Shabash...Allah salamat rkhay...

Choudary sahab ne kha tbhi uss ne kisi ki awaz suni...

Yeh lijeay abba g grma garam pakoray khadija madam ki farmayish pr...

Shazia chehaktay howay kmray mein daakhil hoi..aaj baarish honay k bayis uss ne bavarchi khanay mein pakoray bnayay thay...

Samnay baithay shakhs ko daikh kr uss ki bolti bund hoi...

Shukriya..shazia yeh umer hai aur umer yeh shazia hai asim ki baigam aur meri bahoo...

Abba g ne taruf krwaya...

Umer ne shazia ko salam kiya aur drwazay ki taraf matlashi nigahon se daikha....

Acha. Aap log khayain mein khadija ko bula kr laati hun chut pr hai...

Shazia ne kha aur kamray se baahir nikal gai...

Umer ka dil zor se dharka. Uss k dil chah rha tha kahin chup jayay.. Allah woh kesi ho gi? Aankhain, naak ,kaan ,hont...ufff...uss k dil uthar phutar ho rha tha...

Magar woh khud pr qaaboo paa kr baitha rha jub ussay shazia ki cheekh sunai di...

-------------☆☆☆☆

Woh baarish mein bheegti rhi...aahista aahista uss ka sir bhaari ho rha tha.. aur phir kuch dair baad ussay chakar auyay aur woh gir gai...uss k baad ussay yaad nhi k kiya howa tha...

-------------☆☆☆☆

Shazia ki cheekh sunai di aur woh bhaagti hoi ander i...

Abba g..amma g..woh khadija baihosh ho gai hai..mene ussay hath lga k daikha bukhar mein tup rhi hai...

Shazia ne kha toh sub se pehlay khara honay wala umer tha...
Baqi sub bhi kharay howay...

Aik toh yeh lrki bhi nah sunti nhi hai...itni laa-prwah hai...

Amma g ne kha aur woh log kamray se baahir aa gayay...

Abba g, amma g aur shazia toh chut pr chalay gayay...jub k umer ne abhi pehli seerhi pr hi qadam rkha tha jub asim ne ussay roka..

Oh hello mister! Tum kahan jaa rhay ho? Chalo shabash nikaltay ho..

Daikhain plz aik baar mjy...

Umer ne kuch kehna chaha magar asim ne darushtagi se uss ki baat kaati ....

Mene kha nah dafa ho jao .. agr tum mangni kr laitay toh tumhara haq tha ussay daikhna magar ab tum yeh haq kho chukay ho..kitna khush tha mein k ab khadija se jan choot jayay gi hr waqt abba g ki chamchi bni rehti hai magar nhi tum se nah daikha gya...

Asim ab masalsal brbara rha tha...

G??

Aur umer hairat se ussay daikh rha tha k aakhir bhai apni behn k baray mein aisa kesay soch skta hai...

G..abb dafa ho jao...

Asim ne kha toh woh thook nigalta howa ghar se nikal gya...

Baahir nikal kr uss ne aik baar ghar ko daikha phir apnay ghar ki janib chal diya....ussay smjh aa gai thi k abhi taqdeer unhain milana nhi chah rhi..

------------☆☆☆☆

Uss ne aahista aahista apni aankhain kholin...sir bht dard kr rha tha. Uss ne apnay ird gird nazar dohrai... koi nhi tha..uss k palang k sath khirki thi uss ne baahir daikha. Asman saiyah tha matlub k raat ho chuki thi...woh uthi aur takiyon se taik lga k baith gai...

Pta nhi kyu chakar aa gya tha mjy.. uff ab amma g aur bhai bht dantain gai..

Woh preshan ho gai...jub abba g uss k kamray mein ayay...

Haan g toh kya haal hai meri sahabzadi ka??

Abba g ne muskuratay howay poocha...

Thk hun aaba g..

Uss ne kha aur sir jhuka kr baith gai...

Abba g uss k pas baith gayay...

Khadija puttar kya cheez tjy tung kr rhi hai??

Gg?? Kuch nhi abba g kuch bhi nhi ...

Woh ghabra gai...

Daikh meri dhee (baiti) yeh sub taqdeer k khail hain.. tu bai-fikar ho ja. Jo teray naseeb mein howa woh tjy zaroor milay ga aur jo nhi likha woh kisi soorat bhi nhi mil skta...

Abba g ne uss k hath thaam kr kha...

Nhi aaba g dua se taqdeerain badal jaati hain..

