Kya howa hammad?? Hammad kya howa?? Kuch btao??

Asfand ne hammad ko pakar kr hilaya jo but bn chuka tha...

Hammad????

Magar woh saktay mein tha...

Bhai... zun...zunaira ka pta chal gya hai...

Uss ne atak atak kr kha...

Alhumdullilah...woh kahan hai??

Asfand ne poocha...

Wo..woh hospital mein hai police ki call thi k sari family pohanchay jldi..bhai mein jaa rha hun aap baaqi sub ko lai ayain...amna aur haider ko bhi pick kr lijeay ga...woh bht khush ho ga zunaira se pyar krta tha...

Hammad ne ujlat mein kha aur baahir nikal gya ...
Asfand kuch hairan howa magar abhi waqt nhi tha...

Woh forun eshal k ghar gya..eshal tv daikh rhi thi..

Chachi!! Eshal!! Zunaira ka pta chal gya hai jldi chalain...

Aur yeh sunna tha k ammi kitchen se niklin aur eshal saktay k aalim mein thi...

Zunaira baji??

Han chalo jldi...

----------☆☆☆☆☆

Haider k pas 2 police officers thay...woh dono uss k ird gird kharay howay thay aur woh ajeeb halat mein tha.....

(kaash mein yeh sub nah krta..kaash mein apni zid k haathon majboor nah hota..kaash mein tumhari qadar krta zoni ... i m sorry mein acha dost nhi bn ska...)

Woh bai awaz ro rha tha tbhi corridor se koi chalta howa aya...haider ne nazrain utha kr ussay daikhnay ki koahish ki...haan woh thk daikh rha tha, uss ki nazrain dhoka nhi kha rhi thin..haan woh hammad hi tha ....zunaira ka hammad...
Haider k galay mein kaantay chubhnay lgay....
Hammad haider ko daikh k hairan howa....haider yahan kesay?? Magar woh chalta howa uss k pas aya...

Haider tum yahan? Tumhain bhi police ki call i thii???

Uss ne poocha toh haider ne sir jhuka liya...uss k dil ki kafiyat sirf wohi jaanta tha yah Allah!

Itnay mein Asfand, eshal, ammi, amna, iram , tayi sub aa gayay...hospital k corridor mein poora khandan jama tha...hr koi baitaab tha zunaira se milnay k liye sivayay haider k...

Haider aap bhi yahan hi hain.. zunaira se milay??

Haider kuch toh bolo kahan hai woh??

Haider??

Haider bolo?

sub ussay bula rhay thay magar woh jawab dainay k qaabil nhi tha...woh sun ho chuka tha....

Yeh kya btayay ga hum btatay hain....

SHO chaltay howay ayay un k sath haider k bnday thay jo zunaira ki rkh-waali krtay thay...sub ne unhain daikha...

Haider sahab ne zunaira ko 5 mahinay se agwa kr k rkha howa tha aur yeh rhay saboot..iss mein cc TV photage hai....jis mrein zunaira bibi saaf dikhai dai rhi hain aur yeh rhay gawah jo zunaira bibi k rkhwalay thay...bolo...kis k kehnay pe kiya hai tum ne??

SHO ne aik muqa aadmi ko raseed kiya tkh uss ne haider ki taraf ishara kr diya...sub hairan, saktay k aalim mein kharay thay...sub se zaida hairan amna thi..woh bai-yaqeeni se apnay shohar ko daikh rhi thi...

Haider ro rha tha..ab kya ho ga??

Haider kya yeh sach keh rhay hain??

Asfand ne poocha...
Khamoshi...

Haider bhai btayain kya yeh sach hai???.

Eshal ki larazti hoi awaz sunai di...woh bht sharminda thi aaj tuk smjhti i thi k zunaira ghar se bhaagi hai...aur ab..

Khamoshi...

Haider!! Yeh log kya keh rhay hain baita??

Amna ki ammi ne rotay howay poocha...

Yeh ..thk..thk keh rhay hain...mene hi zoni ko kidnap...

Kuttay...kaminay...zaleel....mein tjhy choroon ga nhi.... baigairat tujy toh mein abhi btata hun..meri zunaira ko agwa kiya tu ne...teri itni himat...

Hammad ne wehahiyon ki trha haider pr hamla kiya tha....baqi sub hairan preshan kharay thay...

Hammad choro issay...yeh hospital hai...

Asfand ne unhain churaya...haider k munh se khoon nikal rha tha..hammad k baal bikhar chukay thay ... woh aapay se baahir ho rha tha...

