Ab chalain bhi asfand hd hai waisay itni dair bhi koi lgata hai bhala...

Eshal kub se usss ka intazar kr rhi thi...woh bathroom mein change kr rha tha...aur eshal baar baar dil ka gubaar nikaal rhi thi...tbhi asfand ka phone baja...woh table pr pra tha..eshal ne daikha kathe calling..aa rha tha..uss ne suspense k maaray call attend ki magar kuch nah boli ...

Hello asfand kesay ho yrr?? Kahan gayib ho gayay ho,??

Doosri taraf se English mein kisi lrki ne kha...eshal k maathay pr bal aayay...

Bht hi baiwafa ho tum...mjy btayay bagair hi shadi kr li..waisay mjy kisi ne btaya k tum ne kisi majboori ki wajah se yeh shadi ki aur tum jld hi apni uss soo called wife ko divorce dainay walay ho??

Kathe ne kha toh uss k sabar ka paimana labraiz howa aur hairan bhi hoi...

Shut up just shut up!!!  Tum ho kon haan??

Uss ne gussay se poocha...

Oh i see tum asfand ki wife ho...woh kya hai nah dear mein aur asfand aik doosray ko like krtay hain aur shadi bhi krnay walay thay magar tum naa-janay kahan se aa gai...

Kyaa bakwas hai yeh??

Eshal ne phone bund kr k rkh diya aur bed pe baith gai... (kya yeh sach keh rhi thi??)

Thori dair baad asfand baal khushk krta baahir nikla aur shirt pehni...

Chalo eshal!!

Asfand ne kaha magar woh tus se mus nah hoi...

Hyyy!!!

Asfand ne uss k samnay aatay howay kha...

Mjy nhi jana..

i m so sorry yrrr mene ready honay mein kuch zaida hi time lga diya...

Asfand uss k pas baitha...magar uss ne asfand ko nah daikha...

Mera dil nhi hai ab...mjy nhi jana..

Uss ne dhitayi se kha...

Q??

Bs kha nah asfand plz zid mut karain...

Woh keh kr baahir chali gai jub k asfand hairani se wahan khara reh gya ( iss ko kya ho gya hai??)

--------------☆☆☆☆

Agli subha woh hospital nah gaya q k ussay zunaira k pas jana tha..woh abhi tuk emergency mein thi...haider baahir baitha tha jub aik doctor uss k pas aya...

Mr. Haider! Police i hai aap un se mil lain...

Doctor ne kha toh ussay paseena anay lga...

Police??

Gg...

Uss ko lga k zameen phut rhi hai aur woh uss mein dhansta chala jaa rha hai....
Police k 2 officers uss k pas ayay woh khara ho gya...

Aap patient k kya lgtay hain??

Pehla sawal..

Dost hun...

Pehla jawab....

Aap kub se unhain jantay hain??

Doosra sawal...

Bachpun se...

Doosra jawab...

Aap ki dosti ka un k ghar walon ko pta hai??

Teesra sawal...

G...

Teesra jawab...

Patient ki family mein kitnay log hain???

Chotha sawal ...

4..

Chotha jawab...

Patient ko koi family problem hai yah koi aur masla??

Panchwan sawal...

Pta nhi...

Jub patient ki tbyt kharab hoi uss waqt woh kahan thin??

Chatta sawal...
Khamoshi ...

Jub patient ki tbyt kharab hoi uss waqt woh kahan thin Mr. Haider??

Khamoshi...

Jub patient ki tbyt kharab hoi uss waqt woh kahan thin??

Meray sath...

Chatta jawab...

Aap log kya kr rhay thay??

Satwaan sawal...

Khamoshi...

Bolain??

Kuch discussion...

Patient k family ko bulayain hamain un se sawal krnay hain...

Khamoshi...

Number dain un k parents ka...

Woh... abhi mjy nhi pta aap logon ko kya ho gya hai woh itni....

Yeh hamara kaam hai aap seedhay se number dain gai yah hum apnay tareeqay se nikalwayain???

Police k officer ne gussay se kha....
Haider ki sans ataknay lgi thi...agr sub ko pta chal gya k woh...nhi yeh nhi ho skta...aisa kesay ho skta hai??

Aap sun rhay hain mein kya keh rha hun???

Nnn...nhi ..mjy filhal zoni se milna hai plz....

Uss ne fariyad ki ...police k officer ne apnay bndon ko aanlh ka ishara kiya toh woh haider ki taraf brhay aur uss ki talashi lainay lgay...

Yeh kya kr rhay hain aap log..aap meray sath zabardasti nhi kr sktay... chorain mjy...mein nhi doon ga aap ko un k number... chorain...

Woh cheekh rha tha...unhon ne uss ka mobile nikal kr ussay thamaya aur kha k number nikal kr dai toh uss ko daina pra...

Hamain suraag toh mil hi gya hai k kon patient ko drugs dai rha tha laikin bs thori tafteesh kr lain phir mujrim sulaakhon k peechay ho ga...

Police ne kha toh haider ki rooh kaanp gai ..kya police ko pta chal gya tha k???

Police toh chali gai magar woh bai-sudh sa ho kr baith gya...

( aub ko pta chal jayay ga ab..mera kya ho ga?? Allah plz meri madad kr dai...zoni ko theek kr dai phir mein khud ko police k hawalay kr dun ga..bs uss ko bacha lai)

Apni siskiyon ki awaz sirf woh khud hi sun skta tha...

