Agli subha ussay amna ki awaz ne jagaya....

Uth jao eshal! Namaz ko dair ho rhi hai....

Amna ne uss se kha....

Umm....uthti hun 2 minute....

Eshal ne susti se keh kr karwat badli...

Kisi ko itna intazar nhi krwatay eshal aur woh toh Allah hai...

Amna ne kha toh eshal uth k baith gai...

Kya matlub??

Matlub yeh meri behn k jub koi aap se bht zaida pyar krta hai aur aap ko bht kuch daita hai toh jub woh aap ko bulata hai toh aap uss ki baat suntain hain nah??

Amna ne ussay smjhatay howay kha...woh college mein islamiat ki lecturer thi aur smjhanay ki maahir thi....

G...

Eshal ne kha...baat smjh nhi i thi...

Aur agr woh aap ko bulata rhay aur aap uss ki baat nah sunain toh kya woh mind nhi karay ga??

Offcouse karay ga bajo!!

Eshal ne kha..

Toh Allah hamain din mein 5 baar bulata hai aur hamaray anay ka intazar krta rehta hai laikin hum apnay kaamon mein magan hotay hain...agr hum kisi ko aik baar awaz dain aur woh nah sunay toh agli baar hamari zuban nhi hath chalta hai...aur woh Allah toh lgatar 5 baar bulata rehta hai k koi hai jo mjh se baat krna chahta hai?? Koi hai jo mera shukriya ada krna chahta hai...aur hum....hum bistar mein paray rehtay hain...

Amna ne aahista aahista ussay smjhaya...aur eshal ka jisam kaanp sa gya...

Uff Allah ko toh mein bilkul pasand nhi hon gi nah bajo?? Woh bulata rehta hai aur mein soi rehti hun...

Toh abhi kon sa dair hoi hai jao Allah ko raazi kro...

Amna ne ussay kha toh woh jldi se uth gai aur bathroom mein bhaag gai...amna muskura di aur Quran lai kr ammi k kamray mein chali gai jahan woh roz fajar k baad ammi ko talawat sunaya krti thi...

---------------☆☆☆☆

Fajar k baad amna ne nashta bnaya magar eshal ki bus aa gai aur uss ka nashta adhoora reh gya..woh bag utha kr bhaagi....

Canteen se kuch kha laina...

Ammi ne awaz di...

Okay ammi...

Magar gund nah khana...

Amna bhi naseehat krna nah bhooli...

Okay bajo!!

Uss ne kha aur baahir nikal gai....

--------------☆☆☆☆

University k baad woh bus stop pr khari bus ka intazar kr rhi thi jub uss ki nazar kuch door footpath pr baithay faqeer pr pri...woh apnay dono hath fiza mein buland kiyay kuch bol rha tha aur sath hi apna sir hila rha tha....uss ka kapray bht ganday thay...eshal ko uss se karahiyat honay lgi....
Kuch dair baad uss k samnay aik car aa kr ruki....
Uss ne car ko daikha....

Hyyy janab aa jayain drop kr dun...

Car mein baithay shakhs ne car ka sheesha neechay krtay howay kha...

Nahi aap jayain!! Meri bus anay wali hai...

Uss ne kha....

Yrrr aa jao nah! Ammi nhi hain yahan...

Gari mein baithay howay shakhs ne kha....toh woh gari mein baith gai....

Bhai aap aisay mut kiya karain...tayi ko pta chal gya toh??

Woh narazgi se boli...

Haha...ammi ko kon btayay ga?? Acha suno!!

Gg??

Uss ne hammad ko daikha...

I m sorry!!

Aap sorry keh kr tayi ki zuban ka asar zayil nhi kr sktay hammad bhai! Mjy un se shadid nafrat hai...

I know eshal! Mein un ko smjhata hun magar woh smjhti hi nhi hain...

Hammad ne car ka rukh ghar ki jaanib kiya....

Aap ki kya hasiyat hai uss ghar mein mein jaanti hun bhai...acha chorain in baaton ko ..

Eshal ne hammad k chehray pr sharmindagi daikhi toh boli....

Yrr eshal! Mjy bht bura lgta hai tum jub udas hoti ho..issi liye aaj tumhain lainay aya hun...

