ᜀᜅ᜔ ᜈᜃᜆᜃ᜔ᜇᜅ᜔ ᜀᜇᜏ᜔ ᜀᜌ᜔ ᜇᜓᜋᜆᜒᜅ᜔ ᜈ
ᜀᜅ᜔ ᜉᜄ᜔ᜆᜆᜉᜓᜐ᜔ ᜀᜌ᜔ ᜈᜁᜇᜂᜐ᜔ ᜈ
ᜀᜅ᜔ ᜎᜑᜆ᜔ ᜀᜌ᜔ ᜈᜄ᜔ᜐᜒᜉᜎᜃ᜔ᜉᜃᜈ᜔
ᜐ ᜁᜐᜅ᜔

Ang nakatakdang araw ay dumating na
Ang pagtatapos ay nairaos na
Ang lahat ay nagsipalakpakan
Sa isang hindi malilimutang kaganapan

ᜋᜅ ᜆᜓᜄ ᜀᜆ᜔ ᜆᜐᜒᜎ᜔ ᜈ ᜀᜋᜒᜅ᜔ ᜑᜒᜈᜑᜏᜃᜈ᜔
ᜃᜐᜊᜌ᜔ ᜈᜅ᜔ ᜇᜒᜉ᜔ᜎᜓᜋᜅ᜔ ᜀᜋᜒᜅ᜔ ᜁᜈᜀᜐᜋ᜔
ᜀᜅ᜔ ᜎᜑᜆ᜔ ᜀᜌ᜔ ᜇᜋᜅ᜔ᜇᜋ ᜀᜅ᜔ ᜃᜎᜒᜄᜌᜑᜈ᜔
ᜐᜉᜄ᜔ᜃᜆ᜔ ᜀᜅ᜔ ᜀᜋᜒᜅ᜔ ᜋᜅ ᜉᜅᜇᜉ᜔ ᜀᜌ᜔ ᜂᜈ᜔ᜆᜒᜂᜈ᜔ᜆᜒ ᜈ ᜈᜋᜒᜅ᜔ ᜇᜋ᜔ᜇᜋ᜔

Mga toga at tasel na aming hinahawakan
Kasabay ng diplomang aming inaasam
Ang lahat ay damang-dama ang kaligayahan
Sapagkat ang aming mga pangarap ay unti-unti na naming ramdam

ᜅᜓᜈᜒᜆ᜔ ᜐ ᜊᜏᜆ᜔ ᜃᜆᜉᜓᜐᜈ᜔ ᜀᜌ᜔ ᜋᜌ᜔ ᜉᜈᜒᜋᜓᜎ
ᜉᜈᜒᜋᜓᜎ ᜋᜓᜎ ᜐ ᜑᜋᜓᜈ᜔ ᜈ ᜋᜐ᜔ ᜋᜎᜎ
ᜀᜅ᜔ ᜇᜒᜌᜎᜒᜇᜇ᜔ ᜈᜅ᜔ ᜊᜓᜑᜌ᜔᜵ ᜆᜒᜌᜃ᜔ ᜈ ᜋᜁᜉᜇᜇᜋ
ᜅᜌᜓᜈ᜔ ᜈ᜵ ᜐᜒᜋᜓᜎ ᜈ᜵ ᜈᜅ᜔ ᜉᜈᜒᜊᜄᜓᜅ᜔ ᜃᜊᜈᜆ

Ngunit sa bawat katapusan ay may panimula
Panimula mula sa hamon na mas malala
Ang reyalidad ng buhay, tiyak na maipapadama
Ngayon na, simula na, ng panibagong kabanata

ᜐ ᜀᜃᜒᜈ᜔ ᜀᜌ᜔ ᜆᜓᜋᜆᜃ᜔ ᜋᜓᜎ ᜐ ᜆᜄᜉᜄ᜔ᜐᜎᜒᜆ
ᜋᜅ ᜐᜎᜒᜆᜅ᜔ ᜃᜈ᜔ᜌᜅ᜔ ᜁᜆᜒᜈᜓᜇᜈ᜔
ᜂᜃᜓᜎ᜔ ᜐ ᜊᜓᜑᜌ᜔ ᜋᜓᜎ ᜐ ᜉᜀᜇᜎᜈ᜔
ᜑᜅ᜔ᜄᜅ᜔ ᜐ ᜉᜄ᜔ᜎᜊᜐ᜔ ᜈᜅ᜔ ᜁᜐ᜔ᜃ᜔ᜏᜒᜎᜑᜅ᜔ ᜀᜋᜒᜅ᜔ ᜐᜒᜈᜒᜐᜒᜈ᜔ᜆ

