Kabanata 60

Congratulations

Panay na lang ang pagiging busy ko sa paggawa ng gown ni Shan. Mabuti na lang at konting tahi na lang ay matatapos na ito. Buong araw ko iyong ginawa dahil alam ko namang wala si Wade. Simple lang din yung design kaya simpleng gawin. Yung mga cloth nga lang ay mejo mamahalin.

Naiirita din ako kina Liam dahil panay ang pagbabantay nila sakin. Kaya hindi na lang ako lumabas sa working room. Doon ko na lang ibinuhos yung buong araw ko.

"Ma'am, yung flowers po, kakarating lang." Sabi ng katulong namin.

Napatalon ako nang nakita ang mga flowers na galing kay Wade. Napalunok ako at halos matuyuan ng lalamunan dahil sa sinabi ng katulong.

"Manang..." Kinuha ko ang magagandang flowers at nilapag sa mesa sa tabi ko.

"Po?"

"Nasa baba pa ba sina Liam? O si Kuya Dash?"

Umiling siya, "Nagtatrabaho ang kuya Dash mo. Kaninang umaga pa umalis. Si Sir Noah at Sir Liam naman, umalis papunta daw ng Moon Records."

Bumuntong hininga ako. Thank God! Walang nakakita na may ibinigay si Wade na bulaklak sakin. Well, since hindi na counted si Rozen as epal saming dalawa.

Iniisip ko kung anong ginagawa ni Wade ngayon sa Cebu. Kumanta siya sa mall? At ano naman kayang talent ang ipapakita ni Shan? Ang alam ko, hosting at pag arte lang alam niya.

Binuksan ko ang TV. Hindi ako gaanong nanonood ng TV pero dahil masyado akong curious sa mga bali-balita lalo na yung sa showbiz, kinailangan kong manood.

Ilang sandali pa bago ako nakakita ng local showbiz news...

"Nakita, diumano, ang modelong si Zoey Santiago kagabi, papasok sa condo ni Wade Rivas."

Nilapit ko ang mukha ko sa TV. Ito yung nangyari kagabi! Nagkaroon pa ng clip doon na naka aviators si Shan habang iniilingan ang media.

"No comment, no comment..." Aniya sa mga pilit na nag iinterview sa kanya.

"Naiinis po kami sa Zoey na iyon. Alam niya namang may relasyon na yung tao, nanlalandi parin siya. Kawawa po si Shan." Sabi ng isang high school na babae nang ininterview sa TV.

"Hindi naapektuhan sa mga tsismis at panunuya si Zoey Santiago." Sabi ng reporter at ni-flash ang isang clip na nagpaparty si Zoey at nakangisi habang winawagayway yung engagement ring niya. "Ayaw ring magbigay ng komento ni Wade Rivas."

Nag flash sa screen ang mukha ni Wade na nakawayfarers papasok sa eroplano. Nakunan siguro ito kanina.

"Nag wawala na ang  Wade-Sha sa internet."

Nagflash din sa screen yung mga murang natanggap ng fanpage ni Zoey na pinamagatang - ZOEY SANTIAGO SULUTERANG ASWANG. Now, I'm not sure if that's a fan page! Hate page siguro?

Nakakatakot talaga yung mga nangyayari sa mga nakekealam sa relasyon lalo na pag showbiz. I mean, hindi naman nakekealam si Zoey pero yun ang lumabas sa tingin ng mga tao kaya ayan tuloy. Tsk. It's damn shizzy scary.

*Kriiiiiing*

Mabilis ang pagpintig ng puso ko nang nakita ko kung sino yung tumatawag. Pinatay ko agad yung TV para masagot ang tawag ni Wade.

"Ehe-Ehem..." Umubo ako para magising ang nanunuyong lalamunan ko.

Alas otso na pala, hindi ko namalayan. Kaya pala kumakalam ang sikmura ko. Ginugutom na yata.

"Hello?" Malambing ko yung sinagot.

Humalakhak si Wade nang narinig ang boses ko. Uminit tuloy ang pisngi ko.

"Hi, Reina."

Tumindig ang balahibo ko sa malamig niyang boses. Kinagat ko na lang ang labi ko. Miss ko na agad siya.

"Tapos na ba ang mall show?" Tanong ko para mapagtakpan ang kaba.