Uss ne kha toh abba g muskuray..

Dua se miltay hain sochon se nhi..mjy sub pta hai jo tu raaton ko soti nhi hai karvatain badalti rehti hai...

Laikin aap toh soyay hotay hain...

Ussay waqai hairangi hoi...

Hahah..baap hun tera..tu meray jigar ka tukra hai..teri ankhain daikh k bta skta hun tu udas hai...

Abba g ne kha toh woh un k galay lg gai...

Aaba g aap bht achay hain..

Aur tu bht jhali hai..

Abba g ne kha toh woh hans di..uss k dil sajday mein gira tha,Allah ne ussay bht acha baap diya tha...

Bhabhi kahan hain?,

Woh abba g se alag hoi ..

Woh log chalay gayay shehar...asim ko daftar se phone aya tha toh jaisay hi baarish ruki woh chalay gayay..shazia toh jaa hi nhi rhi thi..asim ne danta toh gai..

Abba g ne kha...

Shukr hai bhai se ab dant nhi paray gi..

Uss be sukh ka sans liya toh abba g hansnay lgay..

Chal tu aram kr. Mein teri maan ko kehta hun tjy yakhni dai ...

Thk hai...

Uss ne muskura kr kha..Abba g se baat kr k sakoon mil gya tha...

----------☆☆☆☆

Woh choudary sahab k ghar se anay k baad apnay ghar ki bajayay sath walay ghar mein chala gya..jis k sehan mein mithoo bht se bachon k sath kashtian bna rha tha...

Woh afsurda sa uss k pas gya...

Mithoo idhar aao meri baat suno...

Han han bolo bhai...

Mithoo ne kha toh umer ne ussay sir pr thapar lgaya...

Mene kha k baat suno...

Han toh sun rha hun nah bhai..tum bhi nah..

Mithoo ne khafgi se apna sir sehlaya...

Tum!!!

Umer ne ussay ghoora..

Nhi aap....

Mithoo ne kha...aur umer k sath aik khali konay mein aa gya...

Mera aik kaam kro gai???

Umer ne poocha...

Han han aap ko toh pta hai k koi kaam aisa nhi jo mithoo nah kr skay...

Mithoo ne frzi collar jhaaray...

Laikin wada kro k kisi ko nhi btao gai..kisi ko bhi nhi!!!

Umer ne hath agay kiya toh mithoo ne uss k hath pr apna hath rkh diya...

Mithoo ne kachi goliyan nhi khailin...

Khadija ko jantay ho nah??

Umer thora sa jhuka aur razdari se poocha...
Mithoo mashkook nigahon se ussay daikha...

Bolo ..

Haan bhai khadija baji ko kon nhi janta choudary sahab ki baiti hain...

Mithoo ne kha...

Shabash! Ab tumhain krna yeh hai k subha un k ghar jana aur daikhna k un ki tbyt kesi hai aur un se poochna bhi. Laikin yaad rhay k mera naam nhi aana chahiyay..smjhay??

Umer ne kha toh mithoo hansa...

Smjh gya...aap ka kaam ho jayay ga..

Good! Tumharay abbu k pas mera number hai. Tum ne mjy phone kr k btana hai jo unhon ne kha..laikin...

Umer keh rha tha magar mithoo ne uss ki baat kati...

Laikin kisi ko pta nhi lgnay dun ga..

Sai hai... ab mein chalta hun...tum apna munh bund hi rkhna..

Thk hai...

Mithoo ne kha toh woh gehra sans lai kr reh gya...

Aur phir sham ko baarish ruk gai toh woh shehar chala gya..lahore ki sarkon pr bhi paani khara tha..ussay achanak nehar yaad aa gai...

Hospital poocha toh Dr. Irfan ne uss ko patient ka room no btaya aur khud chalay gayay q k un ki duty khatam ho chuki thi...

Woh room mein gya toh Dr.Aliya wahan majood thin aur mareez ka haal pooch rhi thin...

Assalam o aliakum!

Umer ne salam kiya..toh Dr. Aliya ne ussay daikha aur khushi se uss k pas i ..

Wa aliakum aslam janab! How r u?? Aur itna late q?

Woh barish ki wajah se ...

Uss ne pehlay sawal ka jawab nah diya ab kya btata k kitna bai-chain tha...

Oh come on umer! Kya aap jaisa azeem bahadur shakhs baarish se ghabra skta hai...kbhi nhi...

Aliya ne kha toh woh muskura diya...

Azeem aur bahadur...

