"Malayo't Malabo"

Bakit kaya tayo'y magkalayo?
Kinaroroonan mo'y malayo
Ngunit sa iyong pangako—
Aasahang hindi iyon mapapako.

•

Maghihintay gaano man ito katagal,
Aasa kahit walang kasiguraduhan,
Susubukang maniwala't magtiwala
Na balang araw tayo'y magkikita.

•

Pero ang puso'y may kiro't,
Ang isip ay nababahala,
Ako'y natatakot na—
Ang ating agwat ay mananatiling malayo.

•

Na ang panahon na magsama
Ay hindi na darating, sapagkat ito ay malabo.
'Di ko mapigilang magkaganito.
Paumanhin! Aking ginoo...

•

Maari ba akong humiling ng isang sinyales?
O pahiwatig na ang pangako mo'y
Totoo, na ito'y magkakatotoo!
At balang araw pagtatagpuin rin tayo ng tadhana.

Maniniwala kahit malayo't malabo...

✍️Writer_Lhey