"Aking Buwan"

Aking minamahal na buwan
Kelan kaya ika'y muling masisilayan
Ikaw ay aking hanap-hanap
Kinaroroonan ay hindi mapuntahan

•

Kung sana hindi malayo ang pagitan
Pinagmulan ay taong-liwanag ang agwat
Aantayin ko pa ba'ng bumaba ka aking buwan—
Upang ika'y aking mayakap at halikan

•

Bakit kasi nasa itaas ka
Kahit pilitin kong abutin
Ay hindi ko magawang
Ikaw ay mapasa-akin

•

Isa kang pangarap na di ko alam kong matutupad ba
Hilingin ko man ngunit ito ay pilit na ipagkakait
Na kahit paghirapan ko man ay
Hindi-hindi pagbibigyan
Maari ka bang dumayo ulit?

•

Muli ako ay magbabaka-sakali
Na ngayong gabi ikaw ay
Aking masisilayan dito—
Sa kalangitan nawa'y ang puso'y

•

Huwag sanang paasahin at biguin
Ang pusong matagal na nag aantay
Sa iyong pagdating
Ako sana'y mapasaya mo

•

Aking buwan...

✍️Writer_Lhey