"Ligaw na Bituin"
Dedicated to @Sheislicaa

Ako ay isang ligaw na bituin.
Nagniningning sa kalangitan tuwing gabi.
Ang 'aking buwan' ang palaging katabi.
Sandali, Bakit kita inaaangkin?
Akin ka ba?

•

Paumanhin, Hindi ka pala akin.
Hindi ko rin alam kung posible bang mapasaakin.
Sapagkat ang katulad kung bituin—
Ay kailanma'y hindi mo mapapansin!

•

Aking mahal na buwan,
Pinapalibutan ng mga Naggagagandahang bituin.
May iba't-ibang kulay, laki at kinang.
Hindi maipagkakailang lahat ay kapansinpansin.

•

Ako'y isang ligaw na bituin.
Pagitan namin ay sobrang lapit.
Ngunit ewan ko ba kung bakit?
Ang aking kinang 'di mo mapan-mapansin.

•

Ilang araw, linggo at buwan na ba tayong ganito?
Sa kalawakan ay pinagtatagpo't pinaglalayo.
Paulit-ulit pero bakit di mo batid?
Na ako ay nandito lamang at kumikinang para sayo.

•

Minsan sa isip ay aking natanong,
Pagiging manhid mo ba ay isang talento?
Batid ko kasi ang iyong husay dito.
Tila ba ay eksperto ka na sa larangang ito.

•

Gusto ko lang namang mapansin mo.
Ano ba ang pwede kong gawin sayo?
Lalapit pa ba ako?
Sisigaw at ipaparinig sa iyo?
Na ikaw ang tinitibok ng puso ko.

•

Ngunit paano kung mawalan na ako ng pag-asa?
Paano kung mawala na ang aking kinang?
Paano kung tuluyan nang mawala sa kalawakan?
Ako ay hahanapin mo ba?

Aking buwan...

✍️Writer_Lhey