July k garam mahinay mein asman pr chamakta sooraj zameen pr basnay walon pr qehar barsa rha tha. Maahol iss qadar habas zda tha k dil chahta tha insan samnay anay walay ka qatal hi kr dai..

Lahore k shehar mein sarak pr gariyan ravan davan thin. Hr jagah afra-tafri thi. Din k 12 baje howay thay aur Lahore k aik chotay se moohalay k aik chotay se ghar k chotay se bavarchi-khanay mein woh baalon ka joora banayay safaid rang k kurtay mein malboos choolay pr rkhi handi mein dhaniya daal rhi thi...baahir baramday mein ammi palang pr baithi thin.. itwar tha issi liye mohallay k bachon ka shor saaf sunai dai rha tha..
Woh munh mein kuch barbrati hoi gnday bartan sink mein rkh rhi thi..

Woww..itni achi khush boo aa rhi..

Uss ki bari behn amna ander daakhil hotay hi boli...
Uss ne amna ko daikha...

Bajo! Mera mazak nah urayain aap...

Woh bht shadid qisam ki tapi baithi thi...itni grmi mein kisi ko khana bnana paray toh uss ka tapna toh fitri amal hai...

Haww...mene kub uraya mein toh tumhari tareef kr rhi hun....

Bajo ne kha toh woh handi pr dhakan rkh kr bartan dhonay lgi...

Acha bartan mein dho dun gi choro tum jaa k tyar ho..

Mjy koi tyar wayar nhi hona..aap jaa kr ammi ko bta dain k mjy koi shoq nhi hai roz show piece bn kr logon k samnay janay ka...jiss ne mjy pasand krna howa woh mjy issi halat mein karay ga...

Uss ne bartan pathakhtay howay kha...
Bajo ne ussay aik nazar ooper se neechay tuk daikha. Phir muskurahat dba kr boli...

Yrr iss halat mein toh mein bhi tumhain pasand nah kroon...

Okay..mut karain...

Uss ne kha..

Haha....mazak kr rhi thi...tum jaldi jaa k tyar ho jao wrna ammi ka mood off ho jayay ga...

Bajo ne kha..toh uss ne toonti bund ki aur sanjeeda ho gai...

Mjy bht dur lg rha hai bajo...

Q??

Bajo! Agr iss baar bhi meray rishtay walon ne inkar kr diya toh??

Uss ne kha toh bajo ne uss k kandhay pr hath rkha...

Tum bs Allah se dua kro...woh sub bhtr karay ga...

Woh toh acha hi krta hai magar hr baar...

Uss ne baat adhoori chor di...

Acha acha socho..chalo jao shabash..

Okay...

Woh keh kr baahir nikal gai...
Aik nazar ammi pr daali phir kamray mein chali gai...

Kuch dair baad woh tyaar ho kr nikli..uss ne surkh kurtay k neechay safaid trouser pehna tha, halki se lipstick lgai thi...baalon ki poni tail bna kr woh bht cute lg rhi thi...

Ma sha Allah..Allah nazar e bd se bachay...

Ammi ne kha toh woh hlka sa muskurayi...
Amna bhi ab kitchen se nikal i thi...

Tumhain toh kisi film ki heroen hona chahiyay....

Zindagi film se kuch kum nhi hai bajo..

Uss ne kha aur ammi k galay mein banhain daal din...

Ammi! Aap jukain gi nhi.. mintain nhi karain gi un ki... jo hona howa ho jayay ga....

Aray q muntain kya krni tum itni pyari lg rhi ho..daikhna woh tumhain pehli nazar mein hi pasand kr lain gai...

Ammi ne kha...

Aur tum hr waqt ol fol nah bolti rha kro eshal..

Amna ne ussay jhirka...

Acha g...

Itnay mein ghanti baji toh woh ammi se alag hoi...

Lgta hai woh log aa gayay jao amna drwaza kholo....

Ammi ne amna se kha toh woh drwaza kholnay chali gai. Jub k eshal kitchen mein chali gai...
(Ya Allah khair! Iss baar kuch garbar nah ho)

Woh chayay bnanay lgi...kamray se aik ourat k bolnay ki awaz aa rhi thi... woh nervous ho rhi thi....aik lrki ki zindagi mein yeh din sirf aik baar hi acha lgta hai...

Kuch dair baad woh chayay aur deegar lawazmaat lai kr bahir i aur kamray mein chali gai...uss ka dil zor zor se dharak rha tha....

Assalam o aliakum !

Uss ne salam kiya aur ourat ko daikha...woh aik 40 saala khatoon thin...un k sath un ka bhai bhi tha jis ka rishta uss k liye aya tha magar uss ne aik nazar bhi ussay nah daikha...woh un lrkiyon mein se thi jo na-mehrum ko daikhna yah batain krna acha nhi smjhti thin....chayay ki tray rkh kr woh sofa pr ammi k sath baith gai...