Sa akin ay tumatak mula sa Tagapagsalita
Mga salitang kanyang itinuran
Ukol sa buhay mula sa paaralan
Hanggang sa paglabas ng eskwelahang aming Sinisinta 

ᜉᜂᜎᜒᜆ᜔ᜂᜎᜒᜆ᜔ ᜈᜒᜌᜅ᜔ ᜁᜆᜒᜈᜆᜈᜓᜅ᜔ ᜁᜆᜓ
ᜆᜉᜓᜐ᜔ ᜃ ᜈ ᜅ ᜊ ᜐ ᜉᜄ᜔ᜐᜒᜐᜒᜃᜉ᜔ ᜐ ᜉᜀᜇᜎᜅ᜔ ᜁᜆᜓ᜶
ᜑᜒᜈ᜔ᜇᜒ ᜀᜅ᜔ ᜃᜈ᜔ᜌᜅ᜔ ᜎᜄᜒᜅ᜔ ᜃᜐᜄᜓᜆᜈ᜔
ᜐᜉᜄ᜔ᜃᜆ᜔ ᜐ ᜎᜊᜐ᜔ ᜈᜅ᜔ ᜉᜀᜇᜎᜈ᜔ ᜀᜌ᜔ ᜃᜁᜎᜅᜈ᜔ ᜋᜓᜅ᜔ ᜉᜄ᜔ᜑᜈ᜔ᜇᜀᜈ᜔

Paulit-ulit niyang itinatanong ito
"Tapos ka na nga ba sa pagsisikap sa paaralang ito?"
Hindi ang kanyang laging kasagutan
Sapagkat sa labas ng paaralan ay kailangan mong paghandaan

ᜀᜈᜓ ᜅ ᜊ ᜀᜅ᜔ ᜀᜃᜒᜅ᜔ ᜋᜅ ᜃᜃᜌᜑᜈ᜔᜶
ᜀᜈᜓ ᜅ ᜊ ᜀᜅ᜔ ᜀᜃᜒᜅ᜔ ᜋᜅ ᜉᜓᜆᜒᜈ᜔ᜐ᜔ᜌᜎ᜔᜶
ᜐᜉᜆ᜔ ᜈ ᜅ ᜊ ᜀᜅ᜔ ᜀᜃᜒᜅ᜔ ᜋᜅ ᜃᜀᜎᜋᜈ᜔᜶
ᜆᜒᜎ ᜅᜌᜓᜈ᜔  ᜀᜃᜓ ᜀᜌ᜔ ᜈᜄᜓᜄᜓᜎᜓᜋᜒᜑᜈᜈ᜔

Ano nga ba ang aking mga kakayahan?
Ano nga ba ang aking mga potensyal?
Sapat na nga ba ang aking mga kaalaman?
Tila ngayon ako ay nagugulumihanan 

ᜈᜐᜊᜒ ᜈᜒᜌ᜵ ᜈ ᜀᜅ᜔ ᜃᜃᜌᜑᜈ᜔ ᜀᜌ᜔ ᜀᜋᜒᜅ᜔ ᜋᜄᜒᜄᜒᜅ᜔ ᜉᜓᜑᜓᜈᜈ᜔
ᜂᜉᜅ᜔ ᜃᜋᜒ ᜀᜌ᜔ ᜋᜌ᜔ ᜋᜉᜄ᜔ᜆ᜔ᜇᜊᜑᜓᜀᜈ᜔
ᜃᜌ᜔ᜎᜅᜅ᜔ ᜀᜎᜋᜒᜈ᜔ ᜀᜅ᜔ ᜋᜅ ᜉᜈᜒᜊᜄᜓᜅ᜔ ᜃᜄᜈᜉᜈ᜔
ᜃᜌ᜔ᜎᜅᜅ᜔ ᜁᜉᜄ᜔ᜉᜆᜓᜎᜓᜌ᜔ ᜀᜅ᜔ ᜉᜄ᜔ᜇᜇᜄ᜔ᜇᜄ᜔ ᜐ ᜃᜀᜎᜋᜈ᜔

Nasabi niya, na ang kakayahan ay aming magiging puhunan
Upang kami ay may mapagtrabahuan
Kailangang alamin ang mga panibagong kaganapan
Kailangang ipagpatuloy ang pagdaragdag sa kaalaman

