Aaj haider ki adalat mein paishi thi..hammad subha subha hi tyar ho gya aur ab eshal k ghar majood tha...
Eshal nashta bna rhi thi aur amna ammi k sir mein tail lga rhi thi..

Eshal! Chalo gi meray sath??

Hammad ne poocha..

G bhai hum sub jaa rhay hain...

Eshal ne nashta uss k samnay rkha...

Nhi bhook nhi hai...

Hammad ne inqar kiya kuch bhi acha nhi lg rha tha...aaj ussay yaqeen tha k haider ko sza ho jayay gi aur zunaira ka intaqam poora ho jayay ga magar phir bhi woh bai-chain tha...

Bajo aap khayain...

Hmm...

Unhon ne naashta kiya...hammad amna ko daikh rha tha..woh gum sum se thi aur bht afsurda lg rhi thi...hammad ko uss pr tars aya tha..apni glti ka ehsas toh ussay raat ko hi ho gya tha k uss ne amna se bht batmizi ki hai magar ab kuch zaida afsos ho rha tha..

I m sorry amna kl k liye.mein zaida rude ho gya tha.
.

Uss ne ana ki dewar ko giratay howay maafi mangi..amna ne ussay daikha...

Its okay...

Keh kr uth gai ....

Jldi kro eshal...

Amna ne kha aur kamray mein tyar honay chali gai...
Tbhi hammad ka phone baja...uss ne daikha zara calling likha tha...uss ne call attend ki..

Hello hammad! Mera marker tumharay pas reh gya tha...

Zara ki awaz i toh ussay uss ki aqal pe afsos howa...

Zara tum ne aik marker k liye mjy iss time call ki are u in your sences??

Pta nhi q woh din badin chirchira aur batmiz hota jaa rha tha.. shyd sadma bht bra tha...apno ko khonay ka gum insan ko ander se bht khokhla kr daita hai jo woh ho chuka tha...

Mister hammad! Mjh se aram se baat kiya kro tumhari noqar nhi hun mein...aur yeh baat bhi meri yaad rkhna k hum gussay mein aa kr galat qadam utha toh laitay hain, kisi se batmizi toh kr laitay hain laikin hamain phir sakoon naseeb nhi hota q k Allah Pak ne hamaray ander aik zameer naami cheez rkhi hai jo late ho jaati hai bolnay mein laikin bolti zaroor hai...tumhain iss baat k gussa hai k meray office mein anay se tumhari sir se insult hoti hai.. mein jaanti hun k aqsar glti kr jaati hun laikin mister! Dooaron ko maaf krna seekho...dil mein bad-gumaniyan rkhnay se insan khud bhi taqleef mein rehta hai aur doosron ko bhi rkhta hai aur haan mera marker lai ana yaad se meri mehnut ki kamayi ka hai....khuda hafiz...

Zara ne aik aik lfz chuba kr kha aur phone bund kr diya...hammad apni jaga pr hi sakit ho gya....

( mister! Doosron ko maaf krna seekho...dil mein bad-gumaniyan rkhnay se insan khud bhi taqleef mein rehta hai aur doosron ko bhi rkhta hai )

Pta nhi Allah uss ko kya paigam daina chah rha tha...
Amna aue eshal tyaar ho kr baahir nikli hi thin k bell baji...hammad ne drwaza khola...saamnay sameena baigam aur wahaj sahab kharay thay un ko daikh k sub k sans ruk gayay...

Baita!! Mein aaj aik fariyad lai kr aya hun tumharat pas...

Wahaj sahab ne kha....

G??

Hammad ne unhain taiz nazron se daikha....

Haider ko maaf kr do...case wapis lai lo...mera bacha mur jayay ga plz kuch toh reham kro...

Unhon ne kha toh hammad k maathay pr bal paray...

Meri zunaira bhi mur gai thi uss pe toh aap k baitay ne reham nhi kiya tha...

Uss ne kha toh sameena baigam ne uss k aagay haath jor liye....

Khuda ka wasta hai haider ko maaf kr do...daikho hum khoon baha dainay k liye tyar hain aur...aur agr tumhain yeh bhi manzoor nhi toh meri jaan lai lo laikin haider ko chor do plz woh bht taqleef mein hai...

Woh ro rhin thin...amna ki aankhon mein aansoo aa gayay....

Auntie mein aap ki bht respect krta hun laikin aap aik galat aadmi ka saath dai rhi hain...agr aaj mene ussay chor diya toh woh kl ko kisi aur lrki ka qatal kr dai ga...insan ki fitrat nhi badalti auntie...

Usss ne zabt se kha....

Woh aisa nhi hai...mera bacha aisa nhi hai..

Sameena baigam ne chilla kr kha....

