Kabanata 74

Pink Balloons

Hindi naman talaga sinabi ng maayos ni mommy at daddy na papayag na sila samin ni Wade. Hindi nila nilinaw sakin. Ang alam ko lang ay gusto ng planuhin ni daddy yung wedding.

Nakaraan ang ilang araw, nagbalik din sa dati ang buhay pamilya ko. Trabaho silang lahat, ako naman mejo nag lie low muna sa Fashion Week. May nag offer ulit na magazine sakin na ifeature yung works ko. Though I doubt it kung dahil ba iyon nagustuhan nila o dahil mainit akong topic ngayon.

Hindi ako hinahayaan ni Wade na lumabas sa bahay. Siya na mismo nag pupunta sa bahay araw-araw para bisitahin ako. Ayaw niyang may mangyaring tulad nung sa mall.

Nanonood ako ng TV habang hinihintay ang pag dating niya. Isang linggo na ang nakakalipas pero hindi parin naiaalis sa mga balita ang tungkol kay Wade at Shan. Unti-unti na ring pumapasok sa kokote ng media ang kasinungalingang bumabalot sa 'relasyon' nilang dalawa.

May isang special report pa na nag hahayag ng mga clues tungkol sa katotohanan. Ipinakita yung mga clips ng pag deny ni Wade noong kasagsagan pa lang ng pagsikat niya at ni Shan.

May eksena doong may pinag uusapan si Zac at si Wade, sabay silang tumawa, kaya nang lumapit ang reporter kay Wade at nag tanong tungkol sa relasyon ni Wade at Shan.

"Wala... Wala..." Umiiling si Wade at umiilag sa camera pero tumatawa parin.

May kumento din doon ang reporter na ganyan talaga sa showbiz, madalas yung mga totoong relasyon ay tinatago.

Doon nagsimula ang lahat. Tuwing iniinterview si Shan, hindi naman siya nagsisinungaling, pero panigurado namang blooming at palaging nakangiti at nakabalandra ang dimple niya pag kaharap ang camera.

"May relasyon ba kayo ng vocalist ng Going South na si Wade Rivas?"

Hindi siya agad sumagot. Nakangisi lang siya at nagningning ang mga mata niya. Taas baba ang microphone niya na para bang nag aalinlangang sumagot.

"No comment..." Tumawa siya.

Sa tagal niyang sumagot, yun lang din pala yung mapapala ng mga tao.

Hindi siya nagsinungaling pero di niya naman sinabi ang totoo.

Nung unang nakita si Zoey na papasok sa condo ni Wade kasama ang isang matangkad na lalaki, si Mr. Manzano at ang isang P.A, pinakitang si Zoey lang naman talaga ang nasa picture. Pagkatapos noon ay nagpakita si Shan sa publiko na may malaking black aviators. Hindi siya ngumingiti at palaging mukhang pula ang ilong niya.

Nang inintriga at tinanong kung anong nangyari...

"We're okay... we're okay..." Pero naiiyak siyang sumasagot.

Aburido si Wade kasi hindi siya mahilig magpainterview. Nang na interview siya sa The Buzz ng isang beses at tinanong kung anong meron sa kanila ni Shan ay diretsahan ang sagot niya.

"Hindi kami. Magkaibigan kami pero hindi kami." Yun ang sagot niya.

Pero makikita sa host ang pag aalinlangan at pagkukunwaring naniniwala sa sagot niya.

Nabuhay ang topic na ito dahil kahapon nag painterview si Shan.

"Ano ba talaga ang totoo?" Tanong ng host.

May itim na background sina Shan. Itim din ang soot niya, maging ang host ay nakaitim, parang namatayan lang.

Hindi nagsalita si Shan.

"May relasyon ba kayo ni Wade Rivas?"

Ilang sandali pa bago siya sumagot, "Ang alam ko lang tito Boy, mahal ko siya." Natigil pa siya para umiyak.

Napangiwi ako.

"Sino si Reina Carmela Elizalde?" Tanong sa kanya.

"Siya po yung ipinakilalang kaibigan ni Wade. Hindi ko naman alam na may nakaraan po sila. I was blind all along, tito Boy. Hindi ko po ineexpect."

"Ginamit ka ba ni Reina Elizalde?"

Pumikit si Shan at nakita ko ang pag tulo ng luha niya, "Hindi naman po. May talent siya. Tinulungan ko lang siyang makapasok. Yung talent niya ang nagdala sa kanya sa estadong yan."

"Anong masasabi mo sa pag quit ni Wade sa Going South?"

"Sayang po. Isa po siya sa pinaka magaling na artist na nakilala ko. Yung buong Going South po. Tingin ko, malaking kawalan siya. Hindi na mabubuo ulit yung Going South kung wala siya."

Napalunok ako. She's right!

"Anong masasabi mo sa WadeSha?"

Umiyak siya. Humagulhol bago nagsalita, "Maraming salamat sa suporta ninyo samin ni Wade. I really appreciate it. Kahit na wala ng WadeSha ngayon, sana patuloy niyo kaming suportahan sa kanya kanya naming career."

