Aik hafta guzar gya..woh ab hospital mein buri trha masroof ho gya tha..aliya hamesha uss se bht purjooshi se milti thi aur woh chahta tha k aliya uss ki jaan chor dai magar yeh uss k bas mein nhi tha...

Aaj woh apartment aya toh socha k q nah khadija ko phone kr liya jayay..uss ne apnay phone se woh number nikala jis se khadija ne phone kiya tha aur call mila di ....dil hi dil mein dua kr rha tha k sub thk ho..

Chund lmhon baad phone utha liya gya..uss ne sofa se taik lga li...

Hello..

Doosri taraf se awaz i...

Hello! Khadija??

Umer ne poocha...

G haan umer sahab aur aap ki himat kesay hoi mjy phone krnay ki...aaj k baad agr mjy phone kiya toh mjh se bura koi nhi ho ga...

Ussay awaz sunai di..woh sun ho gya...

Aap ki tbyt thk nhi lg rhi awaz bhi change lg rhi aap aram karain....

Oh hello! Mjy kisi ki hamdardi ki zaroorat nhi aur mein bilkul thk hun smjhay ab phone rkho aur yeh number delete kr do phone se...

Doosri taraf se kha gya aur phir phone bund ho gya....

Woh kuch dair bai-maqsad phone ko ghoorta rha..ussay lg rha tha jaisay yeh khadija nhi koi aur hai, itna sakht lrhja khadija ka nhi tha aur awaz bhi..magar abhi woh ussay janta hi kitna tha...

(Khadija hi ho gi aur kon ho skta..)
Uss ne socha aur naraz sa ho kr baith gya..
( gaaon k wahid handsome doctor ki itni baisti)

Uss ne socha....

-----------☆☆☆☆

woh kapray dho rhi thi..amma g sath walon k ghar gai hoi thin aur woh thakan se choor thi..abba g hakeem k pas gayay thay q k un ki tbyt bht zaida kharab thi....

Itnay mein pari phooli hoi sans se ander daakhil hoi...

Hayee khadija kya btaaon aaj kya howa...

Woh boli toh khadija ne ussay daikha...

Kya howa??

Idhar aa btaaon...

Pari ne charpai pr baithtay howay kha toh woh haath khushk kr k uss k pas baith gai...

Han bol...

Yrr aaj uss ka phone aya tha...

Kis ka?

Umer ka...

Pari ne kha toh uss k chehray k tasurat badlay...

Phir??

Yeh toh acha howa k mene phone utha liya...mene toh ussay saaf....

Aur phir pari ne ussay sari baat bta di...

Woh khafgi se ussay daikhti rhi ...

Tu ne acha nhi kiya..itnay buray tareeqay se boli un k sath..keh daiti k mein khadija ki dost hun kya ho jata...

Woh narazgi se boli...

Wah wah..mein q bol daiti..shukr kr k amma ne phone nhi uthaya wrna pta nhi kya ho jata..

Woh toh thk hai laikin insan mein thori tameez hoti hai pta nhi woh kya sochain gai meray baray mein k kitni batmiz lrki hai...

Khadija ko tasali nhi ho rhi thi....

Tjy bht fikar ho rhi..sach sach bta kya chal rha hai teray zehan mein??

Pari ne mashkook nigahon se ussay daikha...

Kuch nhi chal rha. Tu ja ab mjy bht kaam krnay hain...

Khadija khari ho gai...

Han jaa rhi hun..naiki ka toh zamana hi nhi...

Pari barbarati hoi chali gai.. jub k uss ka dil kharab ho gya..
(Hd hi krti hai pari)

--------------☆☆☆☆

Uss shaam woh mithoo k ghar gai aur ussay bula lai...

G baji q bulaya koi kaam tha??

Mithoo ko woh apnay kamray mein lai i thi ...

Han..

Bolain....

Mithoo mjy jo kaam hai nah tum se woh bht raaz ka hai wada kro k yeh baat hum dono k darmiyan rhay gi..

Khadija ne hath brhaya toh mithoo ko yuk-dum umer yaad aya...magar uss ne apna hath khadija k hath pr rkh diya...

Khadija ne jldi se sketch book kholi aur pencil utha kr uss k pas baith gai...

Mjy btao k tumharay umer bhai dikhnay mein kesay hain??

Hain??

Mithoo ne hairat se ussay daikha...

Mithoo mein tumhain roz baisan wala naan bna kr dun gi plz mjy yeh bta do....aur kisi ko btana bhi mut...

Acha acha baji.. kisi ko nhi btaoon ga..