Woh bht taqleef mein hai.. woh mur rha hai...

Usss ka yehi anjam hona chahiyay tha....

Hammad ne kha....

Tum log chal rhay ho yah nhi???

Hammad ne eshal aur amna ko daikhtay howay poocha....

Amna...amna baita tum hi smjhao hammad ko...

Sameena baigam ne amna ki minat ki toh amna ne hammad ko daikha....

I m sorry auntie woh meri bhn ka qaatil hai mein ussay maaf nhi kr skti....

Aur amna k kehnay pr sub se ussay hairat se daikha tha...woh haider ko aap ki jaga tum keh rhi thi aur woh amna toh lg hi nhi rhi thi...

Kya?? Amna tum toh haider se mohabbat krnay lgi thi nah?? Tum ne mjy khud btaya tha...

Sameena baigam ne shock ki halat mein kha...

Jhoot kha tha auntie...

Amna ne bai-tasur chehray se unhain daikha....

Tum uss k liye roz ro ro kr duayain krti thi ....

Sameena baigam ne ussay yaad dilana chaha....

Pagal ho gai thi mein...

Uss ne kha...

Uss k janay ka intazar kr rhi ho nah tum?? Tumhain koi aur pasand aa gya hai??

Sameena baigam ne chilla kr kha....

Shutup auntie ab aap hd se brh rhi hain...

Eshal ne kha aur amna k kandhay pr haath rkha jo apni aankhon mein i numi chupaanay ki koshish kr rhi thi ..

Mein haider k janay k baad aap k sath hi rahoon gi auntie...mein haider ki baiva bn k rahoon gi....

Amna ne halqi se awaz mein kha aur sub ko aik baar phir hairan kr gai....

Mein jaa rha hun aap ne ana howa toh aa jayiyay ga..

Hammad ne kha aur baahir chala gya...baaqi sub bhi uss k peechay hi thay....

----------------☆☆☆☆☆

Karvayi shuruh ki jayay....

Kamra adalat mein khamoshi chali hoi thi..haider amna ko daikh rha tha aur woh bhi toh ussay hi daikh rhi thi...kitna taqleef dai lmha hota hai nah jub aap ko pta ho k aglay pl aap ka pyara aap k sath nah ho ga...ansoo dono ki ankhon mein thay kaash koi smjh jata....
Aik waqeel wahaj sahab ne krwaya tha jis ko sub kuch pta tha laikin ussay ab jhoot sach ka laihaaz nhi krna tha q k wahaj sahab ne keh diya tha k haider ko kuch nhi hona chahiyay aur doosra waqeel hammad ka tha..

Sir meray moakil pe jhoota ilzaam lgaya jaa rha hai k unhon ne mister hammad ki cousin ka muder kiya hai halankai aisa kuch nhi hai aur hum bhi jantay hain k wahaj sahab kitnay izat daar insan hain...

Wahaj sahab k waqeel ne kha...

Yeh jhoot bol rhay hain.. mister haider ne hi qatal kiya hai aur iss k saray saboot hamaray pas majood gain...yeh woh chokidaar hai jo miss zunaira k duty krta tha aur iss file mein saboot hain...

Hammad k waqeel ne kha toh waqeel ne gawah ko bulaya...

Han g hassan sahab aap btayain bagair kisi khof k...

Sahab! Mein....mein nhi janta in ko...mjy nhi maloom k haider kon hai mene toh inhain pehli bar daikha hai..

Chokidaaar ne kha toh sub k munh khulay k khulay reh gayay....

Kyaa??

Waaqeel ne hairat se poocha...

G..mein sach keh rha hun..

Phir aap ne pehlay q kha tha k miss zunaira ki duty aap krtay thay??

Wahaj sahab k waqeel ne poocha....

Woh mjy hammad sahab ne paisay diyay thay aur mjy dhamkaya bhi tha k agr mene yeh sub nah kha toh meri baiti ko maar dain gai...

Bakwas kr rha hai yeh...kuch tih khuda ka khof khao tum agr tumhari baiti k sath aisa ho toh phir??

Hammad ne chilla kr kha...

Order order order...aaap khamoshi se baith jayain apni baari pr boliyay ga...

Judge ne kha toh hammad hassan ko ghoorta howa baith gya....

Excuse me sir!! Mein kuch kehna chahta hun....

Haider apni jagah se utha aur kha toh sub ussay daikhnay lgay..

G yahan aa jayiyay ...

Aur uss ne bht mushkil se amna ko daikha...

Mein apna jurm qabool krta hun ...mene hi zu...zunaira ko kidnap kiya tha aur...aur phir uss ko drugs diyay jis se uss ki.... mjy aap jo sza dain gai mjy qabool hai bs meri aik request hai aap se...

