ᜐ ᜃᜎᜄᜒᜆ᜔ᜈᜀᜈ᜔ ᜈᜅ᜔ ᜀᜃᜒᜅ᜔ ᜉᜄ᜔ᜋᜋᜆ᜔ᜈᜓᜄᜓᜆ᜔
ᜉᜇ ᜐ ᜊᜒᜇ᜔ᜐ᜔ᜌᜓᜈ᜔ ᜈᜅ᜔ ᜊᜌ᜔ᜊᜌᜒᜈ᜔ ᜈᜅ᜔ ᜀᜃᜒᜅ᜔ ᜋᜅ ᜆᜓᜎ
ᜀᜃᜓ ᜀᜌ᜔ ᜐᜈ᜔ᜇᜎᜒᜅ᜔ ᜈᜅᜋ᜔ᜊ
ᜈ ᜆᜒᜎ ᜁᜐ ᜁᜆᜓᜅ᜔ ᜊᜅᜓᜅᜓᜆ᜔

Sa kalagitnaan ng aking pagmamatnugot
Para sa bersyon ng baybayin ng aking mga tula
Ako ay sandaling nangamba
Na tila isa itong bangungot

ᜉᜅᜅᜋ᜔ᜊ᜵ ᜈ ᜉᜀᜈᜓ ᜃᜓᜅ᜔ ᜀᜃᜓ ᜀᜌ᜔ ᜋᜄ᜔ᜂᜂᜋ᜔ᜉᜒᜐ ᜈ᜶
ᜉᜅᜅᜋ᜔ᜊ᜵ ᜈ ᜉᜀᜈᜓ ᜃᜓᜅ᜔ ᜀᜃᜓ ᜀᜌ᜔ ᜋᜄ᜔ᜆᜆ᜔ᜇᜊᜑᜓ ᜈ
ᜉᜅᜅᜋ᜔ᜊ᜵ ᜈ ᜃᜓᜅ᜔ ᜀᜅ᜔ ᜀᜃᜒᜅ᜔ ᜋᜅ ᜀᜃ᜔ᜇ ᜀᜌ᜔ ᜋᜁᜇᜇᜂᜐ᜔ ᜉ ᜊ᜶
ᜐ ᜐᜈ᜔ᜇᜎᜒᜅ᜔ ᜀᜃᜓ ᜀᜌ᜔ ᜆᜏᜄᜒᜈ᜔ ᜈ ᜈᜅ᜔ ᜆᜇ᜔ᜑᜈ

Pangangamba, na paano kung ako ay mag-umpisa na?
Pangangamba, na paano kung ako ay magtatrabaho na
Pangangamba, kung ang aking mga akda ay mairaraos pa ba?
Sa sandaling ako ay tawagin na ng tadhana

ᜀᜃᜓ ᜀᜌ᜔ ᜈᜈᜈᜊᜒᜃ᜔ ᜈ ᜋᜄ᜔ᜆ᜔ᜇᜊᜑᜓ
ᜂᜉᜅ᜔ ᜀᜃᜓ ᜀᜌ᜔ ᜃᜓᜋᜒᜆ ᜀᜆ᜔ ᜋᜃᜆᜓᜎᜓᜅ᜔ ᜐ ᜁᜊ
ᜐᜓᜊᜎᜒᜆ᜔ ᜀᜃᜒᜈ᜔ ᜅᜌᜓᜅ᜔ ᜁᜈᜀᜎᜎ
ᜀᜅ᜔ ᜀᜃᜒᜅ᜔ ᜋᜅ ᜋᜒᜈᜋᜑᜎ᜔ ᜈ ᜎᜒᜊ᜔ᜇᜓ

Ako ay nananabik na magtrabaho
Upang ako ay kumita at makatulong sa iba
Subalit akin ngayong inaalala
Ang aking mga minamahal na libro

