Kabanata 32

Kalesa

"Kuya," Sabi ko sa driver.

Yung isa kasi ay tulog pa.

"Po?" Sumulyap siya sakin sa salamin.

"Pwedeng dito muna ako?" Tanong ko.

"Po? Bakit?"

"Gusto ko pong mamasyal dun." Sabay turo ko sa papalapit na plaza at soccer field.

Dito kasi kami nagkasundong magtagpo ni Wade.

"Anong oras po namin kayong susunduin? Tsaka, hindi ka pa nag aalmusal. Paano kung tumawag sina Sir sa resthouse-"

"Sabihin mo namasyal lang saglit."

"Pero, ma'am, hindi pa po ito Camino Real."

"Alam ko... I-I mean, pagkatapos nito Camino Real na naman, diba? Manong, itetext na lang kita kung magpapasundo ako. O di kaya ako na lang ang uuwi."

"Mas mabuti pong itext niyo na lang kami."

Tumango ako at agad niya namang itinigil ang sasakyan sa tapat ng soccerfield.

Tumindig ang balahibo ko nang nakita kong may mga naglalaro. Grupo iyon ng mga lalaking malamang ay taga rito. May nakita nga akong tatlo sa kanila na nakatopless. Ganito ba talaga sa probinsyang ito?

"Ma'am, hindi ka ba lowbat?"

Umiling ako ng wala sa sarili sa driver namin.

Dahan-dahan kong binuksan ang pintuan. Ang sarap ng feeling na nakaapak ka ulit sa lupa pagkatapos ng 9 hours na byahe.

Nakatingin ako sa mga naglalaro nang biglang may tumili sa pagkaka goal ng isa.

"AAAAAAAAGH! WADE! ARGHHH" Seriously, hindi yun tili, ungol yun.

Sumimangot ako at tinignan kung sino yung mga tumili. Nalaglag ang panga ko nang nakita kong isang batalyon lang naman ng babae na halos maiyak sa pagkakagoal ni Wade. Hindi ko pa mahanap si Wade, pero ngayong sigurado akong nandito siya, natoon ang pansin ko sa dose-dosenang fanatics niya.

Yung iba my dala pang banner. What's with Wade Rivas and banners? Ganun ba talaga ka baliw ang mga tao sa kanya?

"WADE RIVAAAAAAAS!"

"KYAAAA! GO WADE!"

"OMG! NAKATINGIN SATIN! OMG!" Ayan! Nagkasabunutan na sila sa sobrang kilig.

Napatingin ako sa tinitignan nilang si Wade. Naabutan ko siyang nakatitig sakin at napaawang ang bibig. Mejo hinihingal pa siya at napag iwanan na ng bola at ng ibang players. Tumayo lang siya dun at naliligo ng pawis dahil sa paglalaro ng soccer.

Dahan-dahan niyang pinunasan ang pawis niya gamit ang tip ng t-shirt niya na siyang dahilan kung bakit umalingawngaw ang tili ng mga babaeng nasa gilid.

Napapikit ako habang pinupunasan niya ang pawis niya. Kitang kita kasi ang heat-inducing abs niya. Pawis na pawis pa ito at mas lalong nag fi-flex dahil sa mabilis niyang paghinga.

"WADE!"

Dumilat ako at naabutan siyang dinudumog ng mga babae. Nakalapit na pala siya ng konti sakin pero hindi siya nakapagpatuloy sa paglalakad dahil sa mga babaeng yun. Kay aga-aga ang iiksi na ng shorts at naka tube lang.

"Wade! Mamaya ah?" Malambing na boses ng isa sa pinakamatangkad na babae.

Kumunot ang noo ko nang nakita kong hinaplos ng babaeng iyon ang braso ni Wade. Napalunok si Wade nang nakitang nakatingin ako at agad umatras sa kanila.

"Wade... pupunta ka bang farm mamaya?" Tanong ng isa pa.

Nakita kong hinaplos ang pisngi niya ng babaeng iyon. Nakita ko rin ang pagtalon niya sa ginawa ng babae.

"Wade, bakit? Wala ka bang gana ngayon?"

Nanlaki ang mga mata ko. Hindi kaya halos lahat ng mga babaeng ito ay nakatikim na kay Wade?

Kinagat ko ang labi ko at yumuko. Tinignan ko sila isa-isa. Makikinis, magaganda, may mga mukhang mayaman. Kung nandito si Zoey, sasali siguro iyon dito! Grupo ng mga babaeng naka one night stand ni Wade? OMG!

Napalunok ako ng mga halos sampung beses bago tumalikod sa kanila. Umuurong yung sikmura ko sa mga iniisip ko. Hindi ko alam kung natanggao ko na ba ang parteng iyon sa kanya. Na marami siyang naging babae. Alam kong hindi niya naman minahal ang mga iyon pero sa ngayon, hindi ako sigurado kung alin yung mas mabuti, yung marami siyang babae o may isa siyang minahal ng sobra (at naging loyal dito) bago ako. Hindi ako fan ng mga playboys. Nacurious ako sa kanya dahil buong akala ko ay mahal niya ng tunay si Zoey, pero nawindang at halos mandiri ako nang nalaman kong ibang klaseng ugnayan pala ang meron sila.

