ᜃᜌ᜔ ᜎᜎᜒᜋ᜔ ᜈ ᜈᜅ᜔ ᜄᜊᜒ᜵ ᜀᜃᜓ ᜀᜌ᜔ ᜈᜉᜊᜓᜈ᜔ᜆᜓᜅ᜔ᜑᜒᜈᜒᜅ
ᜈᜃᜆᜎᜓᜃ᜔ᜊᜓᜅ᜔ ᜅᜌᜓᜈ᜔ ᜐ ᜃᜓᜋᜓᜆ᜔ ᜑᜊᜅ᜔ ᜈᜄ᜔ᜇᜓᜇᜓᜐ
ᜐᜉᜄ᜔ᜃᜆ᜔ ᜀᜃᜓ ᜀᜌ᜔ ᜈᜅᜓᜅᜓᜎᜒᜎ ᜐ ᜀᜃᜒᜅ᜔ ᜐᜒᜈᜒᜐᜒᜈ᜔ᜆ
ᜇᜑᜒᜎ᜔ ᜁᜎᜅ᜔ ᜊᜓᜏᜈ᜔ ᜃᜓ ᜈ ᜐᜒᜌᜅ᜔ ᜑᜒᜈ᜔ᜇᜒ ᜉ ᜈᜃᜒᜃᜒᜆ

Kay lalim na ng gabi, ako ay napabuntonghininga
Nakatalukbong ngayon sa kumot habang nagdurusa
Sapagkat ako ay nangungulila sa aking sinisinta
Dahil ilang buwan ko na siyang hindi pa nakikita

ᜃᜌ᜔ ᜐᜌᜅ᜔ ᜉᜄ᜔ᜋᜐᜓᜇᜈ᜔ ᜀᜅ᜔ ᜀᜋᜒᜅ᜔ ᜋᜅ ᜎᜇᜏᜈ᜔
ᜎᜓᜎᜈ᜔ ᜈᜒᜆᜓ ᜀᜉ ᜀᜅ᜔ ᜀᜋᜒᜅ᜔ ᜀᜎᜀᜎ ᜈ ᜃᜌ᜔ ᜐᜇᜉ᜔ ᜊᜎᜒᜃᜈ᜔
ᜑᜊᜅ᜔ ᜏᜎ ᜉ ᜐᜒᜌ ᜅᜌᜓᜈ᜔ ᜐ ᜀᜃᜒᜅ᜔ ᜆᜊᜒ
ᜁᜆᜓ ᜋᜓᜈ ᜀᜅ᜔ ᜋᜀᜀᜇᜒᜅ᜔ ᜐ ᜎᜓᜅ᜔ᜃᜓᜆ᜔ ᜃᜓ ᜀᜌ᜔ ᜉᜓᜋᜏᜒ

Kay sayang pagmasdan ang aming mga larawan
Lulan nito ay ang aming alaala na kay sarap balikan
Habang wala pa siya ngayon sa aking tabi
Ito muna ang maaaring sa lungkot ko ay pumawi 

ᜀᜅ᜔ ᜀᜋᜒᜅ᜔ ᜉᜄ᜔ᜑᜑᜈ᜔ᜇ ᜀᜌ᜔ ᜋᜅ᜔ᜌᜌᜇᜒ ᜃᜒᜈᜊᜓᜃᜐᜈ᜔
ᜉᜄ᜔ᜑᜑᜈ᜔ᜇ᜵ ᜉᜇ ᜐ ᜈᜎᜎᜉᜒᜆ᜔ ᜈ ᜃᜆᜉᜓᜐᜈ᜔
ᜅᜓᜈᜒᜆ᜔᜵ ᜑᜒᜈ᜔ᜇᜒ ᜃᜓ ᜉ ᜇᜒᜈ᜔ ᜋᜄᜏᜅ᜔ ᜋᜁᜇ᜔ᜎᜒᜉ᜔
ᜐᜉᜄ᜔ᜃᜆ᜔ ᜐᜒᜌ ᜉ ᜇᜒᜈ᜔ ᜀᜌ᜔ ᜎᜊᜒᜐ᜔ ᜃᜓᜅ᜔ ᜁᜈᜒᜁᜐᜒᜉ᜔

Ang aming paghahanda ay mangyayari kinabukasan 
Paghahanda, para sa nalalapit na katapusan
Ngunit, hindi ko pa rin magawang maidlip
Sapagkat siya pa rin ay labis kong iniisip 

ᜀᜃᜒᜅ᜔ ᜋᜒᜈᜋᜑᜎ᜔᜵ ᜈᜏ ᜀᜌ᜔ ᜈᜁᜁᜐᜒᜉ᜔ ᜋᜓ ᜇᜒᜈ᜔ ᜀᜃᜓ
ᜐᜉᜄ᜔ᜃᜆ᜔ ᜏᜎᜅ᜔ ᜀᜇᜏ᜔ ᜈ ᜑᜒᜈ᜔ᜇᜒ ᜁᜃᜏ᜔ ᜀᜅ᜔ ᜎᜋᜈ᜔ ᜈᜅ᜔ ᜁᜐᜒᜉᜈ᜔ ᜃᜓ
ᜐᜈ ᜀᜌ᜔ ᜋᜓᜎᜒ ᜈ ᜆᜌᜓᜅ᜔ ᜉᜄ᜔ᜆᜒᜉᜈᜒᜈ᜔ ᜈᜅ᜔ ᜆᜇ᜔ᜑᜈ
ᜂᜉᜅ᜔ ᜀᜅ᜔ ᜀᜃᜒᜅ᜔ ᜉᜃᜒᜇᜋ᜔ᜇᜋ᜔ ᜀᜌ᜔ ᜋᜄᜒᜅ᜔ ᜋᜉᜌᜉ

Aking minamahal, nawa ay naiisip mo rin ako
Sapagkat walang araw na hindi ikaw ang laman ng isipan ko
Sana ay muli na tayong pagtipanin ng tadhana
Upang ang aking pakiramdam ay maging mapayapa