Woh bol rha tha aur sub ko saanp soongh gya tha..wahaj aur sameena ne dukhi ho kr ussay daikha aur un ka waqeel jatati nazron se wahaj sahab ko daikh rha tha....

G bolain??

Judge ne poocha....

Mjy aik din ki mohlat dai dain mein...mein aik din apnay ghar mein guzaarna chahta hun....plz...

Woh bola tkh judge ne ussay hairangi se daikha...

Sorry it is not possible...

Judge ne kha....

Plz sir aap ko khuda ka wasta hai mjy aik din ki mohlat dai dain....

Daikhain mister haider aap ko aik din ki mohlat toh di jaa skti hai magar ghar nhi janay diya ja skta....yeh possible nhi hai...

Judge ne kha...

Aik din plz sirf aik din...

Uss ne minat ki...

i m sorry...yeh adalat mujrim k aitraf e jurm pr mujrim yani k haider wahaj ko qatal krnay k jurm mein phansi ki sza sunati hai...kl subha 9 baje in ko phansi di jayay gi...the case is over...

Mohar lg gai, pen ki nip toot gai...kai dil dharkna bhool gayay..kai chehray jeet ki khushi se sarshaar howay..aur aik insan tha jis k jism mein jaan khatam ho gai..woh zameen pr girta chala gya...uss ko sza ho gai thi...hammad ne ussay maaf nhi kiya tha...judge ne uss ki baat nhi maani thi....amna ko lga k uss ki dunia wairaan honay waali hai..hammad ko emotional blackmail krnay k liye uss ne kha tha k ussay haider ki prwa nhi hai laikin yeh tlh wohi jaanti thi k woh haider se kitni mohabbat krnay lgi thi...
Eshal ne amna ko pakar kr uthaya....kamra adalat ab khali ho gya tha sivayay un logon k ...hammad chalta howa haider k samnay aya....amna bhi aahista aahista uss k peechay aa rhi thi....

Dua krna dost mera khuda mjy maaf kr dai...

Haider ne hammad ko galay lga liya...hammad bai-tasur chehra liye khara rha...haider uss se door hata aur wahaj sahab ho daikha...

I m sorry mama i m sorry baba! Mein aap logon k qaabil hi nhi tha aap ne mjy itna pyar diya..mjy uss jahanum se nikal kr layay aur mene aap ka sir hi jhuka diya...agar ho skay toh mjy maaf kr dijeay ga...

Uss ne wahaj sahab k samnay hath joray...

Maafi toh hamain mangni chahiyay k hum itnay arsay mein bhi tumharay zehn se ehsas e kamtari nah nikal skay aur aaj yehi ehsas tumhain lai dooba...

Wahaj sahab ne kha aur ussay galay lga liya...

I m sorry baba....

Woh phoot phoot kr ro diya.....

Mama!! I love u so much...

Ab woh mama se keh rha tha....

Nhi tum kahin nhi jaa rhay haina?? Yeh jhoot bol rhay thay.. .daikhna mein tumhain bacha lun gi...tum preshan nah ho....

Mama ne kha toh hammad ki aankh bhi num hoi thi....
Wahaj sahab sameena baigam ko thaam kr baahir lai gayay un ki hat kharab ho rhi thi....hammad bhi baahir chala gya....

I m sorry eshal!

Haider ne eshal ko daikha...eshal koi jawab diyay bina baahir chali gai...ab kamra adalat mein sirf 2 nafoos kharay thay....aik doosray ki saanson ki awaz suntay, aik doosray ki aankhon ki nami mehsos krtay, khamosh se 2 nafoos....
Police baahir khari thi...

Haider amna k kuch qareeb aya...

Tum ne mjy maaf toh kr diya hai nah???

Haider ne bheegi awaz mein poocha....
Amna ne ussay daikha...

Haider! Hum insan bht hi kam zarf hotay hain...kisi ko itni asani se maaf nhi kr patay...dil se baat nikalti hi nhi...aap Allah se maafi mangain...woh apnay bndon ko maaf kr daita hai...

Amna ne kha.. haider kuch dair k liye khamosh ho gya....kuch smjh hi nhi aa rhi thi k kya bolay....

Pta nhi ab btanay ka fayida hai bhi yah nhi laikin mein aap se bht mohabbat krti hun...mein bs yeh chahti thi k aap ko kuch nah ho aap bach jayain laikin phir mene socha k hammad bhi toh zunaira se mohabbat krta tha ..uss ki mohabbat ka qatal howa hai woh blkl thk kr rha hai....mein sochti thi k sub kuch insan k bs mein hota hai laikin mein galat thi...mein bht chah kr bhi aap ko maaf nhi kr paa rhi...