Umiling ako at tinalikuran sila.

"Reina!" Pabiglang sigaw ni Wade sa kalagitnaan ng mga pagsasalita ng mga babae.

Hindi ako agad lumingon.

"REINA!" Sigaw niya ulit.

Nararamdaman kong papalapit na siya sakin kaya nilingon ko na siya. Natahimik ang mga babaeng kumakausap sa kanya kanina. May nakita pa akong umiirap at nagtataray habang tinigtignan akong nilalapitan ni Wade.

Tumigil siya sa paghahabol sakin nang hinarap ko na siya. Hinihingal pa siya at kitang-kita ko ang kaba sa mukha niya.

"A-Ang dami mo palang fans dito." Sabi ko nang di makatingin sa kanya.

"Uhmm..."

Tinignan niya ang kamay niya saka pinunasan ng kanyang jersey bago nilahad sakin.

"Punta tayo sa bahay, Reina."

Nagbulung-bulungan ang mga babae sa likod. May nakita akong nanlaki ang mga mata at ni head-to-foot ako.

"Sino ba siya?" Bulung-bulungan nila.

Kinabahan agad ako. Sa mga mukha nila kasi parang kaya nilang sabununtan ang kahit sino mang sumira sa mga kani-kanilang relasyon kay Wade.

"Wade, pare, ano? maglalaro ka pa ba?" Tanong ng isang nakajersey din at nakapamaywang habang pinagmamasdan si Wade.

Umiling si Wade at ngumisi.

"Ayos na ako, pre. Tapos na ang warm up ko."

Tumaas ang leeg nung lalaki at tinignan akong mabuti, "Sino yan?"

Nihead-to-foot din ako ng lalaki.

"Maganda at makinis ah? Tsaka mukhang di taga rito!" Sumipol siya at pinasadahan ulit ng tingin ang buong katawan ko. "Pakilala mo naman ako."

Nakita kong unti-unting kumunot ang noo ni Wade. Pumula ang pisngi niya at ngumiti ng napaka plastik sa kaibigan niya.

"Sa totoo lang, pre, kakatapos ko lang mag warm up kasi ito naman pagkakaabalahan ko."

Uminit ang pisngi ko sa sinabi ni Wade sa kaibigan niya. Bakit parang iba na naman ang ibig sabihin nun?

"Weh? Pero alam mo na-"

"Hindi. Akin siya. Humanap ka ng sayo." Mabilis na sinabi ni Wade tsaka ako hinila.

"Tayo na nga!" Badtrip na sinabi niya sakin.

Hinigit niya ako kahit marami pang tumatawag ng pangalan niya. Nilingon ko yung mga tumatawag...

"Wade, tinatawag ka nung mga babae. Tsaka may isa pang lalaking tumatawag sayo-"

Tumigil siya at hinarap ako. Kitang-kita ko ang galit sa mga mata niya. Hindi ko alam. Hindi ako sigurado kung ito ba ang unang pagkakataong nakita ko siyang ganito ka galit.

"Wa'g mong nililingon sila, Reina!"

"B-Bakit?" Napaatras ako sa sigaw niya.

Ginulo niya ang basang buhok niya, "Baka mapansin ka nila! Hindi lang ako yung may itsura dun, Reina. Pag makita mo sila isa-isa at makilala, paano kung magustuhan mo rin sila?"

Pulang-pula ang pisngi niya at maging ang tainga niya.

"Talaga? Eh bukambibig ka naman ng mga babaeng yun. Ikaw ang pinakagwapo dun-"

"That's not my point, Reina! UGH!" Pinasadahan niya ng kanyang mga palad ang buhok niya.

Kumunot ang noo ko, "Ano bang punto mo bakit inis na inis ka? Tinignan ko lang naman kasi tinatawag ka nila."

"Baguhan!" Umirap siya at tinalikuran ako.

Tumaas ang isang kilay ko. Ano bang problema nito? Madalas siyang masungit pero ngayon talaga wala akong maisip na dahilan kung bakit nagsusungit siya. Tuwing na fu-frustrate lang naman siya nagsusungit. Frustrated din siya ngayon, yun nga lang, hindi ako sigurado kung bakit.

"Ugh! Reina!" Nilingon niya ako at nakitang hindi parin natitinag sa kinatatayuan ko.

Binalikan niya ako at hinigit ulit. Ilang sandaling paglalakad namin ay may makakasalubong kaming nakangising mga lalaki.

"Ay puta. Kung siniswerte nga naman." Bulong ni Wade sa sarili niya.

Hinuli ko ang tingin niya at sinimangutan.

"Bakit?"