Pehli baat yeh k mein udas nhi hun...aur aap toh jantay hain shadi meray plans mein thi hi nhi yeh toh bs ammi ki khatir maan gai..aur doosri baat yeh k khabardar jo aaj k baad meri uni ka rukh kiya...mene tayi k hathon qatal nhi hona....

Uss ne kha toh hammad hans diya....

Hanstay rha karain achay lgtay hain...

Eshal ne uss k dimple ko daikhtay howay kha toh hammad ki hansi ko break lgi...

Zunaira bht yaad aati hai nah aap ko bhai??

Eshal aur hammad ki bachpun se hi bht dosti thi aur dono aik doosray ko hr baat btatay thay.... eshal na-mehrum se baat krna pasand nhi krti thi magar hammad ko woh saga bhai smjhti thi aur yahan aa kr uss ko amna bht smjhati k sagay bhai k ilawa koi bhai nhi hota...aur hammad se milna bhi tarak krna chahiyay q k woh bhi toh na-mehrum hai magar eshal uss se baat kiyay bagair reh nhi skti thi...yeh baat bhi ussay hammad ne bta di thi k woh zunaira se mohabbat krta hai...

Hr waqt aati hai..

Haalan k woh ghar chor kr bhaag gai...

Eshal ne hairat se ussay daikha...

Mera dil kehta hai k woh mushkil mein hai...woh bhaag nhi skti thi....

Uss ko gayib howay 3 mahinay ho chukay hain bhai...

Police ussay dhoondhnay ki koshish kr rhi hai...

Kya faida ho ga??

Tum bs dua kro eshal!!

Hammad ne kha...

Kash woh mil jayay aap ko q k mein aap ko udas nhi daikh skti...

Ameen...magar eshal woh tumhari bari behn hai uss ka naam tameez se liya kro...

I m sorry bhai mein uss insan ka naam tameez se nhi lai skti jis ki waja se hum sub ki zindagi azab bun gai hai...

Uss ki koi majboori ho gi....

Hammad ne jawaz paish kiya...

Han ho gi .magar woh bta bhi toh skti thi ghar chorna kahan ki aqal-mandi hai ...aur aap jo uss ki mohabbat mein aadhay ho rhay hain kya uss ne aap ki qadar ki?? Bhai bhool jayain ussay aur aagay brhain...move on krnay ki koshish karain..zindagi aisay nhi guzarti...

Meri behn abhi aap ko ishq ka marz laa-huq nhi howa issi liye aisi baatain kr rhi hain...

Hammad ne kha aur 100% sach kha...kon janta tha aagay kya likha hai....

Oh my God! Mjy toh yeh marz laa-huq nhi ho skta kbhi bhi...

Chalo daikhtay hain...

Hammad ne muskura kr kha aur ghar k sammay gaari roki....

Ghar aa jayain aur chayay pee lain...ammi ko pta hona chiyay k mein aap k sath i hun..

Acha..chalo magar khuda k liye apnay haath ki krvi chayay mut pilana...

Hammad ne uss k sath ghar mein qadam rkha....

Whatt??

Haha..ab heart attack hi nah aa jayain tumhain...

Hammad ne hanstay howay kha...toh woh bhi hans di....amna ne unhain ander atay daikha toh un ki taraf aa gai ..

------------☆☆☆☆

Aaj amna ko college se chutti thi q k uss ki class nhi thi...toh eshal ne bhi chuti kr li ....ammi nayila k ghar gain thin...iss waqt eshal tv daikh rhi thi aur amna kitchen mein baraf ka gola bna rhi thi....

Yeh lain janab!!

Thank you so much bajo!! I love you so much..

Eshal ne apnay pasandeeda golay ko pakartay howay kha...itni grmi mein gola khanay se ander thund pr jaati thi.... (hayee😋😋)

Abhi daikhna bajo yeh issay shoot krnay wala hai??

Eshal ne dil-chaspi se tv screen pr lgay drama ko daikh kr kha....

Haye q itni khoob soorat lrki ko maaray ga??

Amna ne poocha ....

Q k yeh lrki iss ki maan ki qaatil hai...

Astagfar yeh kaisay dramay daikhti rehti ho??

Haha...bht hi kamzor dil hain aap..hayee....maar diya...

