Mein aik lrki.. jee haan aik lrki hun... aur aap achi trha jaantay hain k lrki kya hota hai.. aik aisi makhlook jo bus khawabon ki dunia mein hi rehti hai... khair!

Mein aaj aap ko apni mohabat ki kahaani sunaani chahti hun jo k shuruh honay se pehlay hi khatum ho gai.. 
Yah! Kbhi shuruh hi nhi hoi thi..

Ab aap apna zaida dimaag istimal naah krain toh acha hai...

Ooopss!! Sorry!!

Ok!

Then!

Mein sunaati hun aap ko aik lrki ki aisi mohabat ki kahaani... jo k khawabon mein rehna zaida pasand krti thi.. jee hain woh lrki mein hi hun..

Mjy hamesha se hi novels prhnay ka shok tha aur mein hr novel ko prhtay waqt khud ko uss novel ki hereon smjhnay lgti thi.. yaqeenun aap bhi novel prhtay howay khud ko hereon hi smjhti hon gi (aur mard hazrat.. oh i mean lrkay hazrat khud ko jahan sikandar aur umer jahngeer se kum nhi smjhtay).. lol!!

Toh mein jub bhi koi novel prhti thi toh mjy lgta jaisay dunia ki ikloti, sub se haseen, aur masoom lrki mein hi hun.. mjy waisay shuruh shuruh mein iss mohabat, pyaar wagaira pe koi aitbaar nhi tha.. laikin mein aik din agr koi novel prhti toh agla poora hafta uss k character ko hi sochti rehti( theek samjhay aap😉😉) ..haan woh alag baat hai k mjy ghar walon se khasoosun apni amma hazoor se bht baatain sunni prti thin... khair ab kya kya btaoon?? Kis had tuk jaaoon?? Aur kisay staaon??

Oh!! Waoww!! Yeh toh shair hi bun gya...

Daikha bus novels prh prh k meray dimag pr asar ho gya hai....
Yeh meri amma hazoor k dialogues hain meray nhi....

Ok.. phir mene socha k q naah yeh mohabat ki jayay.. i mean try maarnay mein kya harj?? (Ab aap hi btayain koi harj hai bhala? Haan nai toh😒) ...

Phir mene sub se pehla try jo maara.. bus naah hi poochiyay( magr aap sunna chahtay hain toh koi baat nhi.. dil pr pathar rakh k suna hi daiti hun) mene pehla try apnay mamo k baitay pe maara.. jee hain woh aik handsome aadmi tha( jahan sikander se kum hi tha) mjy yaad hai jub phupho ki baiti ki shadi pr mein khasoosun uss k liyay tyaar hoi thi.. ab yrr kya btaoon.. mein tyaar ho kr uss k saamnay gai aur poori qowat se uss se takrai thi (jee haan jaan boojh kr)

Oh sorry! Woh galti se..

Mene bht masoom se shakal bna kr kha tha...

Jub aankhon pe 10 tahain bithao gi toh nazar kesay aayay ga?

Woh khoon kawar nazron se mjy daikh rha tha.. aur aap ko toh pta hai k mein kitni masoom hun issi liyay uss ki awaz pr dur gai... Bunda poochay ab makeup aankhon k ooper kiya jaata hai yah under jo dikhai nah dai.. haan nhi toh..

Khair! Mein munh bna kr chal pri...
K...
Achanak!
Uss ne!
Haan usi ne!
Aray haan bhai ussi ne!
Mjy awaz di.. mein dil hi dil mein bht khush hoi k bus ab woh mjh se maafi maangay ga..aur agr maafi naah bhi maangay toh kum-uz-kum koi mohabat bhara jumla toh keh hi dai ga.. mein dil hi dil mein soch rhi thi k ab nakhray shuruh kr dun.. q k mein itni jaldi maanay waali toh nai..

Magr aap jaantay hain khawabon ka khoon kesay kehtay hain??

Yaqeenun nhi! Mein btaati hun..

Mein aisay muri k meray khoobsurat haseen baal meray munh pr aayay.. mene haath se unhain peechay kiya..

G..

Mene poocha...