Tu mjy kehta tha k zunaira se mohabbat krta hai..aisi hoti hai mohabbat??

Hammad gussay se dhara...amna aur eshal aik konay mein khari ro rhi thi...yeh kya ho rha tha??

Haider btao q kiya tum ne yeh sub?? Bolo ..

Asfand ne karakht lehjay mein poocha....

Mm...mein sub bta dun ga..laikin plz aap log aik baar zunaira se mil lain...woh uss room mein hai..plz...

Haider ne iltaja ki toh sub se pehlay dewana vaar dhornay wala hammad tha...
Uss k peechay asfand bhi chala gya....laikin drwazay pr khara rha...hammad zunaira k bed k pas aya...

Zunaira yeh kya halat bna li hai apni??

Hammad ne ussay daikhtay howay num aankhon se poocha...zunaira hoah mein thi...ussay daikh k zra sa muskurayi magar bol nah ski....
Hammad uss k pas bed pr baith gya aur uss ka haath thaam liya ...

Plz thk ho jao zunaira! Kuch toh khaiyal kro hamara ....plz zunaira jldi se thk ho jao...

Hammad ne uss ka haath apnay honthon se lgaya...dewazay pr kharay asfand ki aankhon mein aansoo aa gayay...

Mjy maaf kr do zunaira! Mein bht buzdil hun tumhain dhoondh nah ska..but i promise ab tumhara poora khaiyal rkhoon ga...tum se shadi kr lun ga aur tumhain yahan se door lai jaoon ga jahan tumhain koi khatra nhi ho ga...bs thk ho jao...

Kuch toh bolo...

Woh sisak rha tha aur zunaira bhi ro rhi thi...

Haa... hama...

Bht mushkil se uss ka adhhora sa naam pukara...hammad ne ussay daikha....

Han meri jaan!! Bolo...mein aa gya hun ab tumhain kahin nhi jaanay dun ga...

Hammad ne kha...zunaira ne zra sa sir uthaya...toh hammad ne ussay apnay seenay se lga liya...

Ha.mmad....mm.....me.i...tum.....

Pta nhi woh kya bolnay ki koshish kr rhi thi..koi smjha ho yah nhi hammad iss izhar e mohabbat ko smjh gya tha...woh phoot phoot kr ro diya...

I love u too meri jaan....i love u too.

Uss ne zunaira k sur pr bosa diya...itnay mein eshal,amna aur ammi bhi kamray mein aa gain...amna zunaira k pas baith gai ammi bhi uss se mil rhi thi..jub k eshal bed k sath sharminda se khari thi...apni bhn se kitni bad-gumaan thi nah woh!!

Esh...ll

Sub se milnay k baad zunaira ne eshal ki taraf ishara kiya toh eshal ko hosh aya...woh zunaira k pas aa kr ro di...

Mjy maaf kr dain baji ..mein aap se kitni bad-guman thi...aap toh meri bhn thin aur mein...i m sorry baji....

Eshal ne kha tha....khirki se daikhta howa haider khud ko bht baibas mehsoos kr rha tha....kaash woh zunaira ko bacha skta kaash....

Eshal ne zunaira ko galay se lgaya howa tha jub ussay zunaira ki dharkanain khatam hoti mehsoos hoin...woh saans nhi lai rhi thi...eshal kuch bai-yaqeeni se baithi rhi...magar jub bht dair zunaira ki siskiyon aur saanson ki awaz nah i toh uss ne zunaira ko chor diya...

Ammi!! Zunaira baji ki saans nhi chal rhi...bajo daikho nah...zunaira baji sans q nhi lai rhin....baji...uthain....

Woh paglon ki trha cheekhi thi...aur hammad dhot kr zunaira k pas aya...

Zunaira...zunaira aankhain kholo....zunaira...plz utho...nhi...tum nhi jaa sktin hamain chor k plz aankhain kholo...zunaira......zunaira.....

Hammad ne zunaira k baijaan jism ko buri trha jhanjhora tha....

Amna ammi ko sambhaal rhi thi...asfand ne agay brh kr zunaira ki aankhon pr haath phair diya...

Inna lilah e waina alihe rajioonn....

Hammad abhi tuk zunaira ko jhanghor rha tha....
Asfand ne usay peechay kiya aur galay se lga kr uss k sir pr hath phaira..woh uss k baap jaisa tha...

Sabar kro hammad....uss ko tumhari duyaon ki zaroorat hai...

Bhai...yeh kesay ho skta hai??abhi toh mene koi baat bhi nhi ki thi uss se woh aisay kesay chor k jaa skti hai mjy....

