Jungkook: kholi to thhi book
ek para padha bhi thha par-

Namjoon: Redox reaction?

Jungkook: "ha, vo hogaya... shayad..."

Namjoon(seriously asks):
"paper kab hai?"

Jungkook(coolly responds but fattna shuru hote hue): "Monday"

Namjoon: "aunty ko pata hai ye?"

Jungkook: "Nahi..."

Namjoon(smiles menacingly):
"To ab kya karna hai... game khelein?"

*silence*

*background me hoseok apni hasi rokne ki koshish karta hai*

Namjoon:
"Diyo laptop zara, game
khelenge aaj Jungkook aur mai"

*fir kisi ki band bajti hai. fir kisi ki fatt ke chaar hojaati hai. fir koi panic maarna shuru karta hai. fir use yaad aata hai Abhi to Sunday bhi hai fir vo procrastinate karne lagta hai. fir Namjoon ki shakal saamne aati hai, fir padhne lagta hai*

The end

inspired by true events

except the true event didn't have Namjoon to stop the true event from procrastinating

djdjjdjfjfjfkdkkdkekd

saavdhaan rahein, satark rahe