"Lastly, Shan... Ano ang iyong mensahe kay Wade... at kay Reina..."

Humagulhol ulit si Shan. Ipinakita sa buong interview ang pagbibigay pa ng tubig ng staff bago siya nakapagsalita ulit.

"Stay strong sa inyong dalawa. Pasensya na kayo kung naging hadlang ako. Hindi ko naman alam yun. I love Wade, so ipinapakita ko sa kanya iyon. Hindi ko naman alam na may naapakan pala akong tao all this time." Pumikit siya.

Natapos ang interview nang umiiyak si Shan at hindi na ulit nadugtungan ang sinabi niya.

Nakatunganga lang ako sa TV. Ang sumunod naman na clip ay ang mga nagwe-welgang fans ni Wade. Nagkaroon pa sila ng conference. Yung mga myembro sa iba't-ibang fan-org. Yung mga WadeShanatics, WadeShaNation, WadeShaForever, GoingSouthNation, GoingSouthers... at kung anu-ano pang nakakadugo ng ilong na mga ganyan ay nagkaroon ng prescon. Bumuo sila ng panibagong organization. Isa sa pinakamalaking fanbase so far dito sa Pilipinas. Yung GSShippers na nalalayon sa pagiging matatag ng bandang Going South kasama si Wade. Nagkaroon din ito ng sister group na ang pangalan ay Wadesters.

"Hindi ako nagsasarado ng pinto para kay Wade Rivas. Of course, it's always open for him. Pero kilala ko siya, this is his passion, pero alam ko ring mauuna sa listahan niya ang pagsecure sa relasyon nila ni Reina. Gaya ng sinabi niya sa statement niya, matagal niya na itong hinintay, nobody can ruin it for him. All we need to do is just support him. Kilalanin sana ng mga fans si Reina." Sabi sa ambush interview ni Mr. Manzano. "I've met her. Lagi kaming magkasama sa backstage. Mahinhin po iyon. Hindi gaanong nagsasalita kung hindi tinatanong. Mabait na bata, matulungin at hindi mo makikita sa aura niya na sobrang yaman nila. So I understand kung bakit baliw na baliw si Wade sa kanya. Madalang ang babaeng ganyan lalo na't mulat siya sa karangyaan."

Nakapikit ako at halos takpan na ang tainga dahil sa hiyang nadarama sa pinagsasabi ni Mr. Manzano.

Napatalon ako nang may pumulupot sa leeg ko. Marahan niyang pinahingalay ang braso niya sa balikat ko.

"What are you watching?" Malambing na tanong ni Wade.

"Local news?"

Kumunot ang noo niya, "Hindi ka naman gaanong nanonood ng TV, ah?"

Pinatay ko ang TV at hinarap siya.

"Halos lahat kasi ng topic tungkol satin."

Suminghap siya, "Wa'g mo ng panoorin. Mamaya basahin na naman diyan yung litanya at kumento ng mga mapanghusgang fans tungkol sayo. I don't want you hurt, Reina."

"Hindi naman."

Hindi ako masasaktan pa. Pakiramdam ko pinoprotektahan ako ng pagmamahal niya sa sakit na maaring madama ko dahil lang sa mga sinasabi ng fans. Ganun ka tindi ang pagmamahal ni Wade. Tagos hanggang kaluluwa ko. Magagawa akong protektahan laban sa sakit.

"Hey..." Untag niya.

Tinaas ko ang kilay ko.

"Labas tayo ngayon."

Unti-unti akong ngumisi. SA WAKAS! MAKAKALABAS NA AKO SA BAHAY!

"San tayo?" Nakangisi kong tanong.

"Hmmm. Kunin ko lang yung isang gitara ko sa Moon Records, tapos may kukunin din ako kay Hugo."

"O sige ba!"

Kahit saan pa yan... basta ang gusto ko lang ay lumabas at masinagan ng araw. LOL. Nasisinagan naman ako ng araw tuwing naglalakad ako sa garden at sa pool side ng bahay namin, kaya lang iba parin pag nasa labas ka na ng mga matataas na dingding ng bahay namin.

"Pagkatapos ay punta tayo sa condo ko. May sakit si Carmela..." He pouted.

Ngumuso ako sa pout niya.

Nilagay niya yung noo niya sa balikat ko. Tumindig ang balahibo ko.

"Bakit? A-Anong nangyari?" Nauutak kong tanong.

Nakakakiliti naman kasi kahit yung buhok niyang dumadapo lang sa balat ng leeg ko.

"Ayaw niyang kumain. Bumili na nga ako ng treats, baka sakaling kumain." Aniya.

"Baka naman in heat?" Sabi ko nang nakataas ang kilay.

Inangat niya ang ulo niya at kinunot ang noo.

"Sabi naman sayo ayaw ko siyang ipabreed diba?"

Hinampas ko ang balikat niya. Andito na naman tayo sa usaping ito. Inirapan ko siya. Kainis 'to Tumawa siya sa reaksyon ko at niyakap ako.

"Nasanay na akong pinagbabawalan siya kaya sa ngayon, hindi talaga pwede..."

