Bohat sanata hai meray ander!!
Koi ro ro kr so gya shayid!!

Woh bed pr aarhi tirchi laiti hoi thi. Khamoshi se dewar ko ghoor rhi thi...
(Ab smjh i Allah k jub hum kisi prinday ko qaid krtay hain toh woh pharpharata q rehta hai.. Q pinjaray se baar baar....takrata hai..hum kis qaday bai-his log hain nah! Apnay mazay k liye aik prinday ko qaid kr laitay hain...woh kesa mehsoos krta ho ga aaj mjy smjh i hai...aur...aur meray khaiyal mein toh qaid qatal se bhi bra jurm hai...baar baar maarna prta hai....)
Soochon ka tasalsul drwaza khulnay ki awaz se toota....

Zunaira!

Anay wala haider hi tha...
Zunaira uth kr baith gai...

Q ayay ho?? Meri nazron k samnay se hut jao...

Woh gussay se boli...

Mein tumhain yeh tumhari salary dainay aya hun. Dr. Ansar ne mjy dai di k rkh lun baad mein tumhain dai dun ga....

Haider ne kha toh zunaira tanzia hansi ...

Tumhain kya lgta hai mjy iss qaid khanay mein in....in paison ki zaroorat hai...

Uss ne note hawa mein uchaal diyay...

Tum meray dost thay.. yaad hai haider hum hr class akathay bunk krtay thay...aur pakray janay pr tum meri safarish krwa laitay thay...yaad hai party pr tum ne university k stag pr ailaan kiya tha k tumhari sub se achi dost zunaira hai...aur mein...mein tumharay liye roz paratha bna kr laati thi yaad hai hum mil k khatay thay....aur phir jub tumhari job doosray hospital mein lgi toh tum ne din raat aik kr k apna transfer yahan krwa liya...haider tum meray best friend thay aur doosray agr aap k sath bura karain toh insan seh skta hai magar koi apna agr dhoka dai nah....toh sehnay nhi hota...

Zunaira ne kaha toh haider uss k pas baith gya...

Mera maqsad kbhi bhi tumhain taqleef pohanchana nhi tha mein bs eshal ko haasil krna chahta hun....

Bss??? Yeh bs hai haider?? Tum apni dost ki behn ko kidnap krwana chahtay thay aur keh rhay ho bs??? Aur baqol tumhara tumhain eshal se so called mohabbat ho gai hai..hai nah??? Mohabbat dilon ko naram krti hai haider aur tum....

Uss ko khansi ka aik dora pr gya...
Haider ne ussay paani ka glass diya jisay uss ne dewar pr patakh diya...

Tum...yahan se daf...dafa ho jao...i hate u ...i hate u so much haider.....

Uss ne kha aur phir uss ki ankhain bund hoti gain....
Aur woh ird gird k maahol se bai-gana ho gai ...

------------☆☆☆☆

Maramtain kr kr k roz thakta hun...
Roz meray ander naya nuqs nikal ata hai...

Woh abhi apnay ghar aya tha. Woh shirt k ooper walay button khol kr bed pr dhai sa gya....aaj office mein bht kaam tha uss k sir mein dard ho rha tha.. uss ne apni ungliyon se sir ko masla....
K itnay mein uss k kamray ka drwaza baja...

Yes..

Uss ne kaha...

Sahab! Aap se milnay kathe madam i hain...

Chokeedar ne itlah di...uss ka dil chaha k woh apna sir dewar se maar lai....

Acha tum jao ussay drawing room mein bithao mein aata hun...

Woh utha aur bathroom mein ghuss gya...
Baahir nikla toh uss ne teashirt aur trouser pehn rkha tha aur bht handsome😍😝😂 lg rha tha....

Drawing room mein pohancha toh kathe dewar pr lgi hoi paintings ko daikh rhi thi...

Hyy....

Asfand ne gala khankar kr kaha....

Hyyyy asfi!!

Woh baiikhtiyar muri....

I m sorry i was busy....

Iss se pehlay k kathe kuch kehti asfand ne mauzrat kr li...

Mjy pta tha k tum yehi bahana kro gai...

Ab woh angraizi mein baat kr rhay thay....

Baitho....

Asfand ne sofa ki taraf ishara kiya aur khud bhi baith gya....

Daikho asfi shayid tum smjhtay ho k mein awara lrki ki trha hr aik se....

Nhi kathe...mein aisa kuch nhi smjhta aur meray pas toh yeh sub sochnay ka time bhi nhi hai k kon acha hai aur kon bura....

Asfand ne uss ki baat kaati ....

Haan q k tum paisa hasil krnay ki dhor mein bht agay nikal gayay ho aur tumhain rishton ki pehchan bhi bhool gai hai...

Kathe ne kha toh asfand ne ussay daikha....

Mjy rishton ki pehchan hai....

Choro in baaton ko mene grandpa se tumharay baray mein baat ki hai...woh tumhain kl dinner pe invite krna chah rhay hain...

Kathe ne kha ...

I m sorry mein bht busy hun aur apnay dil o dimag se yeh khaiyal nikal do k hamara future mein koi rishta bun skta hai.. Mein sonay jaa rha hun tum kuch khayay bagair mut jana ...

Uss ne bai-nayazi se kaha aur kamray se nikal gya...apnay peechay ussay kathe ke barbranay ki awaz i thi.....

-------------☆☆☆☆☆

Wowwww....its lovely!!