Kaafi dair wahan baith k dua krta rha phir utha aur doctor k pas gya...

Zunaira ki tbyt kesi hai??

Uss ki awaz bht bhaari ho rhi thi ..

Yeh reports hain daikh lain....

Doctor ne aik file uss ki taraf brhai jo k uss ne kaanptay haathon se thaam li....

Iss mein likha hai k patient k lungs toh damage howay hi hain laikin kidneys almost dead hain...aur patient ki halat aisi hai k transplant bhi nhi ho skta aur agr ho bhi jayay toh lungs aur heart ki wajah se un ka life time zaida se zaida aik month hi aagay ho skta hai...daikhain mr aap aram se meri baat sunain..un ko iss waqt sirf apno ki zaroorat hai jub insan kaa aakhri waqt ata hai toh uss k dil chahta hai k uss k apnay uss k pas hon aap un k pas rhain hum aaj hi unhain room mein shift kr rhay hain..aap un ki family ko bhi bula lain...

Uss k kaano mein soor phoonka gya...iss lmhay uss ne tamana ki k kaash woh behra hota...kaash!

Koi raasta..

Woh apni baat bhi mukamal nah kr ska..uss ki awaz kisi koonyain se aa rhi thi....

No.. we are really sorry ..

Uss k liye baithna mushkil ho rha tha..laikin utha bhi toh nhi jaa rha tha...uthnay ki koshish ki magar larkhara kr kurai pr gir gya...

Aram se..

Doctor ne aagay brh kr ussay sahara diya...

Mera aap ko yehi mashwara hai k apna zaida time un k sath guzarain.. un ki zubaan pr sirf 2 naam hain..aik haider aur doosra eshal...eshal un ki behn hai nah??

Haider ne shidat e gum se doctor ko daikha....

Gg...

Woh zunaira k pas janay lga...

------------☆☆☆☆☆

Zunaira...

Uss ne zunaira k pas aaa kr ussay halki se awaz di...
Zunaira ne aankhain khol kr ussay daikha magar koi jawab nah diya...bs ussay daikhti rhi jaisay pehchannay ki koshish kr rhi ho...

Zoni...i m sorry...  i m sorry zoni...

Haider zameen pr baith gya aur uss k samnay haath jor kr phoot phoot kr ro diya....

I m sorry...mjy maaf kr do zoni... mjy maaf kr do..plz...mein bht bura hun...

Zunaira ussay daikhay gai...

Meri aankhon pe zid ki patti bnd gai thi..meri ana ne mjy kahin ka nhi chora zoni...mene apnay in haathon se...mein bht ghatiya insan hun..mjy aaj khud se ghin aa rhi hai zoni...tumhain bhi aa rhi ho gi nah??

Woh bachon ki trha uss se pooch rha tha....

Mein tumhara mujrim hun zoni...tum mjy jo sza do gi mjy qabool hai bs mjy maaf kr do...

Haider keh rha tha jub zunaira ne apna hath uthanay ki koshish ki aur bht mushkil se apna hath haider k haathon pr lgaya....aur nafi mein sir hilaya..haider ne uss ki taraf daikha aur uth kr ussay galay se lga liya...

I m sorry... zoni meray pas ilfaz nhi hai tum se maafi mangnay k liye..mein toh saanp se bhi bad-tr hun..apni best frnd ko dhoka diya..yaad hai hum akathay periods bunk krtay thay..yaad hai hum kitna lrtay thay...mein pta nhi q yeh sub bhool gya...mjy eshal se mohabbat kbhi nhi thi woh toh bs aik zid thi...

Woh zunaira ko sath chimtayay rotay howay bol rha tha...

Mein imtihan mein fail ho gya zoni....mein fail ho gya...mjy maaf kr do gi nah zoni??

Woh pooch rha tha...ussay zunaira ki siskiyan mehsoos ho rhin thi...

------------☆☆☆☆

Asfand ne eshal ko nazar andaz kiya aur hammad k pas chala gya...woh dono hammad k kamray mein thay...

Eshal ko q naraz kr diya bhai??

Hammad ne kha...

Mene kub kiya woh toh khud hi naraz ho gai pta nhi q...

Asfand ne bura sa munh bnaya...

Bhai!

G...

Aap ne zunaira ka pta krwaya??

Hammad ne poocha...

Mein krwa rha hun magar kahin se maloom hi nhi ho rha...

Bhai mera dil bht buri trha ghabra rha hai...ab meray se sabar nhi ho rha...mein thuk gya hun bhai...

Hammad ne kha toh asfand ne uss k kandhay pr haath rkha...

Sabar kro yrr.. in sha Allah woh mil jayay gi...

Abhi woh baat kr hi rha tha k hammad ka phone baja...uss ne call attend ki...police ka number tha...

Kyaaaaa???????

Uss k chehray ka rung ur gya tha....aisay lgta tha kisi ne sara khoon nachor liya ho...phone uss k hath se choota tha...

Kya howa hammad?? Hammad kya howa?? Kuch btao??

Asfand ne hammad ko pakar kr hilaya jo but bn chuka tha....

Hammad????

------------------☆☆☆☆☆

Soo guyz kesa jaa rha novel???? Waiting for your precious reviews😍😍😍