Mithoo se hansi zabt krna mushkil ho gya tha....

Phir btao k un k hont kesay thay??

Uss ne poocha...

Ummm....ooper wala hont zra bra aur neechay wala thora sa choti aur gulaabi hont hain bhai...

Mithoo ne mazay se btaya toh woh sketch book pr jhuk gai aur pencil chalanay lgi...thori dair baad uss ne sir uthaya aur mithoo ko sketch book dikhai...

Aisay??

Uss ne poocha...

Aray wah..kitna acha bnaya aap ne..bilkul aisay hi hain....

Mithoo ne kha toh woh khush ho gai...

Ab btao naak kesi hai un ki??

Hmmm..naak un ki khari hoi hai jis pr hr waqt gussa charha rehta hai..aur nah moti hai nag patli. darmiyani hai...

Mithoo ne kha aur woh mehav ho kr naak bnanay lgi...

Yeh daikho...

Haan bilkul aisi hi hai ..baji aap ne toh kamal kr diya...

Mithoo ne khush ho kr kha....

Ab btaoo ankhain kesi hain??

Ankhain....umer bhai ki ankhain bht nasheeli hain...hahah...

Mithoo ne hanstay howay kha....

Baaz aa jao mithoo aap!! Btao sahi se....

Uss ne poocha...

Hahah..acha...un ki ankhon ka bnta halka saiyaah hai aur....

Woh sochnay lga..

Bnta??

Han yeh jo hota hamari aankh mein...

Uff oo mithoo bht shararti ho...acha agay btao...

Khadija ne poocha ussay bht jaldi thi ...

Aray o khadija....idhar aa k daikh handi ko jl rhi hai...

Amma g ki awaz i....

Ohh aap jao mithoo amma g ko pta chala toh bhr maar paray gi aur kisi ko nhi btana ....

Uss ne jldi se sketch book bund ki ...

Baal un k bht silky hain aur maathay pr ayay rehtay hain...aur thoray baray hain saiyah...acha ALLAH hafiz bs ankhain reh gain...

Woh keh kr chala gya jub k woh baal bna kr baahir gai tub tuk handi jl chuki thi aur amma g ussay sakht sust suna rhi thin...magar aaj kuch bhi bura nah lf rha tha...uss ne aadhay umer ko daikh liya tha...woh waqai bht handsome tha....

----------'☆☆☆☆

Waqt guzarta gya aur aik mahina guzar gya..umer ko degree mil chuki thi aur ab woh aik doctor ki hasiyat ikhtiyaar kr chuka tha aur khush qismati yah shayid bad qismati se woh ussi hospital mein permanent howa tha...

Iss arsay k doraan kai baar ussay khadija ka khaiyal aya tha aur ussay lg rha tha jaisay ussay bin daikhay mohabbat ho gai hai..aur woh khud ko bht mahan smjh rha tha q k uss ne abhi tuk apni mohabbat ko daikha bhi nhi tha...magar woh galat tha..uss jaisi aik mahan hasti choudary sahab k ghar bhi majood thi....

Doosri taraf khadija roz raat ko sonay se pehlay uss sketch se baatain krti..haalan k abhi tuk woh pehchana nhi jaa skta tha q k insan ki pehchan uss ki ankhon se hoti hai aur sketch mein aankhain naa-paid thin magar khadija ko iss naa-mukamal sketch se bhi dil o jaan se zaida mohabbat thi ....

Iss mahinay mein abba g ki tbyt kharab hi rhi q k hakeem k mutabiq un ko brain tunor tha aur ab un ki zindagi thori hi reh gai thi...magar unhon ne yeh baat ghar mein nhi btai...magar ab unhon ne khaiton mein jana chor diya tha...aur gaoon k aik jawan ko rakhwali ki zimaidari dai di thi jo k abba g k dost ka baita tha...khadija abba g ki bht khidmat krti thi...un ki aik awaz pr hazir ho jati..dhor dhor kr saray kaam krti.. prhai ab pas-e-pusht chali gai thi...woh hr namaz k baad abba g k liye dua mangti...asim ne aik baar bhi palat kr baap ki khabar nhi li thi...aur nah hi koi phone aya tha...abba g ne toh ab yehi farz kr liya tha k un ka koi baita nhi sirf aik baiti hai jis ki unhain shadi krni hai..aur woh din raat issi fikar mein ghultay rehtay...

-----------☆☆☆☆

Hello guyz!! Kesi lgi episode?? Vote aur comment zaroor kijeay ga..

Thanks!!😄