Uss ne taajub se kha...
(Itna azeem hota toh khadija ko aisay chor kr nah aata...aur itna bahadur hota toh abhi tuk ussay daikh chuka hota)
Uss ne socha...

Hello! Kahan kho gayay??

Aliya ne uss ki ankhon k aagay chutki bajai..

Nhi..kuch nhi..aap jayain mein iss patient k pas hun...

Oh toh aap hamain nikal rhay hain..

Aliya ne shararat se kha...uss ka dil chaha k apni aliya ko bahir nikal dai..

Nhi..mein toh aap k comfort k liyay keh rha tha....

Haha..acha mein ja rhi hun...aap apna daihaan rakhiyay ga. Khuda Hafiz..

Woh keh kr chali gai aur uss ne sukh ka sans liya...

-----------☆☆☆

Aglay roz woh din k waqt sabzi kaat rhi thi jub mithooo aa gya...aur uss k sath aa kr charpai pr baith gya...

Kesay ho mithoo??

Khadija ne muskura kr poocha...

Mein toh thk hun. Magar aap thk nhi lg rhin itni kamzor lg rhi hain..

Mithoo ne kha toh woh hansanay lgi ..

Acha dada g...

Kya acha? Aap apna khaiyal rkha karain nah...

Mithoo ne kha...

Mein toh apna khaiyal rkhti hun mithoo...bs bukhar ho gya tha aur yeh hona toh lazmi hai nah wrna gunnah kesay jharain..

Woh muskuratay howay ussay smjha rhi thi...

Hain kya matlub??

Mithoo! Jub insan k gunnah zaida ho jatay hain nah, toh Allah ussay baimar kr daita hai yah koi aur azmayish dai daita hai q k iss se gunnah jhar jatay hain..ALLAH chahta hai k apnay bndon ko pak saaf kr k apnay pas bulayay...

Uss ne naram lehjay mein kha toh mithoo ne sir hilaya...

Toh baji.. phir umer bhai jo nehar mein giray thay woh bhi azmayish thi??

Mithoo ne poocha toh uss k sabzi kaattay hath rukay...

Gg..

Uss ne mukhtasar jawab diya...

Aur jo log barson baimar nhi hotay kya woh bht naiq hotay hain?

Nhi baita!! Gunnah toh sub krtay hain..laikin Allah kuch logon ko baimar nhi krta toh koi aur azmayish dai daita hai..aur baimar hona khush qismati hai...acha ab aap btao k kya khao gai?

Uss ne poocha toh mithoo ne socha...

Baji aap mjy baisan wala naan bna k khilayain jo pichlay mahinay khilaya tha...

Thk hai..phir aap thora sa intazar kro mein abhi bnati hun..Amma g kamray mein hain un ko salam kr aao...

khadija ne kha aur naan bnanay chali gai...

--------------☆☆☆☆

Woh night duty dainay k baad subha apnay apartment mein chala gya..woh bht thak chuka tha...sir bhi dard kr rha tha..chayay bnanay k baad woh sofa pr baith kr tv chalo kr liya...

Uff ho! Itni zaida cheeni...

Uss ne chayay ka pehla ghoont bhara aur bura sa munh bna kr cup wapis rkh diyay...

Aur lait gya aur sir masalnay lga...

Abhi aadha ghanta hi howa tha jub uss ka phone baja...

Uss ne phone daikha ..aur foran phone uthaya...

Hello mithoo haan bolo kesi hain tumhari baaji??

Hayee Allah itnay utavlay ho rhay hain aap..

Bakwas nah kro jldi btao...

Umer ne bigar kr kha...
Aur phir mithoo ne aik aik harf bta diya...

Woh sunta rha..baimari ...azmayish...gunaah...
Woh bht mutasir howa tha...

Phone bund krnay k baad woh kusi gehri soch mein kho gya....

Aakhir kya hai yeh choudary sahab ki baiti..mera number dhoondh k mjy phone kiya..meray liyay ro ro k dua mangi magar kehti hai k shadi nhi krni..aakhir kya ho tum khadija??

Woh ab ussay soch rha tha...zindagi mein pehli baar aisa howa tha k koi uss k hawason pr cha gya tha aur ab woh bht kuch mehsoos krnay lga tha...

----------☆☆☆☆

Assalam o aliakum friends! Kesi lgi epi? Aur btayain k kon sa character aap ka fav hai? Aur yeh k kya ho ga agay kya mil payain gay umer aur khadija??

Waiting for your reviews!!!