Eshal ne screen pr daikhtay kha toh usss ka gola uss k kapron pr gir gya....

Shittttt!!

Woh poori qowat se cheekhi thi....amna hans rhi thi...

Mazboot bnaya karain nah gola...

Toh kya tumharay liye gond lga kr gola bnaoon....

Hans hans kr amna ka pait dard krnay lga tha...aur eshal bhi hansnay lgi....un k nazdeek Rishton ki bht ehmiyat thi...kuch waqt pehlay un ki hansi mein zunaira ki hansi bhi shaamil hoti thi magar ab woh kahan thi..kisi ko nhi pta tha....

-----------------☆☆☆☆

Usss ne aahista aahista aankhain kholin...lgta tha jaisay palkon pr kisi ne manon wazan phaink diya ho...uss ne gardan hilanay ki koshish ki toh aik siski uss ka munh se nikli....uss ne himat kr k poori aankhain kholin aur khari ho gai... iss doran uss ko kitni taqleef hoi thi sirf wohi janti thi ....

Uss ne aik nazar kamray pr daali jissay woh pichlay 3 mahinon se daikh rhi thi...aur ab toh ussay iss kamray ki hr cheez hifz ho gai thi... aik taraf almari  thi jis mein uss k liye bht se kapray rkhay howay thay....almari k samnay aik LED tha magar uss ne kbhi uss ko chalanay ki koshish nhi ki thi....bed k samnay sofa tha aur farash pr qaleen bicha howa tha....bed ki doosri taraf table tha jis pr aik dairy aur pen para tha....ussay yahan rkhnay wala yaqeenun bht naram dil tha jo uss ka itna daihaan rkha jaa rha tha...magar woh in 3 mahinon mein zaida tur bai-hosh hi rhi thi....abhi bhi woh neem baihoshi ki halat mein idhar udhar daikh rhi thi...

Maazi uss ki ankhon k samnay ghoomnay lga toh woh ansoo pee kr reh gai...
Uss ne zor zor se drwaza peetna shuruh kr diya...

Kholo!! Kholo drwaza!! Khuda k liye mjh pe reham kro....

Aur yeh ain ussi waqt ki baat hai jub eshal aur amna hans rhi thin....aur woh...un ki behn...iss qaid-khanay mein rishton ko taras rhi thi....

Kholo plz...mjy baahir nikalo...

Woh roti roti drwazay k pas dhai se gai...iss kamray mein koi khirki nhi thi aur asman ko daikhay ussay 3 mahinay ho gayay thay...

Drwaza kholo....mjy baahir aana hai....koi hai??

Uss ki awaz dheemi ho rhi thi...poora wajood bukhaar mein tup rha tha...

Itnay mein drwaza khul gya aur woh aadmi uss k samnay khara tha jissay woh kai baar daikh chuki thi....

Kya ho gya hai zunaira?? Khud ko taqleef mut do. Tum mera yaqeen kro mjy tum se koi dushmani nhi...bus tum haar maan lo toh meri jaan mein tumhain chor dun ga....

Uss shakha ne agay barh kr ussay thamna chaha magar woh peechay ho gai....

Mjy aik baar yahan se nikal lainay do phir daikha....mein tumhara kya hashar karoon gi...choroon gi nhi tumhain...

Uss ne dhaartay howay kha toh woh hanss diya...

Mjy tum se shadid nafrat hai...

Zunaira phir se chilayi toh anay wala shakhs sanjeeda ho gya...

Mjy bhi tum se mohabbat nhi hai zunaira!! Tum meray raastay ka kaanta ho...aur kantay ko khatam kr daina hi behtur hota hai ...

Tum mjy khatam kr do gai toh kl ko koi aur zunaira paida ho gi...tum daikhna haider! ALLAH sub daikh rha hai...

Zunaira ne kha toh haider ne gussay se uss k munh pr muka mara jis se uss k naak se khoon behnay lga...magar haider ko fikar kahan thi woh drwaza bund kr ka chala gya...jub k zunaira wahan baithi sisakti rhi....

------------☆☆☆☆

So guyz! Kesi lgi episode?? Iss trha k scenes likh likh k mjy apna aap bht zaalim lgnay lga hai😂😂.
Khair! Waiting for your feedback😍