Just go to hell!!

Uss ne gussay se table pr rkhi hoi cheezon ko zameen bos kr diya....

Woh iss waqt grey shirt aur blavk trouser mein bht gussay mein lg rha tha. Dewaar pr lgi ghari raat k 12:00 honay ka ailaan kr rhi thi. Aur kuch dair pehlay hamza uss k liye israfil bn kr aya tha.

Oyee ... kathe ne teray baray mein apnay dad se baat kr li hai. Aur woh toh bs teri shadi ki planning kr rhay hain...

Aur yeh baat sunnay k baad se asfand ka dimag kharab ho rha tha...hamza mujramon ki trha bed pr baitha tha aur asfand apnay kamray ki haalat bigaar chuka tha....

Yrr q gussa ho rhay ho. She is a nice...

Shut up!! Just shut up!!

Asfand ne ungli utha kr kha toh hamza ne gehri saans li...

Jao yahan se ab kharay tamash kya daikh rhay ho? Meri zindagi mazak lgti hai tum sub ko?

Woh bola toh gussay se ankhain laal ho rhi thin...

Bakwas bund kro apni aur thanday dimag se socho.

Yrr kya thanday dimag se sochoon? Woh musalmaan nhi hai hamza kya yeh kaafi nhi hai inkar k liye aur mjy waisay bhi woh pasand nhi...

Asfand iss baar kuch sanbhala tha...

Tumhain uss se baat krni chahiyay ho skta hai woh musalman ho jayay...

Hamza! Yeh koi drama nhi hai smjhay? Aur socho agr woh apna deen badal bhi lai toh bhi woh khud ko change nhi kr skti. Uss ka life style, aqeeday sub kuch mjh se bht different hai...

Uss ne kha...

Ok ok... tum inkar kr daina magar ab mood toh thk kro yrr...

Hamza ne kha...

Neend toh tum ne meri barbad kr di ab jao.

Asfand ne narazgi se kha....

Hayeee....mur hi nah jaaoon mein aap ki masomiyat pe. Waisay kathe ka koi qasoor nhi. Aap pe toh hamara bhi crush hai..

Hamza ne shararat se kha toh asfand ne uss ki kamar pr ghonsa mara...oyee..zaalim...

Aur ab woh muskura rha tha ...

----------------☆☆☆☆

Aglay roz haider ne zunaira ko btaya k woh kuch dino mein eshal ka rishta maangnay jayay ga aur zunaira tub se sooli pe latqi hoi thi....

Ussay bht dur lg rha tha...mgar phir Allah ne ussay aik raasta dikha diya...uss ko asfand ka number yaad tha....woh us ki madad haasil kr skti thi...laikin kesay??

Suno!

Zunaira ko ab ghar mein ghoomnay ki ijazat thi iss liye woh bahir i aur apnay kamray k bahir kharay security gard se mukhatib hoi ...

G..

Meri tbyt bht kharab ho rhi hai tum plz mjy medicine laa do...

Woh acting krtay howay boli aur aaj usay andaza howa tha k woh achi adaqara hai...

Ohh...mein sahab ko btata...

Nhi..tum bs mjy medicine laa do. Actually...mjy sans ka problem hai aur mein bai-hoah ho jaati hun. Mera problem meray doctor ko pta hai...

Naam btayain dr ka..

Asfand...

Number hai un ka ap k pss?

Woh jaanti thi iss waqt haider hospital mein hai iss liye uss ka kaam asani se ho jayay ga....

Hmm....tum mjy do mein call krti hun..

Aur uss ne zunaira ko phone diya. Zunaira number mila rhi thi aur sath sath kun-akhiyon se security gard ko bhi daikh rhi thi...

Ah...mjy bht taqleef ho rhi hai paani...paani...

Woh farash pr baithti chali gai toh security gard ghabra kr kitchen ki taraf bhaga q k haider ne kha tha k zunaira ko koi nuqsan nhi hona chahiyay...
Jaisay hi woh bhaaga zunaira ne kamray ka drwaza bund kiya aur call mila di....

---------☆☆☆

Aglay roz woh office mein baitha tha jub uss ka phone baja...usss ne utha kr daikha unknown number tha...uss ne call kaat di...

Laikin phone phir bajnay lga...uss ne tung aa kr call attend ki...

Asfand bhai...

Ussay kisi ki awaz i..woh seedha ho kr baith gya.....

Kon baat kr rha hai??

Uss ne poocha...

Asfand bhai mein zunaira hun. Aap k chacha ki baiti...mein 3 mahinon se yahan....

Aur phir uss ne saari kahani mukhtasarun bayan kr di....woh chup chap sunta rha....

Han toh mein kya help kr skta hun? And mjy kya pta k tum jhoot bol rhi ho yah sach...

Bhai mein jhoot nhi bol rhi...meri behn ki izat daao pe lgi hoi hai...khuda k liye meri madad karain...aap...asfand bhai aap eshal se shadi kr lain...iss trha woh haider se bach jayay gi..

Aur asfand kaa saans ruka...

Kya?? Tum hosh mein toh ho ??mein aisa kuch nhi kr rha smhi??

Uss ne kha...

Bhai aap ko taya jaan ki qasam..plz woh aap ki cousin hai...

Abhi woh bol rhi thi k kamray ka drwaza zor zor se baja aur uss ne phone bund kr diya....

Doosri taraf asfand ki halat kharab ho rhi thi...

(Eshal se shadi...no way...)eshal uss se bht choti thi...aur uss ka dil kuch ajeeb andaz mein dharak rha tha...

------------☆☆☆

Hayeee Allah!

Eshal ki awaz pr amna ne sir utha kr ussay daikha..woh kamray mein baithi thin aur eshal phone mein ghussi hoi thi....

Kya howa??

Amna ne kitaab maizpr rkhtay howay poocha...

Bajo!! Yeh daikhain arsal ne nekha se kitni bad-tameezi ki...manhoos...

Woh ab novel ka rona ro rhi thi aur amna sir peet kr reh gai...

Bs kr do behn! So jao subha phir aankh nhi khulay gi...

Bajo! Aap ko koi ehsas hai k nekha k sath kya ho rha hai...i just hate that type of heros..hr waqt roub jhaartay rehtay..😠

Eshal ne kha aur amna hans kr reh gai...

I just hate u bajo...

Woh narazgi se keh kr phir se mobile mein gum ho gai....

----------☆☆☆

Asfand aaj hamza k ghar majood tha aur zunaira waali saati baat uss k gosh e guzar kr chuka tha...

Woww...interesting...

Hamza ne sun kr kha...toh asfand ne ussay ghoora....

Pehli baat yeh k mjy yaqeen nhi k zunaira sach keh rhi hai...doosri baat yeh k mein apnay ghar walon ka samna nhi krna chahta aur teesri baat yeh k woh mjh se bht choti hai...

Asfand ne cigarette ki cush laitay howay kha....

Tum toh bs rehnay do asfand...khaalis beeviyon waali aadtain hain tumhaari shuq krnay ki...aur age ka problem nhi hota...kitni choti hai waisay??

8 saal...

Dafa ho..iss se kya farq prta...aur daikho! Abhi uss ki help kr do...shadi kr lo phir chor daina agr nah bn pai toh...

Hamza ne kha toh woh khara jo gya....

Meray vizay ka intazam kro...

Uss ne phone pr kisi ko kha aur gehri soch mein gum ho gya....

--------☆☆☆☆

So guyz! Here is next episode. Sorry for late episode. Don't forget to vote.