Jao meray jootay lai kr aao.. phupho k paas hain... aur haan aik baar polish kr laina..

Aur meray khawabon ka qatal ho gya.. mein aap ko bta nhi sakti k mein kitna roi thi uss din... ahh!! Aap kya jaanayin...

Mein ne bura sa munh bnaya... ab zahir hai mein khush toh nhi ho sakti thi.. ab bnda poochay k shadi k din bhi koi jootay polish krwata hai.. woh bhi apni itni haseen aur masoom cousin se?? Haan nhi toh..

G kya shoes??

Mein abhi tuk sadmay hi halat mein thi..

Andhi k saath saath behri bhi ho kya??

Uss ne intahai tursh lehjay mein kha... aur mera dil.. hayay mera dil...totay totay ho gya...

Mein wahan se nikal gai.. haan magr mene shoes polish nhi kiyay thay ab itni bhi gai guzri nhi thi mein...haan nhi toh!

Shadi ho gai toh aakhir mein sub ko family photo bnaanay ki yaad i... bus meray dimaag ne taizi se chalna shurh kr diya...

Mene socha k q naah uss k saath khari ho jaoon.. woh aksar dramas mein aisa hi hota hai naah k kisi pic mein dono akathay aatay hain aur sub kehtay hain k wah kitnay achay lg rhay hain saath.. bus mera bhi kuch aisa hi irada tha... miein chup chap uss k pas a kr khari ho gai...uss ne mjy daikha... hayay!!

Tum yahan q khari ho pagal?

Uss ne kha...

Toh aur kahaan jaoon??

Meri wohi kamal ki masomiyat...

Jaa k photo bnao tum...

Ahhh ! Pta hai qayamat kya hoti hai?? Wohi..jo mjh pe uss waqt tooti thi...

Mein???

Mene roni awaz mein poocha..

Haan tumhain hi kha hai..

Uss ne kha toh mein pair patakhti hoi stage se utar gai... yaani.. unhon ne mjy family se hi nikal diya tha.. had hoti hai...

Khair mein uss raat so hi nhi pai.. nhi nhi.. uss batmiz k khayalon mein nhi thi.. asal mein mein gussay mein raat ka khana khana bhool gai thi toh dil k chuhon... mera matlub hai pait k chuhon ne tung kiya howa tha...

Agli subha mene uss ko phone krny ka socha.. aur kuch dialogue bhi soch liyay..

Hello kya hai tumhain abhi busy hun mein..

Uss ne kha toh mjy un novels likhnay walon pr intahi gussa aaya.. k kesay jhoot likhti rehti hain.. mjh se toh aik bnda qaaboo nhi ho rha aur....

Ab kuch bolo gi bhi??

Uss ki awaz meray kanon se takrai..

Aap ko mera zra khayal nhi.. aap ne mjy hamesha hurt kiya hai..

Mene apnay yaad kiyay howay dialogues bolay.. thori dair k liyay khamoshi chah gai.. bus ab mera teer nishanay pe lgnay waala hai.. mene socha..

Jao jaa k uss novel ko aag lga do jo prh k i ho.. batmiz, bayhaya ,pagal lrki..

Aur uss ne phone kaat diya...

Aur!

Mein!

Aik jhatkay se gri thi...(aray bhai bed pe giri thi.. )

Mjy yaqeen ho gya k yahaan toh koi chance nhi.. pr mene haar nhi maani.. aik aur try maaarnay ka socha.. woh kehtay hain naah. Try try again...

Toh agla try mene apnay chacho k baitay pe maara... woh bhi handsome hi tha...

Mjy yaad hai uss din woh hamaray ghar aya tha...mein uss k pas gai..

Aap chayay lain gai??
Mene poocha..

Kahan se lun ga??

Uss ne poocha...

Mera matlub hai chayay bna dun aap ko??

Mene poocha toh woh muskuraya...mjy lga k meri daal galnay waali hai..

G zaroor! Aur suno yeh mithai bhi lai aana nikal k.. aaj mera rishta teh howa hai...

Zinda lash kya hoti hai pta hai??

Bus us din mein zinda laash bun gai thi..