Hammad ne tootay howay lehjay mein kha...haider baahir hi gir gya tha ..uss mein itni himat hi kahan thi k zunaira ki mayit ko haath lga skta...

Mein chooroon gan nhi uss kaminay ko ....mein jaan se maar dun ga ussay....

Hammad khud ko asfand ki garift se chura kr baahir bhaaga....asfand bhi uss k peechay bhaaga...

Hammad yrr iss se baad mein nibtain gai hum pehlay zunaira ko uss ki mazil pr toh pohancha lo....ussay filhal tumharay kandhay ki zaroorat hai hammad...chalo...

Asfand ne kha toh hammad haider pr aik nazar daal pr asfand k sath chala gya....

-------------☆☆☆☆

Zunaira ko dafna diya gya tha...abb kaafi raat ho gai thi...sub eshal k ghar mein jama thay...hr taraf bai-intaha khamoshi thi...sub lounge mein baithay thay... hr koi aik doosray se baizar tha...aik din mein iss ghar pr kya qayamut toot gai thi...magar Allah kisi ko uss ki himat se zaida taqleef nhi daita apnay pas bula laita hai...iss liye uss ne zunaira ko bhi apnay pas bula liya tha....

Asfand ne saara intazam smbhala tha q k hammad ki toh halat hi kharab thi...amna eshal aur ammi ko smbhal rhi thi...eshal ajeeb pachtaway aur sharmidahi mein thi...aur haider??

Woh gate se under daakhil howa uss k sath police bhi thi...

Ayiyay...hammad mene issay bulaya hai yahan taa kai yeh bta skay k iss ne yeh ghatiya harqat q ki...

Asfand ne kha toh sub kharay ho gayay...hr kisi k dil chah rha tha k haider ka munh noch lai...

Mm....mein aur zoni...

Haider ne baat shuruh ki toh hammad ne kaat di...

Zunaira naam hai usss ka...

Hum dono bht achay dost thay...laikin.....

Aur phir uss ne shuruh se lai kr aakhir tuk saari kahani suna daali...hr nafs bai-yaqeeni k aalim mein khara tha..aur eshal ki halat kharab ho rhi thi ..uss ki behn uss ki izat ki khatar mar gai aur woh kitni baiwaqoof thi jo uss ko apna dushmun smjhti thi...hammad sofa pr girra tha..uss mein ab maarnay ki himat bhi nhi rhi thi...

Hammad mjy maaf kr do..plz mjy maaf kr do....mein tum sub ka gunahgaar hun...plz mjy maaf kr do...

Haider hammad k paon mein girra tha...hammad ne uss pr nazar daalna bhi gawara nah ki...

Dafa ho jao meri nazron k samnay se...

Haider ab eshal ki ammi k pas aya aur haath jor liyay...

Auntie!! Plz mjy maaf kr dain...mein aap ki baiti ka qaatil hun....mjy jo saza dain gi mein kaat lun ga..bs mjy maaf kr dain....

Uss ne kha toh eshal ne aagay brh kr uss k munh pr thapar maar diya....

Hamaray ghar ko barbad kr k rkh diya tum ne aur ab maafi maang rhay ho?? Meri aik bhn ka qatal kr diya doosri ko zindagi mein shaamil kr liya taakai iziyat dai sko aur ab tum maafi k talab gaar ho...jao sahab jao...hum mein itna zarf nhi k tumhain maaf kr skain...

Woh zindagi mein pehli baat itna zor se boli thi...asfand ne agay brh kr ussay kandhon se thama...

Be calm eshal!!

Asfand iss ko kahain yahan se dafa ho jayay....mein iss k khilaaf case krwaoon gi iss ko phansi lgwa k rahoon gi....

Woh dhaari...ammi thuk kr sofa pr baith gain...woh bai hoah honay k qareeb thin...haider ne aik nigah amna pr daali....woh ussay smjhti thi shayid woh ussay maaf kr dai...

Amna!

Haider ne ussay pukara toh amna ne soojhi hoi ankhon se ussay daikha...

I m sorry.. mjy maaf kr do..

Aap chalain jayain haider plz....

Aur iss pooray hajoom mein woh akaili thi jis ne haider ko bura bhala nhi kha tha aur itni hi tameez se baat ki thi jitni tameez se woh pehlay krti thi....
haider ko maafi nhi mili thi...itni asani se milti bhi kesay??? Uss ka gunnah bht bra tha...sza bhi bri hi honi chahiyay thi...police haider ko ghasitti hoi lai gai....

-------------☆☆☆☆

I m crying😭😭

Kesi rhi episode??