ᜀᜈᜒᜌ᜵ ᜑᜒᜈ᜔ᜇᜒ ᜐᜉᜆ᜔ ᜀᜅ᜔ ᜉᜄ᜔ᜆᜆ᜔ᜇᜊᜑᜓ ᜎᜋᜅ᜔
ᜋᜐ᜔ ᜉᜄ᜔ᜁᜄᜒᜑᜈ᜔ ᜁᜆᜓ᜵ ᜐᜉᜄ᜔ᜃᜆ᜔ ᜃᜌ᜔ ᜇᜋᜒᜅ᜔ ᜈᜃᜀᜊᜅ᜔
ᜋᜅ ᜋᜄᜒᜄᜒᜅ᜔ ᜉᜒᜈᜓᜈᜓ ᜀᜆ᜔ ᜃᜆ᜔ᜇᜊᜑᜓᜅ᜔ ᜋᜃᜃᜐᜋ
ᜋᜅ ᜋᜄᜒᜄᜒᜅ᜔ ᜃ᜔ᜎᜒᜌᜒᜈ᜔ᜆᜒ ᜈ ᜁᜌᜓ ᜋᜃᜃᜐᜎᜋᜓᜑ

Aniya, hindi sapat ang pagtatrabaho lamang
Mas pag-igihan ito, sapagkat kay raming nakaabang
Mga magiging pinuno at katrabahong makakasama
Mga magiging kliyente na iyong makakasalamuha

ᜄᜀᜈᜓ ᜃᜑᜎᜄ ᜀᜅ᜔ ᜋᜅ ᜋᜇ᜔ᜃ᜶
ᜋᜄᜄᜋᜒᜆ᜔ ᜋᜓᜊ ᜁᜆᜓ ᜆᜎᜄ᜶
ᜈᜉᜃᜊᜊᜏ᜔ ᜇᜏ᜔ ᜈᜒᜆᜓ᜵ ᜀᜈᜒᜌ
ᜃᜓᜅ᜔ ᜀᜅ᜔ ᜇᜒᜌᜎᜒᜇᜇ᜔ ᜈᜅ᜔ ᜊᜓᜑᜌ᜔ ᜀᜌ᜔ ᜉᜄ᜔ᜊᜊᜐᜒᜑᜈ᜔ ᜈᜒᜎ

Gaano kahalaga ang mga marka?
Magagamit mo ba ito talaga?
Napakababaw raw nito, aniya
Kung ang reyalidad ng buhay ay pagbabasehan nila

ᜀᜅ᜔ ᜋᜅ ᜄ᜔ᜇᜇᜓ ᜀᜈᜒᜌ ᜀᜌ᜔ ᜑᜒᜈ᜔ᜇᜒ ᜐᜓᜋᜐᜎᜋᜒᜈ᜔
ᜐ ᜁᜌᜓᜅ᜔ ᜁᜈ᜔ᜆᜒᜄ᜔ᜇᜒᜇᜇ᜔ ᜀᜆ᜔ ᜁᜈ᜔ᜆᜒᜈ᜔ᜐ᜔ᜌᜓᜈ᜔
ᜉᜎᜄᜒᜅ᜔ ᜋᜈᜒᜈ᜔ᜇᜒᜄᜈ᜔ ᜐ ᜃᜓᜅ ᜀᜈᜓᜅ᜔ ᜈᜇᜇᜉᜆ᜔ ᜈ ᜄᜏᜒᜈ᜔
ᜂᜉᜅ᜔ ᜑᜒᜈ᜔ᜇᜒ ᜃ ᜋᜁᜎᜄᜌ᜔ ᜐ ᜋᜎᜒᜅ᜔ ᜐᜒᜆ᜔ᜏᜐ᜔ᜌᜓᜈ᜔

Ang mga grado aniya ay hindi sumasalamin
Sa iyong integridad at intensyon
Palaging manindigan sa kung anong nararapat na gawin
Upang hindi ka mailagay sa maling sitwasyon

ᜀᜈᜒᜌ᜵ ᜀᜅ᜔ ᜎᜑᜆ᜔ ᜀᜌ᜔ ᜋᜌ᜔ ᜋᜅ ᜉᜅᜇᜉ᜔
ᜋᜎᜃᜒᜅ᜔ ᜊᜑᜌ᜔ ᜀᜆ᜔ ᜃᜓᜆ᜔ᜐᜒ ᜈ ᜈᜁᜐ᜔ ᜋᜓᜅ᜔ ᜁᜉᜑᜇᜉ᜔
ᜐ ᜉᜋᜒᜎ᜔ᜌ ᜈ ᜈᜄ᜔ᜑᜒᜑᜒᜈ᜔ᜆᜌ᜔ ᜐ ᜁᜌᜓ
ᜈ ᜃᜌ᜔ ᜆᜄᜎ᜔ ᜋᜓᜅ᜔ ᜉᜒᜈᜄ᜔ᜑᜈ᜔ᜇᜀᜈ᜔ ᜁᜆᜓ