"Oo. Kanina pa. Marami nga lang nagpa autograph. I'm exhausted." Bumuntong hininga siya.

"K-Kumain ka na ba?" Tanong ko.

Hindi siya agad sumagot. May narinig pa akong kung ano sa background bago siya nagsalita ulit.

"Sorry, hinila ko lang yung kumot." Aniya.

Kumunot ang noo ko, "Nasa hotel ka na?"

"Hmmm. Oo. Umalis kasi sina Zac at Austin para mag bar. Si Adam nasa kabilang kwarto."

Hindi ko maiwasang hindi magtanong, "Si Shan?"

"Nasa kwarto din niya... Hmmm... Bakit?" Humalakhak siya.

"Just asking... Uh..." Gusto kong mag change topic kaya inulit ko yung tanong ko kanina, "Kumain ka na ba?"

"Hindi eh balak kong ikaw ang kainin ko."

Lintek! Uminit ang pisngi ko sa sinabi niya. Napapaypay ako sa sarili ko nang wala sa oras.

"Wade!"

Tumawa siya, "Ang tanong ay kung papayag kabang kainin ko?"

"WADE!" Napapikit na ako sa hiya sa mga sinasabi niya. "Wade naman!"

Humagalpak siya sa tawa. "Naiisip ko yung mukha mo twing sinasabi ko 'to? Priceless. Inaakit mo na naman ako, Reina."

"Wade naman! I'm serious, kumain ka na?"

He chuckled again, "Of course, kumain. Pero hindi yun ang gusto kong kainin..." His voice was husky this time.

And landi talaga ng lalaking ito. Perv Rivas!

"Ikaw? Kumain ka na?" Humalakhak ulit siya.

Kulay green talaga yata yung nananalaytay na dugo sa mga ugat nitong si Rivas.

"Hindi pa..." Tumayo ako para sana tumawag ng katulong at magpahatid na lang ng pagkain dito.

"Pwedeng ako naman kainin mo." Humagalpak ulit siya sa tawa.

"Ikaw talaga! Humanda ka pag balik mo dito. Kukutusan talaga kita!"

"Parang mas lalo tuloy akong naeexcite bumalik. Anong oras kaya ang last flight dito sa Cebu?"

Umirap ako, "Ewan ko sayo."

Gusto niya pa talagang kutusan ko siya ah? You like it hard, Wade? Halos masamid ako sa paglalakad ko nang naalala ko yung hard. Shiz!

Binuksan ko ang pintuan at sinenyasan ang katulong namin na magpapadala ako ng pagkain. Tumango siya at bumalik ako sa kinauupuan ko.

"Wade, sira na si Zoey sa internet. Ang daming bash dahil kagabi." Sabi ko.

"Hayaan mo. Hindi naman yun natitinag. At kung nagdurusa man siya, dapat niyang pagdusahan iyon. ISa siya sa dahilan kung bakit naghiwalay tayo noon."

Napalunok ako, "Si Rozen din... Parang nag iba na ang pananaw niya sayo... Sating dalawa..."

"Nakausap ko siya. He apoligized for what happened."

"Ha? Kailan?"

"3 years ago? Yung pagbalik niya galing France. Kinausap niya agad ako. But it was too late, damn too late."

Napalunok ako.

"Sino yan?" Sigaw ni Wade.

"May tao?" Tanong ko.

Hindi niya ako sinagot. Narinig kong binuksan niya ang pintuan.

"Wade!" Narinig ko ang boses ni Shan.

"Hey, bakit?" Pambungad ni Wade.

"I-I just want to visit."

Narinig ko ang pagsarado ng pintuan. Ibig sabihin, nakapasok si Shan sa kwarto ni Wade.

"You'll attract reporters, Shan. Magkakaroon ulit tayo ng issue."

"Who cares about the issues?" Maligayang tanong ni Shan. "Besides, ito naman talaga ang gusto ng fans. Yung issue na pumasok ako sa kwarto mo, diba? So let's just go with the flow..."

Natahimik si Wade.

"Wade?" Untag ko kahit alam kong baka malayo na ako sa tainga niya.

"Si Zoey ba yan?" Tanong ni Shan.