Kon hai woh churail??

Mein khud pr qaaboo hi naah kr pai...

Kya??

Uss ne mjy gussay se daikha..

Mera matlub hai bhabhi..

Aur yeh churail se bhabhi tuk ka safr mene kesay teh kiya.. mein bta nhi sakti..agr aap hotay meri jaga toh mur hi jaatay..

Acha ab jao aur chayay lai bhi ao..

Uss ne kha toh mein pair patakhti hoi kitchen mein chali gai...

Mera doosra shikar bhi meray haath se nik chuka tha... magr koi baat nhi umeed pe dunia qayim hai..

Mein aap ko btana bhool gai k mein kuch din pehlay hi BA k papers dai k faarig hoi thi.. aur sub meray result k intazaar mein baithay thai... aur mein apnay hero k intazaar mein..

Aglay roz mein shopping krnay k liyay bazar gai.. wahaan mjy abba hazoor k dost ka baita dikhayi diya.. woh gaari mein baith rha tha..

Mene dhor lga di.

Aray aap??kesay hain??

Mene poocha toh uss ne mjy daikha...

G mein thek hun aap kesi hain??

Usss ne poocha toh meray dil mein ladu phootnay lgay... cho kisi ko toh meri chinta.. mera matlub hai fikar hai..

Mein bhi theek hun..

Mene kha..

Aayiyay coffee peetay hain...

Aur yeh sun k meray pair hi zameen pr nhi tikay..

Nhi.. thanks..

Mene ooper ooper se kha.. warna mera dil toh chah rha tha k bus!!

Aray aisay acha thori lgta hai k behn ko coffee peeay bagair hi jaanay dun...

Uss k yeh ghatiya ilfaaz thay yah bum..mjy 440 volt ka jhatka lga..

Behn??

Mein shadeed sadmay mein thi..

Aap ayain naah plz...

G nhi shukria ..

Aur mein wahaan se nikal gai...

Yaar had hi hoti hai... matlub koi bnda sabar se kaam laita hai k kya pta koi aur rishta bun jayay.. nhi seedha behn hi bna diya .. haan nhi toh...

Bus mene soch liya tha k ab in fazool kaamon mein nhi prna.. bhaar mein jao sub k sub..  ab itni bhi bai-sharam nhi thi k chotha try maarti..mene result ka intazar shuruh kiya..

Inhi dinon meri aik cousin hamaaray haan rehnay k liyay aa gai..

Aik din hum log kumbal mein ghusay howay thay jub woh boli...

Yrr tjy kesa lrka pasand hai??

Mene ussay daikha...

Mjy aisa lrka pasand hai jo mjh se mohabat kray.. jo mjy importance dai..

mene kha..

Bus phir toh kanvaari hi maray gi.. q k tjh se koi mohabat kr hi nhi skta..

Uss kamini ko bad-dua daitay howay zra sharam nhi i...

Mjy toh ho gi naah kisi se mohabat.. toh mein uss ko apna bna lun gi...

Mene kha toh uss ne hairat se mjy daikha..

Acha?? Kesay bnayay gi apna??

Uss ne mjh se poocha..

Mein uss k pas jaoon gi.. uss ko btaon gi k mein uss se mohabat krti hun... aur phir uss ko bolon gi k rishta bhaijay..

Mene apni planning ussay btai...

Bai-gairat naah ho toh..

Uss ne kha toh mein roni sorat se ussay daikhnay lgi..mjy samjh nhi ayay tha k uss ne kis ko bai-gairat bola hai? Mjy yaah uss ko jis se mjy mohabat ho gi??

Din guzrtay gayay .. mera result aa gya.. mein pass ho gai thi.. ab meri university shuruh ho gai..

Mjy aaj bhi yaad hai k mein uss din bht hi bai-dili se uni gai thi..aur!
Wahan!
Woh ho gya!
Jis ki mjy khawahish thi..

Woh shakhs jub meray samnay ki kursi pr aa kr baitha toh meray dil ki dharkanain taiz ho gayin.... woh shakhs kya kamal ka tha... mein bohat dair tuk ussay ghoorti.. mera matlub hai daikhti rhi... woh apnay kaam mein masroof tha.. uss ne mjy aik baar bhi nhi daikha tha.. ussay meray honay nah honay se koi farq nhi pr rha tha...