Aniya, ang lahat ay may mga pangarap
Malaking bahay at kotse na nais mong ipaharap
Sa pamilya na naghihintay sa iyo
Na kay tagal mong pinaghandaan ito

ᜀᜈᜒᜌ᜵ ᜀᜅ᜔ ᜆᜓᜆᜓᜂᜅ᜔ ᜑᜋᜓᜈ᜔ ᜐ ᜊᜓᜑᜌ᜔
ᜀᜌ᜔ ᜑᜒᜈ᜔ᜇᜒ ᜎᜋᜅ᜔ ᜂᜉᜅ᜔ ᜋᜄᜒᜅ᜔ ᜋᜆᜒᜏᜐᜌ᜔
ᜐᜉᜄ᜔ᜃᜆ᜔ ᜃᜓᜅ᜔ ᜉᜀᜈᜓ ᜃ ᜋᜄᜒᜄᜒᜅ᜔ ᜁᜋ᜔ᜉ᜔ᜎᜓᜏᜒᜈ᜔ᜐ᜔ᜌ
ᜂᜉᜅ᜔ ᜊᜄᜓᜑᜒᜈ᜔ ᜀᜅ᜔ ᜊᜓᜑᜌ᜔ ᜈᜅ᜔ ᜁᜊ

Aniya, ang totoong hamon ng buhay
Ay hindi lamang upang maging matiwasay
Sapagkat kung paano ka magiging impluwensya
Upang baguhin ang buhay ng iba

ᜀᜈᜓ ᜅ ᜊ ᜆᜎᜄ ᜀᜅ᜔ ᜋᜒᜐ᜔ᜌᜓᜈ᜔ ᜃᜓ ᜐ ᜋᜓᜈ᜔ᜇᜓᜅ᜔ ᜁᜆᜓ᜶
ᜀᜈᜓ ᜅ ᜊ ᜀᜅ᜔ ᜋᜁᜆᜓᜆᜓᜎᜓᜅ᜔ ᜃᜓ ᜐ ᜃᜈᜒᜎ᜶
ᜀᜈᜒᜌ᜵ ᜑᜓᜏᜄ᜔ ᜃᜅ᜔ ᜋᜄ᜔ᜀᜎᜎ
ᜐᜉᜄ᜔ᜃᜆ᜔ ᜎᜄᜒᜅ᜔ ᜋᜌ᜔ ᜉ᜔ᜎᜈ᜔ ᜀᜅ᜔ ᜇᜒᜌᜓᜐ᜔ ᜉᜇ ᜐ ᜁᜌᜓ

Ano nga ba talaga ang misyon ko sa mundong ito?
Ano nga ba ang maitutulong ko sa kanila?
Aniya, huwag kang mag-alala
Sapagkat laging may plano ang Diyos para sa iyo

ᜀᜈᜒᜌ᜵ ᜀᜈᜓᜅ᜔ ᜋᜅ ᜊᜄᜌ᜔ ᜀᜅ᜔ ᜁᜌᜓᜅ᜔ ᜋᜅ ᜉᜒᜈᜐᜐᜎᜋᜆᜈ᜔᜶
ᜀᜈᜓᜅ᜔ ᜋᜅ ᜊᜄᜌ᜔ ᜀᜅ᜔ ᜐ ᜅᜌᜓᜈ᜔ ᜀᜌ᜔ ᜁᜌᜓᜅ᜔ ᜈᜃᜋ᜔ᜆᜈ᜔᜶
ᜄᜒᜈᜋᜒᜆ᜔ ᜋᜓ ᜊ ᜁᜆᜓ ᜐ ᜃᜊᜓᜆᜒᜑᜈ᜔᜶
ᜂ ᜇᜑᜒᜎ᜔ ᜇᜒᜆᜓ᜵ ᜐᜒᜎ ᜆᜓᜎᜓᜌ᜔ ᜀᜌ᜔ ᜋᜐ᜔ ᜎᜎᜓᜅ᜔ ᜈᜑᜒᜑᜒᜇᜉᜈ᜔᜶

Aniya, anong mga bagay ang iyong mga pinasasalamatan?
Anong mga bagay ang sa ngayon ay iyong nakamtan?
Ginamit mo ba ito sa kabutihan?
O dahil dito, sila tuloy ay mas lalong nahihirapan?