Wa aliakum aslam. Ma sha Allah baiti toh bht pyari aur saleeqa mund hai...

Uss ourat ne kaha toh ammi khush ho gai aur un ko chayay peenay ka kehnay lgin....
Maahol bht acha tha magar phir wohi howa jis ka dur tha....baahir se zor zor se drwaza peetnay ki awaz i...eshal ka dil muthi mein aa gya tha. Kuch aisa hi haal ammi aur amna ka tha....

Maaf kijeay ga mein abhi daikhti hun bahir!

Amna ne kha aur bahir chali gai....

(Kyaa aaj bhi dua qabool nhi hoi Allah?? Kya aaj phir wohi ho ga jo hamesha hota aya hai??)
Eshal ne socha...Itnay mein eshal aur amna ki tayi kamray mein aa chuki thin, un k peechay amna bai-basi ki tasveer bni khari thi...

Oh ho toh iss masoom k liye rishta aya hai?? Aray wah Allah bhi kitni iztain rkhnay wala hai nah..

Tayi jaan ab haath utha utha kr baat kr rhi thin...aur ammi reham talb nigahon se unhain daikh rhi thin....

Yeh kon hain behn g??

Rishta lanay wali ourat ne poocha...

Mein in lrkiyon ki tayi hun....waisay aap logon pe mjy bht tars aa rha hai jo iss bad-zaat lrki ko bahoo bnana chahtay hain...

Tayi ne kha...

Excuse me tayi!! Zuban....

Eshal ne kuch kehna chaha magar ammi ne uss ka baazoo pkra toh woh shikwa bhari nigahon se ammi ko daikh kr reh gai...

Kya?? Kya matlub hai aap ka??

Woh ourat ab khari ho gai thi...uss ka bhai bhi khara ho gya tha...eshal tayi ko ghoor rhi thi...door ankhon mein kahin nami bhi thi....

Matlub yeh k yeh log jo sharafat ka libada ouray howay hain nah..yeh sub nataq hai..haqeeqat toh yeh hai k iss bad-zaat ourat ne pehlay meray daivar ko phansa aur iss ki baitiyan...

Just shut up!!! Agr ab aap ne meri ammi k baray mein kuch kha toh mjh se bura koi nhi ho ga...

Eshal ne saari tameez balay e taak rkhtay howay gussay se kha....jub k ourat sub kuch hairangi se daikh rhi thi...

Q sach nah kahoon?? Aray behn jao kisi shareef lrky ko dhoondho iss ki bari behn kisi k saath ghar se bhaagi hai...aakhir khoon toh aik hi hai nah...yeh 3 ourtain rehti hain iss ghar mein aur ghar daikhk kesay saja sanvra hai?? Haftay mein aik baar in k ghar se misalay wala gosht hamaray ghar jata hai aakhir kahan se ata hai itna paisa?? Agay tum log khud samjhdar ho....

Tayi ne kha aur uss ourat ne apnay munh pr hairangi se hath rkha aur kuch dair maan baitiyon ko daikhti rhi...

Maaf kijeay ga behn! Hamari taraf se mazrut!! Chalo hassan!!

Uss ourat ne kha aur baahir ki taraf nikal gai...

Meri baat toh sunain! Daikhain yeh sub....rukain toh...

Ammi un k peechay gai thin magar woh log ghar se nikal gayay...woh haray howay khilari ki trha wapis lotin...tayi jaan fatihana nigahon se eshal ko daikh rhi thin...

Meri aik baat tum log yaad rkhna..eshal ki shadi toh mein nhi honay dun gi...

Unhon ne kha aur ghar se nikal gain...
Ammi kursi pr dhai se gain...

Eshal ammi k liye pani lai kr aao jldi...

Amna ne ammi ko sahara daitay howay kha toh eshal ne unhain pani pilaya...

Ammi! Plz aap tension nah lain...aap ki tbyt thk nhi hai...bajo doctor ko phone karain nah... ammi ki halat thk nhi hai...

Eshal ne ghabra kr kha...magar amna nah hili...

Inhain kuch nhi howa..bs aram ki zaroorat hai...tum preshan nah ho...ammi aap chalain apnay kmray mein...

Amna aur eshal saharay se unhain kamray mein lai gain aur un ko neend ki goli kila di...kuch dair dono un k pair dabati rhin jub woh so gain toh woh kamray ka darwaza bund kr k baahir aa gain....

Hosla rkho..sub theek ho jayay ga..

Amna ne eshal ko kha jo kisi maamool ki trha chayay k brtan samait rhi thi....
Amna ki baat pr uss ne amna ko aisay daikha jaisay pooch rhi ho kub? Kub sub theek ho jayay ga??