Magr mein.. mein pagal hi ho gai thi ussay daikh kr.. haan mjy uss se mohabat ho gai thi... mein 3 try maar chuki thi magr un mein se koi aisa naah tha jis k saaamnay meray dil ki dharkanain taiz ho jayain.. jis k saamnay meray haath kaam krna chor jayain.. jiss ko daikhtay howay mein aankh jhapakna bhool jaoon.. jiss ki lmbi zindagi k liyay mein Allah se duayain maangoon... jis ko daikhnay k liyay mein trsoon.. magar iss shakhs ko daikh kr mjh pe aisi hi kefiyat taari ho jaati thi.. mjy bht zoron se ishq howa tha uss shakhs se...

Mein roz uss k sath wai kursi pr baith jaati thi... aur uss ko daikhti rehti.. magar uss ne toh shaid mjy kbhi nazar utha kr daikhnay ki zehmut bhi nhi ki thi... woh hr waqt prhta rehta tha..kitabi keera (khabar daar aap log nhi keh saktay😈😠 iss ka sirf mjy huk hai..) mein uss ko bus daikh hi sakti thi.. mjh mein kbhi himat hi nhi hoi uss se kuch kehnay ki.. ajeeb kisam ki mohabat koi thi mjy.. mjy un novel likhnay walon ki aqal pr taajub honay lga jo pta nhi kya kya likhti hain.. mjh se toh apni mohabat ka aitraaf tuk nhi ho rha tha...

Aur!

Phir!

Mene!

5 saal!

G haan 5 saal!
Uss university mein ussay daikhtay hi guzary... aur aaj mera iss uni mein last day hai.. aur abhi mein yeh likh rhi hun .. aur woh bilkul meray saamnay baitha hai... woh toh mjy daikh bhi nhi rha.. woh apnay ki kamon mein magan hai.. mein kbhi soch bhi nhi sakti thi k meri mohabat itni khamosh ho gi.. meri mohabat mein itna sabar ho ga.. woh shakhs jis k baaray mein mene in 5 saal  sotay jaagtay socha tha woh meri iss mohabat se laa-ilm tha...

Aur woh nhi jaanta tha k koi bai-waqoof lrki uss ki mohabat mein buri trha giraftaar hai..
Mjy uss shakhs se uni k pehlay din se mohabat hoi thi.. aur in 5 saalon mein sirf uss mohabat mein shidat hi i thi..

Ohhh!!

Woh ab uth gya hai... kya woh jaanay lga hai??

Aap nhi jaantay k mein ro rhi hun.. kaash woh ruk jaata aur meray aansoo ponjhta.. magr aisa kesay mumkin tha.. ussay toh pta bhi nhi tha k...

Yeh safhay ab bheeg rhay hain... acha hai bheeg hi jayain.. taa-kai koi meri mohabat ki dastan naah prh sakay..

Meri sub writers se shikayit hai k bus krain yeh afsanvi batain.. bus krain yeh sub kuch!!
Koi sachi kahani sunayain... mjy smjh nhi aati k woh kon se lrkiyan hoti hain jo apni mohabat ka aitraaf kr laiti hain?? Mjy pta hai yeh sirf bus novels mein hi hota hai.. asal zindagi mein toh bus meri trha!!

Woh ab jaa chuka hai.. uss ne jaatay gkway apnay doston k saath selfie li thi... aur phir woh kamray se nikal gya.. mjh mein toh itni bhi himat nhi thi k mein uss ko rok sakti...

Bus yehi thi meri mohabat ki kahaani... mjy nhi pta k ab aagay kya ho ga?? Aik baat toh confirm hai k woh shakhs meray dil se kbhi nikal nhi skta...

Aap mjy btayain mein kya kroon?? Mjy kya krna chahiyay?? Ab mein kahaan jaoon gi??

Kya mene kuch galat kiya???

    -------☆☆☆☆☆☆☆☆☆☆-------