Asus! Bumabawi sa yakap ang isang ito. Umirap ako at tumayo.

"Tayo na! Hindi na ako makapaghintay makalabas dito..." Hinila ko siya at nakita kong kinuha niya ang cellphone niya.

"Text ko muna si daddy." Ngumisi siya sakin.

Yes... Textmates sila ni daddy. Palagi pa siyang nagrereklamo kasi ang sagot lang daw ni daddy sa kanya ay isang malamig na, "K."

Umirap ako at patuloy parin siyang hinila palabas ng bahay namin. Mabilis kaming nakarating sa Moon Records. Hindi ako makapaniwalang may iilan paring mga fanatic ang nag we-welga sa labas.

"Shit!" Napamura si Wade nang may tumuro sa sasakyan niya.

"Hala! Patay! Benz nga pala gamit mo!"

Kilala kasi ang sasakyan na ito bilang sasakyan niya kaya kahit tinted, makikilala parin siya ng fans.

Kahit bawal magpaharurot ng sasakyan papasok sa parking lot, sinenyasan siya ng security guard na bilisan ang pagpapatakbo nang di maabutan ng fans. Iyon nga ang ginawa niya. Nakapasok kami sa parking lot bago nagkaroon ng barricade doon para hindi sila makapasok.

Suminghap si Wade at umiling. Pinagmasdan ko naman siya at hinanap ang traces na nagsisisi siya sa desisyon niya. Sinimangutan niya lang ako nang naabutang nakatitig ako.

"What?" Tanong niya pagkapasok namin sa Moon Records.

"Kawawa ang fans mo-"

"Kawawa ang fans o kawawa ka? Walang tanong, Reina. Ikaw lang yung sagot kaya wa'g mo na akong iconvince..." Malamig niyang sinabi sakin.

Kaya lang, hindi talaga maalis sakin ang mga fans na nagbibilad sa araw para lang maibalik si Wade sa Going South. Dumungaw ako sa bintana at nakita ko yung mga kulay pink na balloon sa labas. Ano yan? Pinanood kong mabuti ang mga fans na may hawak na pink balloons. Si Wade ay nasa loob pa ng studio para kunin yung guitar niya.

"Inabangan talaga nila si Wade para diyan."

Napatingin ako sa nagsasalita. Si Adam! Nandito pala ang mga miyembro ng Going South?! Nakita ko rin si Austin sa likod niya. Nakahalukipkip lang siya at pinanood ako.

"Adam... A-Austin..." Naramdaman kong gumapang ang guilt sa kalooblooban ko.

It was all my fault.

"I'm sorry..."

Umiling si Adam, "No, Reina. Kung ako nasa katayuan ni Wade... ibabash ang asawa ko at aawayin ng fans, I would probably quit. So I understand. It's the right thing to do."

Pareho silang nakatingin ngayon sa mga fans. Napatingin na rin ako sa baba, kung saan nandoon ang mga fans na may dalang pink balloons.

Binuksan ni Adam ang bintana. May isang fan na nakakita at tumili habang itinuturo kaming tatlo doon.

Tumakbo sila para tumapat at bahagyang lumapit sa bintana. Kahit na nasa ika tatlong palapag kami, malinaw kong narinig ang sinasabi nila.

"REINA! Please, tulungan mo kaming ibalik si Wade. Hindi naman lahat ng fans ang naging masama sayo... Kami... we love you... Mahal namin ang mahal ni Wade..."

May nakita akong humagulhol na isa. Nalaglag ang panga ko nang humagulhol ang halos lahat ng fans.

"Reina, please... please..."

Hindi ako makapaniwala. Hinding hindi pumapasok sa utak ko. Ganito ka passionate ang fans ni Wade sa kanya. Iniiyakan siya. Minamahal siya kahit may iba siyang mahal. It was too surreal, impossible, unrealistic, perfect...

May isang nakawalang balloon na agad namang inabot ni Adam at binasa ang nakasulat.

"We love Wade and Reina. Please come back." Iyon ang nakasulat sa balloon.

Dumungaw ako sa mga humahagulhol at may nakita akong fans na umiiyak at nginingitian ako.

"Ang ganda mo pala, Ms. Reina..."

Parang kinurot ang puso ko nang nakita kong bata pa ang nagsabi noon. Mukhang nasa elementarya pa yata.

"Kahit di na lang po siya bumalik, makausap lang namin kayo ng maayos at makapag apologize, ayos na samin..." Nabasag ang boses nung mas matanda bago humagulhol.

Wala akong nagawa doon kundi ang lumunok at panoorin silang marubdob na pinapahayag ang mga daing nila.

"Hindi na magbabago ang isip ni Wade. Nothing will change his mind..." Sabi ni Adam nang nakangiti. "Pakitaan man siya ng milyun-milyong fans na humahagulhol, hindi magbabago ang isip niya."

Umiling ako at tinitigan siya. Nabigla siya sa pag iling ko kaya hindi niya pinagpatuloy ang pagsasalita.

"Ako... Mababago ko ang isip niya."