Uss ne socha aur bus mein sawar ho gai...
Baahir k nazaray krtay howay usss k zehan mein maazi kisi film ki trha dhornay lga....

Aansoo phir ravaan ho gayay...
( koi baat nhi itni bai-qadri hoi hai meri ab agay nhi ho gi..)

Woh khud ko dilasa dai rhi thi...

Shehar aa gya toh woh bus se utri...uss ne nigah idhar udhar dhorai....lahore jaisa waseeh shehar uss k liye bilkul ajnabi tha....woh apnay bag ko thamay chalnay lgi...

(Kahan jaaoon??)
Woh soch rhi thi..
( Mjy kisi chotay sai school ko talash krna hai taa kai wahan nokri mil skay )
Woh aagay brh thi...jub aik rikshaw uss k pas aa kr ruka..

Kahan jayain gi baaji?? Anarkali? Ichra??

Woh driver pooch rha tha...
In 2 saalon k zulm k baad uss ka dur khatam ho gya tha..ab woh pehlay wali darpok khadija nhi rhi thi...

Mjy nhi pta tum mjy kisi school lai jao...

Kon sa school baji??

Koi bhi...

Acha ayain baithain...

Woh baith gai...lahore aik khoob soorat shehar tha...laikin uss k gaon se khoob soorat nhi...woh aik school k samnay utri..aur rikshaw ko karaya dai kr school k gate ki taraf brhi...abhi din ka waqt tha...aur itwar tha...magar ussay yaad nhi tha...woh chokidar k pas i...

G bibi kya kam hai?.

Mjy principle se milna hai..

Uss ne dartay dartay kha.....

Oye bibi aaj itwar hai..

Chokidaar ne kha toh woh achi khaasi sharminda ho gai....

Khair! Wahan se nikal kr woh sarak pr chalnay lgi...abhi ussay chaltay kuch dair hi hoi thi jub ussay lga jaisay sarak k uss baar abba g kharay hain...woh dhor kr un ki taraf janay lgi magar qismat ko kuch aur hi manzoor tha...aik taiz raftar gaari uss se takrai aur woh ...baihosh ho gai....

--------------☆☆☆☆ 

Uss ne aahista aahista apni aankhain kholin...plkon pr bojh sa mehsoos ho rha tha..woh baisud se ho kr laiti rhi...aas paas nazar dhoranay pr ussay ehsas howa k woh kisi hospital mein hai...jana kahan tha pohanch kahan gai thi...

Shukr hai aap ko hosh aa gya...

Kisi ne kha..uss ne daikha woh koi doctor tha...

Phir woh bahir chala gya...

Kuch dair baad aik doctor ander daakhil howa...
Woh chund lmhain ussay daikhti rgi phir nazrain jhuka lin...

Mein kahan hun aur yahan kaisay i???

Uss ne uss doctor se poocha..pta nhi q uss ka dil chah rha tha k woh uss doctor ko daikhti rhay...

Aap ka accident howa tha aur koi aap ko yahan lai aya....

Woh doctor uss k pas chalta howa aya...uss ka dil muthi mein aa gya...uss k perfume ki khushboo khadija k ander utar rhi thi....

Mm...mera bag kahan hai??

Ussay achanak iss ehsas se umer yaad aya aur phir sketch....

Woh iss almari mein hai..daikhain aap aram karain aur baatain nah karain...aap k sir aur taang pr chotain hain...

Ussay lga jaisay uss ne yeh awaz pehlay bhi kahin suni hai..magar kahan?? Yaad nhi aa rha tha...

Aaj kya din hai??

Uss ne poocha...

jumairat...

Doctor ne kha toh woh hairat se usay daikhnay lgi...

Kya?? Mjy yahan ayay howay paanch din ho gayay hain.

Woh shadid hairat zda thi...

Aap ka naam kya hai??

Doctor ne poocha toh woh ussay daikhnay lgi...
Kya btati...
Teray bhai ko abhi btata hun phone kr k k uss ki behn ki batmiziyon ki wajah se mene ussay talaaq dai di..woh khud teray tukray tukray kr k kuton k agay daalay ga...
Ussay waseem ki baat yaad i...