Ako ba yung tinutukoy niya? Kinagat ko ang labi ko para hindi niya na ako marinig. Hindi sumagot si Wade. Malamang naguguluhan yun ngayon kung sasabihin niya bang ako gayung ayaw ko o magsisinungaling siyang si Zoey ang kausap niya.

"Wade!? What's up with you and Zoey? Bakit palagi kayong nahuhuling magkasama? Alam kong ilang beses ko na itong naitanong sayo, diba? Pero ngayon kailangan kong itanong ulit."

"You're not my girlfriend, Shan. Don't act like you are." Galit na sagot ni Wade.

"Wade! Dahan-dahan naman!" Sabi ko kahit di naman talaga ako naririnig.

"Ang sakit mo talagang magsalita." Narinig kong basag ang boses ni Shan.

Narinig kong padabog na binuksan at sinarado ang pintuan ni Wade. Bumuntong-hininga siya bago nagsalita ulit sakin.

"Kainis." Aniya.

"Wade! You're being too harsh on her. Babae siya. At-At mukhang may gusto siya sayo-"

"Oh come on? Anong gusto mo, Reina? Paghahalikan ko siya kasi gusto niya ako?"

Natahimik ako sa sinabi niya.

"She deserves it... Ilang beses ko ng sinabi sa kanya na ideny niya ako in public, pero hindi niya ginagawa. Hindi naman ako laging naiinterview at lalong ayaw ni Mr. Manzano na magkaroon ako ng mga interviews tungkol sa lovelife at sa Wade-Sha dahil baka masira ko ang buong banda. It's all up to her. Pero aning ginagawa niya? Nilalagyan niya lang ng fertilizer yung utak ng mga taong baliw saming dalawa. I want you to come out, Reina."

"What? Wade... No... Siguro kalaunan. Pero not now... My gosh!"

Hindi ko kayang tignan yung mga bash ni Zoey sa internet. At ayaw ko ring maungkat ang private life ko. Baka mamaya pati yung mga nangyari noon ay maungkat. Alam mo naman yung media, kahit ano nauungkat talaga.

Pinilit ako ni Wade buong gabi na lumabas na as girlfriend niya pero hindi niya talaga ako nakumbinsi. Nakatulog na lang ang boyfriend ko, hindi niya parin ako nakukumbinsi sa sinasabi niya.

"Goodnight, Wade." Sabi ko habang naririnig ang mabibigat niyang paghinga.

Pagod na pagod siguro kaya nakatulog na. Bigla ko tuloy siyang na miss lalo.

Kinaumagahan, nilagyan ko ng kaonting sequins yung gown ni Shan at natapos ko na rin. Lumabas ako ng Working Room para hampasin ni Rozen ng dyaryo.

"What's this?" Tanong ko.

"What do you think?" Tanong niya habang ipinapakita sakin ang isang article na may picture na pumasok si Shan sa kwarto ni Wade.

"That's just nothing." Sabi ko sabay kibit-balikat.

Tumango siya, "Alam ko. I just want to check if you're being stubborn again."

WHAT? Pumihit siya at tinalikuran ako. Siya nga yung pumilit sakin noon sa pagiging STONEHEART, pero ngayon parang nasakin lahat ng kasalanan 4 years ago, ah?

"Reina!" Sigaw ni Liam nang nakita akong pababa sa hagdanan.

The whole Zeus is here... Kumpleto at nakangisi.

"Oh, ang sasaya niyo yata?"

Kumunot ang noo ko nang niyakap ako ni Liam at hinalikan sa noo. Bahagya ko siyang tinulak. Imbes na pagsabihan ko ay sinalubong niya ako ng balita.

"Tanggap kami para sa recording!" Aniya.

Humiyaw sina Warren at Joey sa sinabi ni Liam.

"Finally!"

Tumawa si Noah at umupo sa sofa.

"Congrats! Uy congrats sa inyo!" Sabi ko sa kanila, isa-isa.

"Party mamayang gabi?" Tumaas ang kilay ni Warren sakin.

Mamayang gabi babalik si Wade, ah.

"I'll try-"

"What try, Reina? Ano ka ba? Hindi ka ba happy na natanggap kami?" Nagtampo agad si Liam sa sagot ko.

"Of course, I'm happy. Pero may lakad kasi ako mamaya. Kami ni Coreen."

"Then, I'll invite Coreen." Sabi ni Noah.

PATAY!