Amna k jaanay k baad woh bht udas ho gai..sub mehman chalay gayay thay...asfand bhi hammad k sath ghar chala gya...ab bs ammi aur woh reh gayay thay...woh ammi se baatain krnay k baad kamray mein chali gai...jahan un sub ki bht yaadain juri hoi thin....ussay ab ammi ki fiqar thi k woh akailay kesay rhain gi....

----------------☆☆☆☆.

Uss ne haider k ghar mein pehla qadam rkha toh sunsan se ghar ne uss ka istaqbal kiya..ghar bilkul soona tha..lgta hi nhi tha k kisi ki shadi hai...haider toh ussay apni mama k havalay kr k kahin chala gya...mama ussay kamray mein lai gain...

Baiti! Yeh haider ka kamra hai ab tumhara bhi hai... sorry haider ki taraf se...bs ab tumhain hi uss ko smbhaalna hai amna...tum kr lo gi nah??

Mama ne uss k kandhay pr haath rkh kr kha toh woh halqa sa muskura di...

G auntie aap bai-fiqar ho jayain...

Uss ne un ko tasali di . Mama uss ko chund hadayat dai kr chali gain..jub k woh kamray ko daikhnay lgi...kafi dair woh yunhi baithi rhi phir kapray badalnay chali gai...waapis i toh haider bed pr baitha tha....ussay daikh kr forun utha aur uss k baazoo ko daboch liya...

Meri aik baat kaan khol k sun lo . Agr tumhain lgta hai k tum yahan khush raho gi toh yeh tumhari khush-fehmi hai...tum meri mulaazma ho smjhi?? Aur acha ho ga k tum iss ko apnay palay se bandh lo k tum meri bv ki hasiyat kbhi haasil nhi kr skti....aur agr yeh baat kisi ko pta chali toh mein tumhain zinda nhi choroon ga...

Uss k baazoo laal pr gayay...haider ne gussay se keh kr ussay bed pr patkha...woh hairat-zada se haider ko daikh rhi thi...uss ne socha tha k shayid haider ussay time nah dai skay magar yahan toh mamla hi alag tha...woh aansoo zabt krnay ki koshish krnay lgi...

Ab munh kya daikh rhi ho?? Utho aur yeh farash daikh rhi ho nah?? Iss pe so...utho...

Haider ne kha toh woh ansoo saaf kr k uthi aur takiya utha kr farash pr lait gai....

-----------☆☆☆☆

Uss waqt teray dil mein bohat dard uthay ga...
Jub mjh se bichar kr tjy meray hum-naam milain gai...

Woh bed pe laiti chut ko ghoor rhi thi... ussay pta tha k aaj haider ne amna se nikah kr liya hai..woh apni barbadi ka sog bhi nhi mna skti thi...uss ne zindagi mein sirf 2 logon ko jaan se bhi zaida chaha tha aur jin pe aitbaar kiya tha, un mein se aik haider tha aur doosri eshal..

( haider...tum kahan ho?? Daikho nah mjy khana khana hota hai magar yeh log mjy injection lga daitay hain..haider mjy yahan se nikalo plz..kahan chalay gayay ho tum..mjy bacha lo...)

Woh hr waqt bs yehi chilaati  rehti thi...uss ne qismat k khail daikh liye thay ... ussay apnay abbu ki bht yaad aati thi..shyd woh ussay bacha laitay...shyd woh uss ko dhoond laitay...

Iss sub mein ussay khud se toh nafrat honay lgi thi, magar haider ussay kbhi bura nhi lga tha...kuch log aap ko iss qadar pyaaray hotay hain k agr woh aap se aap ki jaan bhi lai lain toh un se gila nhi hota...udsay aitbaar tootnay ka bht dukh tha magar uss ne kbhi haider ko iss ka zimai-dar nhi tehraya...woh hamaisha yehi sochti thi k yeh sub Allah ki mrzi hai...