Uss ne aik wrist watch ko daikhtay howay kaha...abhi woh university se i thi aur amna aur ammi baramday mein confuse se baithi thin....uss k poochnay pr unhon ne btaya k zunaira k sath kaam krnay walay Dr.Haider ayay thay aur yeh sub gifts dai kr gayay hain aur yeh bhi keh rhay thay k woh zunaira ko dhoondh lain gai....

Han bht achi hai magar mjy acha nhi lg rha eshal...

Amna ne kaha...

Hmm....zaahir hai koi bhi khudar insan yeh nhi chahay ga k koi doosra ussay gifts dai woh bhi itnay mehngay....

Ammi ne kaha...

Haha.. janab aap log apnay gifts haider bhai ko wapis kr dain magar mein toh nhi kroon gi...infact mein toh un ko thanks kehna chahti hun....i think mjy facebook pe un ko thanks keh daina chahiyay.

Eshal ne kaha toh amna ammi ko daikh kr reh gai...

Koi zaroorat nhi hai kisi ko thanks kehnay ki...

Ammi ne kaha toh woh munh bna kr reh gai....

----------☆☆☆☆

Woh aaj zaid se milnay police station aya tha....
Iss waqt woh zaid k kamray mein baitha tha.....

Dont be so idealist hammad...aik lrki 3 mahino se gayib hai aur tum maannay ko tyar hi nhi k woh bhaag gai hai...

Zaid ne kaha toh hammad k chehray k tasurat badlay...

Agr saari dunia bhi khay k woh bhaag gai hai tub bhi mein yaqeen nah kroon aur tumhain mein iss liye bardasht kr rha hun q k tum hi ho jo meri madad kr sktay ho....

Hammad ne aik aik lafz ko chubba chubba kr kha....

Hmmm...

Zaid ne gehra sans liya aur kursi se taik lga li...

Tumhara kehna hai k woh jis raat ghar se bhaagi i mean gayib hoi usss subha ghar ka main gate khula howa tha. Right??

Zaid ne apnay dono haathon ki ungliyan baham milatay howay kha....

Yes...

Hammad ne kha aur ussay ghoornay lga....

Aur yeh bhi k woh aqsar apni behn k samnay roti thi aur kehti thi k mein majboor hun tum ammi ka khaiyal rkhna ....aisa hi hai nah???

Han....

Hammad ne sir hila diya...Yeh mamla ulajhta jaa rha tha....

Toh Mr.Hammad aap yeh yaqeen kr lain k woh gayib nhi hoi bhaagi hai...aur story tuk mein pohanch chuka hun...ussay kisi se mohabbat hoi ho gi aur woh majboor ho kr bhaag gai..saray saboot yehi kehtay hain...

Zaid ne kaha toh hammad ne table pr apna hath mara....

Shup up!! You just shup up zaid!

Yehi sach hai hammad maan lo...

Zaid ne sanjeedgi se kaha...

Bhaar mein jao tum sub...mein zunaira ko akailay dhoondh k dikhaaoon ga tum daikhna....

Woh kursi ko thokar martay howay baahir chala gya...zaid sir pakar kr reh gya.....

-----------☆☆☆☆

Agaly roz woh university gai laikin wapsi pr dair ho gai q k un ki university mein summer festival tha...aur woh management society ki vice president thi....waapsi pr usay bht dair ho gai thi aur asar ki azan ho chuki thi...woh bus stop pr khari bus ka intazar kr rhi thi ...laikin koi bus nazar nhi aa rhi thi..uss k sath jo baaqi students thay woh apni cars wagaira pr chalay gayay aur woh akaili bus stop pr khari thi...uss ne idhar udhar daikha toh ussay wohi boorha bhikari footpath pr baitha nazar aya...waisay hi apnay dono hath fiza mein buland kiyay kuch prh rha tha....ussay booray ki dimagi halat pr shuk howa...

(Uff let i go eshal tu kya soch rhi in k baray mein ..hayee aaj zohar bhi qaza ho gai...i m sorry Allah g aap wait krtay rhay aur mein....)

Abhi woh soch hi rhi thi k aik motorcycle uss k samnay aa kr ruka aur 2 lrkay uss se utray...woh bai-ikhtiyar 2 qadam peechay ho gai...

Hy madam!! Kaho toh hum chor dain aap ko ghar??

Aik lrka apnay jabray nikalta howa uss k samnay aya toh uss ne aik thapar ussay dai mara...

Batmiz lafangay...koi gairat nhi hai tum logon k ander! Dafa ho yahan se....

Woh boli...magar uss ki baat muqamal honay se pehlay hi uss lrkay ne eshal k munh pr roomal rkh diya aur woh baihosh ho gai.....

--------------☆☆☆☆

Assalam o aliakum dosto! I hope aap ko mera novel pasand aa rha ho ga...waiting for your feedback. And i just want to say k iss story mein amna woh character hai jis ko mene likhnay ka socha nhi tha...bs yeh khud bahud likha gya...aur kuch time pehlay bhi aik novel mein mjh se aik character ne khud ko likhwaya tha..aur woh aik maali baba ka character tha and uss ne mjy bht motivate kiya...jub bhi mein kamzor prnay lgti hun toh mjy lgta hai maali baba mjy smjha rhay hain aur mein un ko feel krti hun...i m in love with that character aur ab mjy lg rha hai jaisay amna bajo pe mera doosra crush honay wala hai...bcz hum bht se baatain jantay howay bhi apni life mein apply nhi krtay toh jub aap ki story ka koi character aap k samnay khara ho jayay toh aap ko woh kaam krna prta hai...aur meri stories k characters ne mjy bht sikhaya hai...

I hope u are getting my point..thanks!