(Nhi mjy apna asal naam nhi btana wrna agr bhai ko pta chal gya toh)
Uss ne socha aur phir uss k munh mein jo naam aya bol diya...

Hira...

Oh acha chalain aap lait jayain mein aap ko yeh injection lga dun...

Doctor ab teekay mein kuch bhar rha tha...

Nhi plz mjy janay dain...

Uss k munh se nikla...

Aap kahan rehti hain??

Doctor ne dil-chaspi se ussay daikha..woh simat se gai..aur ghabra bhi gai...

Mm..mein..

Mein kahin nhi rehti mera koi nhi hai...

Uss ki awaz bheeg gai thi...

Oh sorry aap yahan sakoon se rhain aur apni sehat ka khaiyal rkhain...

Doctor ne kha...uss ka dil chah rha tha k woh doctor ko hi daikhti rhay magar phir uss ne khud pr qaaboo pya...

Ab sakoon naseeb mein kahan..khair aap yeh lga dain..mein baihosh rahoon toh hi behtar hai..laikin doctor meray pas aap ko dainay k liye paisay nhi hain..

Pta nhi q dil chah rha tha k woh isss doctor ko sara dil ka haal bta dai...

Aap bai-fikar rhain....

Doctor ne kha aur ussay injection lga diya..woh aik baar phir neend ki waadiyon mein chali gai...

------------☆☆☆☆

Ali ..

Woh staafroom mein pohancha jahan sirf Ali tha....

Yes sir!

Yrr! Woh jo patient hai nah jo baihosh thi uss ka naam hira hai ..aur....

Woh khaamosh ho gya..dil ki kaifiyat smjh nhi aa rhi thi...

Aur??

Aur woh bai-ghar hai..yrr mjy kuch smjh nhi aa rha..hamain uss k rehnay ka intazaam krna chahiyay...

Yeh toh thk hai sir! Magar hamain kya pta k woh sach bol bhi rhi hai yah nhi...

Ali ne kha...

Mera dil keh rha hai...

Oye hoye..kahin pyarr ..

Shutup Ali...fazool baatain mut kro ..aur socho k kya kiya jayay...

Uss ne kha aur woh dono soch bachaar mein lg gayay...

Aik idea hai...

Ali ne chutqi bajai...

Kya??

Umer ne poocha...

Aap ussay meray ghar chot dain bee jaan k pas..

Aur tum??

Umer ne poocha...

Sir agr aap mind nah karain toh mein aap k pas reh lun...

Wahhh Good idea...

Umer khushi se chilaya....

Tum yun kro apna saman meray apartment mein shift kr lo aur apni bee-jan ko bta do k aik lrki un k ghar aa rhi hai...

Okay sir..

Waisay mjy dur hai k kahin bee-jaan k sath reh kr woh baichari pagal nah ho jayay...

Umer ne kha toh dono hansnay lgay....

---------☆☆☆

Agli baar jub woh hosh mein i toh woh doctor uss k pas walay spfay pr baitha tha...uss ka dil zor se dharka...

Kya haal hai aap ka ab kesa feel kr rhi hain??

Doctor ne uss se poocha....

Mein thk hun...

Uss ne halkay se kha...

Aap kl discharge ho jayain gi...aap k rehnay ka bndoobast ho gya hai..

Doctor ne kha toh woh hairan hoi ...

G aur aap inkar nhi karain gi q k yeh koi ehsan nhi hai..aur bs aap chup kr k aram karain..mein baahir jaa rha hun...

Doctor ne kha aur baaahir chala gya...

( Allah mera dil q bagawat kr rha hai? Meray dil mein sirf umer hain phir yeh q itnay achay lg rhay hain...mjy seedhi rah dikha meray Allah))

Uss ne sachay dil se dua ki...

---------☆☆☆

So guyz! Kesi lgi episode??
😂😂😂 mjy toh bht hansi aa rhi....