Taqreebun aadhay ghantay mein unhon ne kitchen samit liya ...shaam honay lgi thi...woh pnkha chala kr baramday mein hi baith gain... eshal apni kitaab prhnay lgi thi....

Naseer sahab k 2 baitay thay...naveed bra aur aziz chota tha...naveed ki shadi toh unhon ne apni pasand se krwai thi magar aziz bachpun se hi bht ladla tha aur jawani mein uss ko door ki khala ki baiti pasand aa gai jis se unhon ne lr jhagar kr shadi kr li...naveed ki bivi bht batmiz aur munh-phut thi...jub k aziz ki bivi sughar aur naram mizaaj thi...toh aziz ne apnay walid ko yeh bhi bawar krwa diya k zaroori nhi k pasand ki shadiyan naqam hon....naveed k 2 baitay aur aik baiti thi...bara baita asfand bht zaheen tha aur maan k mizaaj ki trha ka hi mizaaj paya tha...abhi woh bairoon e mulk hi nokri krta tha....chota baita hammad naram dil aur khush mizaag tha....woh pakistan mein hi civil engineer tha....jub k choti baiti iram 1st year mein thi aur apni maan ki copy thi ..bht arsa pehlay tayi jaan ne zid krwa k aziz ki family ko ghar se nikal janay ko kha aur un k hissay k mutabiq raqam un ko dai di...aziz sahab ne uss raqam se uss ghar k samnay hi aik ghar lai liya......naveed toh bht saal pehlay hi accident mein dunia se nata tor gayay thay....aziz sahab bhi aik raat chupkay se nikal diyay...aziz sahab ki 3 baitiyan thin bari zunaira, manjhali amna aur sub se choti eshal.... zunaira doctor thi.... eshal ne kai baaar akailay mein zunaira ko rotay daikha tha.....

Baji! Aap q roti rehti hain??

Woh hamesha yehi poochti....

Agr abbu zinda hotay toh mjy kbhi rona nah prta....meri jaan tum apni aur amna aur ammi ki hofazat krna...tum bht himti ho..amna aur ammi ko smbhaal laina...

Zunaira ussay kehti aur woh smajh nah pati....

Majbooriyan insan ko bht kuch krnay pr majboor kr daiti hain eshal....

Woh kehti aur eshal ulajhti chali jaati...aur phir aik raat zunaira ghar se nikal gai....subha ghar mein qayamat brpa ho gai thi...eshal aur amna uss ki kiyay ki saza bhugatnay k liye reh gain...amna college mein lecturer thi...jub k eshal uni mein 3rd year ki student thi...Zunaira k gayib honay ko sub ne bhaagnay ka rung hi diya tha aur eshal ki prhai savaliya nishan bun gai thi..magar woh bhi eshal thi...uss ne moohalay k taanon aur tayi ki gaaliyon ko nazar andaz kr k prhai jaari rkhi....amna ne toh shadi se inkar hi kr diya tha magar eshal k liye ammi njt preshan thin....aik toh woh choti thi...doosra woh kisi k agay chup nhi rehti thi...jhukti nhi thi sub bol daiti thi....ammi uss k liye bht fikar mund rehti thin...laikin tayi jaan ne thaan li thi k eshal ki shadi nhi honay daini....

Kitaab pkray woh maazi mein khoi hoi thi...

Eshal!! Kya soch rhi ho??

Amna ne ussay hilaya toh toh woh hosh mein i.

Hmmm??

Kya soch rhi ho??

Amna ne kha toh woh amna k galay lg gai...

Bajo! Mein bht preshan hun...ammi ki halat daikhi hai aap ne..plz kuch karain in tayi se peecha churayain...

Woh ro nhi rhi thi...aur woh roti bhi nhi thi...uss ko kbhi kisi ne rotay nhi daikha tha...woh apna huq cheen laina janti thi...magar ab ammi ki wajah se bai-bas ho gai thi...

Kesay churayain peecha yrr??

Bajo! Mjy dur hai k kahin woh ammi ko koi nuqsan nah pohancha dain aur ammi ki tbyt waisay hi thk nhi rehti toh hamain un ko din mein akailay ghar nhi chorna chahiyay...

Woh amna se alag hotay howay boli....

Hmm...aisa krtay hain...nayila ko ammi k pas chor jaya karain gai....

Amna ne kha..naila un k ghar k pas hi rehti thi aur amna ki dost thi...

Bajo! Mein kisi pr bharosa nhi kr skti..

Uss ne kha...

Nayila qabal e bharosa hai yrr....

Acha daikhtay hain...mein test ki tyari krnay kamray mein jaa rhi hun aap ammi ka khiyal rkhiyay ga...

Okay dadi aman...aap ja kr prhaii karain...

Amna ne kha toh woh halka sa muskura di....

-----------------☆☆☆☆

To be continued....

Assalam o aliakum friends! Here is my next novel!! I hope aap ko pasand ayay ga.... Thanks!!