ᜀᜈᜒᜌ᜵ ᜎᜊᜈᜈ᜔ ᜋᜓ ᜀᜅ᜔ ᜋᜅ ᜑᜋᜓᜈ᜔ ᜐ ᜊᜓᜑᜌ᜔
ᜀᜅ᜔ ᜉᜄ᜔ᜃᜆᜓᜆᜓ ᜀᜌ᜔ ᜈᜇᜇᜉᜆ᜔ ᜈ ᜏᜎᜅ᜔ ᜑᜓᜋ᜔ᜉᜌ᜔
ᜀᜅ ᜋᜅ ᜃᜀᜎᜒᜋᜈ᜔ ᜀᜆ᜔ ᜃᜊᜓᜆᜒᜑᜈ᜔ ᜈᜅ᜔ ᜎᜓᜂᜊ᜔ ᜀᜌ᜔ ᜁᜌᜓᜅ᜔ ᜁᜐᜊᜌ᜔
ᜂᜉᜅ᜔ ᜁᜌᜓᜅ᜔ ᜋᜇᜆᜒᜅ᜔ ᜀᜅ᜔ ᜇᜓᜇᜓᜃ᜔ ᜈᜅ᜔ ᜆᜄᜓᜋ᜔ᜉᜌ᜔

Aniya, labanan mo ang mga hamon sa buhay
Ang pagkatuto ay nararapat na walang humpay
Ang mga kaalaman at kabutihan ng loob ay iyong isabay
Upang iyong marating ang rurok ng tagumpay

ᜃᜌ᜔ ᜇᜋᜒᜅ᜔ ᜋᜅ ᜐᜎᜒᜆ᜵ ᜃᜌ᜔ ᜇᜋᜒᜅ᜔ ᜋᜅ ᜆᜓᜋᜆᜃ᜔
ᜐ ᜀᜃᜒᜅ᜔ ᜋᜅ ᜁᜐᜒᜉᜈ᜔᜵ ᜈ ᜀᜃᜒᜅ᜔ ᜉᜅ᜔ᜑᜑᜏᜃᜈ᜔
ᜀᜋᜒᜅ᜔ ᜆᜄᜉᜄ᜔ᜐᜎᜒᜆ᜵ ᜁᜃᜏ᜔ ᜀᜌ᜔ ᜀᜋᜒᜅ᜔ ᜉᜒᜈᜐᜐᜎᜋᜆᜈ᜔
ᜋᜓᜎ ᜐ ᜁᜌᜓᜅ᜔ ᜋᜅ ᜐᜎᜒᜆ᜵ ᜋᜅ ᜎᜓᜑ ᜈᜋᜒᜈ᜔ ᜀᜌ᜔ ᜉᜓᜋᜆᜃ᜔

Kay raming mga salita, kay raming mga tumatak
Sa aking mga isipan, na aking panghahawakan
Aming Tagapagsalita, ikaw ay aming pinasasalamatan
Mula sa iyong mga salita, mga luha namin ay pumatak

ᜋᜓᜎᜒ᜵ ᜐ ᜊᜏᜆ᜔ ᜃᜆᜉᜓᜐᜈ᜔ ᜀᜌ᜔ ᜋᜌ᜔ ᜉᜈᜒᜋᜓᜎ
ᜀᜃᜓ ᜅᜌᜓᜈ᜔ ᜀᜌ᜔ ᜈᜃᜑᜈ᜔ᜇ ᜈ
ᜀᜅ᜔ ᜀᜃᜒᜅ᜔ ᜋᜅ ᜉᜅᜇᜉ᜔᜵ ᜀᜃᜒᜈ᜔ ᜀᜌ᜔ ᜂᜂᜋ᜔ᜉᜒᜐᜑᜈ᜔ ᜈ
ᜂᜉᜅ᜔ ᜀᜅ᜔ ᜀᜃᜒᜅ᜔ ᜊᜓᜑᜌ᜔ ᜀᜌ᜔ ᜋᜄᜒᜅ᜔ ᜋᜐᜄᜈ

Muli, sa bawat katapusan ay may panimula
Ako ngayon ay nakahanda na
Ang aking mga pangarap, akin ay uumpisahan na
Upang ang aking buhay ay maging masagana