(Mein...tum sub ko daikh lun gi...choroon gi nhi kisi ko bhi..)

Laikin ab sochon ka tasalsul bhi toot sa gya tha...kbhi hosh mein hoti toh kbhi hawas kho baithti...woh nhi jaanti thi k aagay kya honay wala hai ....

----------☆☆☆☆☆

Woh bore se ho kr mobile daikh rhi thi jub uss ko whatsapp pe msg aya..asfand ka naam daikh kr uss k chehray pr aik muskurahat aa gayi...us ne forun se msg prha...

Baigam sahiba! Soi q nhi abhi tuk so jao phir subha uthnay nhi ho ga...😄

Ufff matlub insan koi achi baat hi kr laita...msg pe bhi order hi daina hai...ussay iss pl apnay iss bht hi handsome, kharos aur karailay jaisay shohar pe bht gussa aya...uss ka dil chah rha tha k chokhat paar kr k uss k ghar jayay aur uss k sir pe koi cheez maar dai...

Aap ko tension lainay ki zaroorat nhi. Eshal ko pta hai uss ne kya krna hai😏

Uss ne bhi apna toqa poora kiya...

Baiwaqoof lrki! Mein apni ikloti bv k chehray pr thakan nhi daikh skta😝

2 sec k ander ander reply aya...prh k eshal k shehray pr sharmili se muskurahat aa gai..aur phir ungliyan typing krnay mein masroof ho gain...

Doosri shadi kr lain phir uss pe huqam chalayiyay ga..q k mein toh aap se dabnay waali nhi😆

Soch lo.. mjy koi aitraz nhi jahan aik smbhaal rha hun wahan 3 aur sambhal lun ga...😜

Woh asfand tha jo k jub tuk eshal ko poori trha aag bagola nhi kr laita tha ussay chain nhi aata tha...
Eshal hamesha ki trha chir gai aur mobile maiz prh rkh diya...kuch dair msgs aatay rhay uss ne nhi daikhay....phir call aa gai...iss baar woh khul k muskurai thi...

G q zehmut ki call krnay ki??

Uss ne poocha....

Kya kroon dil kr rha tha apni ikloti bv ki awaz sunnay ko...

Aafand ne kha...

Acha..waisay kya kr rhay hain aap??

Kuch khas logon se baat kr rha hun...😍😛

Asfand ne kha toh woh hans di...

Uff asfand aap toh bilkul hi....

Uss ne apni baat adhoori chor di...

Acha suno eshal! Hamain 2 din mein nikalna hai..meray business ko pehlay hi bht loss howa hai...amna ki shadi toh ho gai nah ab bs kl hum kuch ghoomain gai pgir prsoon England...okay??

Okay. Ab mein so jaoon??

Uss ne jaan k asfand ko tung kiya..

Han mene tumhain issi liye phone kiya tha k jldi so jao..mein nhi chahta k tum baimar ho..

Asfand ne kha toh eshal khush hoi...

Iss ka matlub aap ko meri fiqar ho rhi thi...

G nhi ..mjy apnay kaam ki tension hai..agr tum dair se soi toh baimar ho jao gi, baimar hoi toh hamain yahan kuch din aur rukna paray ga aur phir mera business kharab ho ga..so..😂

Asfand ne ussay tung krnay k andaz mein kha toh eshal ne gussay se phone ko daikha...

Sai hai phir.. khuda hafiz..

Acha suno mjy apni pic toh send kro aaj mene tumhain gor se daikha bhi nhi😢

Asfand ne kha...

😂😂 acha bhaijti hun aap bhi apni bhaijain . Mene toh apni bnai thi aik wohi send kroon gi...

Uss ne keh kr phone bund kr diya....

Woh bht khush thi...uss ne forun se apni tasveer asfand ko bhaij di...

Kuch dair baad asfand ki pic bhi aa gai.

Jis ko daikh k uss ne bai-ikhtiyar kharoos kha...

--------☆☆☆☆☆☆