Amna ne kha toh haider ne uss ka haath thaam liya....

Janti ho jub mein tumharay ghar aya tha sub se maafi maang rha tha magar hr koi mjy dhutkaar rha tha...laikin tum ne mjy nhi dhutkaara tum ne meri izat e nafs majrooh nhi ki...tum akaili thin jo meray liye ro rhi thi...aur phir kl tum meray liye yahan i...iss k liye bht shukriya amna....pta hai mein bachpun mein dua kiya krta tha k Allah ne meri ammi ko apnay pas bula liya hai toh mjy q nhi bulata...aaj meri woh khawahish bhi poori ho gai hai...mein....mein andha ho gya tha...mjy woh sub aik khawab ki trha lgta hai jaisay koi mjh se woh sub krwa rha tha...mjy khud se bhi nafrat ho gai hai yrr .koi apni best friend k sath aisa kesay kr skta hai...

Haider ki awaz kusi koyain se aa rhi thi....amna uss k galay lg gai....

Allah aap ko maaf kray..ameen...haider aap bs ab chup ho jayain ronay se kya faida bs jaa kr Allah se maafi mangain..abhi bht waqt hai..poori raat hai..aur Aah ko raazi krnay k liye toh aik lmha bhi kaafi hota hai...

Aap smjh rhay hain nah mein kya keh rhi hun??

Woh haider se alag hoi aur poocha....

Hmm...

Haider ne jawab diya....

Apna bht khaiyal rkhna...

Uss k chehray ko choo kr kha....amna muskura di....

Zaroor rakhoon gi...

Doosri sha...shaafi kr laina...apni zindagi barbad mut krna....

G nhi mein mrnay k baad bhi aap ki jan nhi choroon gi ... mein toh Allah se yeh dua krti hun k Allah mjy janat mein aap k sath rkhay...aap Allah se jaa kr kahiyay ga k mjy amna hi chahiyay thk hai??

Amna ne bachon ki trha uss k hath ko daikhtay howay poocha...haider ki ankh se aik aansoo nikal kr farsh mein jasb ho gya....baahir se aatay hammad k qadamon mein zanjeerain pr gain....woh amna ko bulanay aya tha magar ab uss ka samna krnay ki himat nah rhi thi....

Allah meri baat sun lai ga nah???

Haider ne bhi  uss k maathay ka bosa laitay howay bachon ki trha poocha....

Mein bhi yahan se dua krti rahoon gi nah phir Allah zaroor sun lai ga..aur waisay bhi Allah Mohabbat krnay walon ko alag nhi krta...

Amna ne kha...
Un ko daikh k lgta nhi tha k haider mrnay wala hai woh bht aram se baatain kr rhay thay aur ander dil ka haaal sirf khuda hi janta tha.....

Chalo phir mein jatay sath hi Allah ko tumhara paigam pohancha dun ga...tum wada kro meray bad apni zindagi start kro gi aur kisi achay insan se shadi....

Haider! Mein aisa kuch nhi kroon gi meri zindagi mein sirf aap hi hain aur kisi ki koi gunjayish nhi....mein sub se roshan taray se roz batain kroon gi aur woh aap tum meri baatain pohancha dai ga...sub ko lgay ga k aap meray pas nhi hain lakin aap meray pas hi hon gai...dunia walon k liye aap mur jayain gai laikin meray dil mein hamaisha zinda rhain gai...aur mein aap ko maaf krnay ki poori koshish kroon gi...

Amna ne muskura kr kha....

Aik police officer ander aya....

Chalo bhai time khatam ho gya mulaqaat ka..Chalo chalo...

Aur haider ne aakhri baar amna ko daikha aur police k sath chal diya....

Haider! Fajar ki namaz prh lijeay ga...

Amna ne peechay se awaz di...uss ki awaz sun k andaza lgaya jaa skta tha k woh kitnay dard se bol rhi thi...
Aur haqeeqton ko jitni jldi tasleem kr liya jayay acha hota hai...unhon ne bhi kr liya tha...amna haider ki pusht ko daikh rhi thi aur haider peechay mur kr ussay daikh bhi nah paya....drwazay pr kharay hammad se nazrain millin phjr police ussay hathkari lga kr lai gai...amna kuch lmhay wahan khari rhi phir drwazay ki taraf brhi..hammad pr nazar pri toh kuch kahay bina baahir nikal gai....

Woh gya toh saath hi lai gya
sbhi rang utaar k shehar ka....
Meray shehar mein ik shakhs tha
Kisi door paar k shehar ka!!!

------------☆☆☆☆☆

Assalam o aliakum..so here is a longgggg episode...waiting for your precious reviews😀