ᜉᜅᜇᜉ᜔ ᜃᜓᜅ᜔ ᜋᜃᜎᜆ᜔ᜑᜎ ᜈᜅ᜔ ᜋᜇᜋᜒ
ᜉᜅᜇᜉ᜔ ᜃᜒᜅ᜔ ᜀᜅ᜔ ᜋᜃᜃᜊᜐ ᜈᜒᜆᜓ ᜀᜌ᜔  ᜃᜌ᜔ ᜃᜌ᜔ ᜇᜋᜒ
ᜅᜓᜈᜒᜆ᜔ ᜋᜁᜉᜄ᜔ᜐᜐᜊᜌ᜔ ᜃᜓ ᜅ ᜃᜌ᜶
ᜀᜅ᜔ ᜀᜃᜒᜅ᜔ ᜉᜄ᜔ᜆᜆ᜔ᜇᜊᜑᜓ ᜀᜆ᜔ ᜉᜄ᜔ᜄᜏ ᜈᜅ᜔ ᜀᜃᜒᜅ᜔ ᜋᜅ ᜀᜃ᜔ᜇ᜶

Pangarap kong makalatha nang marami
Pangarap kong ang makababasa nito ay kay rami
Ngunit maipagsasabay ko nga kaya?
Ang aking pagtatrabaho at paggawa ng aking mga akda?

ᜃᜌ᜔ ᜇᜎᜒ ᜄᜓᜋᜏ᜵ ᜃᜌ᜔ ᜇᜋᜒᜅ᜔ ᜉᜓᜋᜉᜐᜓᜃ᜔ ᜈ ᜁᜇᜒᜌ
ᜐᜓᜊᜎᜒᜆ᜔ ᜀᜅ᜔ ᜂᜇᜐ᜔ ᜀᜅ᜔ ᜉᜅᜓᜈᜑᜒᜈ᜔ ᜃᜓᜅ᜔ ᜃᜎᜊᜈ᜔
ᜉᜀᜈᜓ ᜃᜓ ᜋᜐᜓᜐᜓᜎᜓᜐ᜔ᜌᜓᜈᜈ᜔ ᜀᜅ᜔ ᜄᜈᜒᜆᜓᜅ᜔ ᜃ᜔ᜎᜐᜒᜅ᜔ ᜉ᜔ᜇᜓᜊ᜔ᜎᜒᜋ᜶
ᜐᜈ ᜀᜌ᜔ ᜋᜄᜏᜈ᜔ ᜃᜓ ᜁᜆᜓ ᜈᜅ᜔ ᜉᜇᜀᜈ᜔

Kay dali gumawa, kay raming pumapasok na ideya
Subalit ang oras ang pangunahin kong kalaban
Paano ko masosolusyunan ang ganitong klaseng problema?
Sana ay magawan ko ito nang paraan

ᜈᜏ ᜀᜌ᜔ ᜋᜏᜎ ᜈ ᜀᜅ᜔ ᜀᜃᜒᜅ᜔ ᜋᜅ ᜉᜅᜋ᜔ᜊ
ᜐᜉᜄ᜔ᜃᜆ᜔ ᜀᜅ᜔ ᜉᜄ᜔ᜐᜓᜐᜓᜎᜆ᜔ ᜀᜌ᜔ ᜀᜌᜏ᜔ ᜃᜓ ᜈᜅ᜔ ᜋᜏᜎ ᜉ
ᜃᜑᜒᜆ᜔ ᜀᜈᜓᜅ᜔ ᜋᜅ᜔ᜌᜇᜒ᜵ ᜑᜒᜈ᜔ᜇᜒ ᜀᜃᜓ ᜆᜒᜆᜒᜄᜒᜎ᜔
ᜀᜅ᜔ ᜀᜃᜒᜅ᜔ ᜉᜄ᜔ᜐᜓᜐᜓᜎᜆ᜔ ᜀᜌ᜔ ᜑᜒᜈ᜔ᜇᜒ ᜉᜉᜒᜉᜒᜄᜒᜎ᜔

Nawa ay mawala na ang aking mga pangamba
Sapagkat ang pagsusulat ay ayaw ko nang mawala pa
Kahit anong mangyari, hindi ako titigil
Ang aking pagsusulat ay hindi papipigil