Suminghap siya at hinigit ulit ako palayo sa mga makakasalubong namin.

"WADE, SAAN KA PRE! UY! CHICKS!"

Pinalibutan na agad kami ng pitong mga pawis na pawis na lalaki. Mukhang kaka laro lang din ng soccer ng mga ito.

"Bago? Sino yan?"

"Uy, masyado ka naman, Wade. Sayo na lahat. Hi, Miss! Ako nga pala si Ethan." Sabay lahad ng kamay ng lalaking pinakamatangkad.

Abot tainga ang ngiti niya sakin.

"Uhm..." Nahihiya akong ngumiti.

Binitiwan ko ang kamay ni Wade para makipagshake hands sa lalaking yun.

"Uy! Ako nga pala si Rafael." Sabi nung isang moreno.

Silang lahat ay nagpakilala at nakipagkamayan sakin. May isa pa sa kanilang inamoy ang kamay ko. Sumulyap ako nang nakangiti kay Wade. Gusto kong ipakita sa kanya na kaya kong makipagkaibigan sa mga kaibigan niya. Kaya lang, nakita kong nakatingin siya sa kawalan habang nakikipagkamayan ako sa huling lalaki.

"Mga gago, wa'g niyo akong mapare-pare! Girlfriend ko yan!" Sigaw ni Wade sabay marahas na bawi sa kamay ko.

Natigilan ang mga lalaki. Bago pa sila makapagreact ay umalis na kami ni Wade dahil panay ang hila niya sakin.

"Baguhan talaga, nakakainis, nagawa pang makipag kamayan sa ibang lalaki. Nakangiti pa-"

"Wade? Sinong kausap mo?"

"Wala! Lecheng buhay. Minsan na nga lang ako magkagusto, sa baguhan pa."

"HUH? Ako ba ang pinariringgan mo?"

Aray ku po! Muntik pa akong madapa sa bilis ng higit ni Wade sakin.

"Uy, Wade! Dahan-dahan naman!" Sabi ko.

"Ikaw magdahan-dahan diyan, Reina! Alam mo ba ang ibig sabihin ng mag girlfriend at boyfriend?"

Kumunot ang noo ko, "Oo naman."

Tumigil kami sa isang waiting shed. Humalukipkip siya at hinarap ako.

"Sige nga, Reina. Ano?"

Masyadong intense ang titig niya. Para bang curious na curious siya sa mga isasagot ko kaya nag isip akong mabuti at nag iwas ng tingin sa kanya.

"Uhm... Nagmamahalan kayong dalawa?"

"Ano pa? Bakit kailangang isa lang ang boyfriend mo?"

Mas lalong kumunot ang noo ko at ngayon ay tinignan na siya, "Syempre, isa lang dapat ang mahal mo?"

His jaw clenched, "Ngayon, pwede bang hawakan mo ang kamay ng mga taong di mo mahal?"

"Huh? Syempre, hindi diba-"

"KUNG GANUN BAKIT MO HINAWAKAN ANG KAMAY NILA? Reina, dahil boyfriend mo na ako, ako lang dapat. Ayokong nakikita kang nag eentertain ng ibang lalaki! Alam mo bang hindi pwede yun sa relasyon?"

"Bakit? I mean... kaibigan lang naman."

"Mukha ba silang nakikipag kaibigan? Hindi diba? Kita mo yung mga titig nila?" Galit na galit siya na para bang ang laki laki ng kasalanan ko.

"Sus, ito naman." Sabi ko. "OA mo naman. Pwede naman yun-"

"Hindi yun pwede sakin, Reina." Seryosong sinabi niya.

"Ang seloso mo naman. Siguro kasi nakikita mo ang sarili mo sa kanila no?"

Nakita kong pumula ang pisngi niya.

"Oo! Seloso na kung seloso. Hindi ka pwedeng lumapit sa kahit sinong ayaw ko. Shit! Ang hirap palang bakuran ka."

Hinila niya ang baywang ko at hinalikan ako ng pasubali sa open space, open area, sa harap ng mga tao sa kabilang kalsada, at sa harap ng mga tricycle na dumadaan.

"Uy! Wade! Totohanan na ba yan?" May tumawa sa kabilang kanto.

Nahihiya ako pero dahil nakakalasing ang halik niya at ang paghila niya sa baywang ko, nadala ako. Kaya lang, agad niyang tinapos ang halikan namin at hinila ako sa likod niya.

"Wade?" Shiz, gusto ko pa.

Napaawang ang bibig ko at tiningala siya.

"Bullshit! Ni ayaw kong may nakakakitang humahalik ka... Pero langya gusto kong halikan ka ngayon na!"

Nagmadali siyang pumara ng tricycle.

"Manong, sa kabilang daanan samin."

Hinila niya agad ako papasok ng tricycle. Tumango ang driver.

"Wade, bakit ba mukhang ang laki-laki ng problema mo?" Sabi ko.

Tinitigan niya ako. Walang nagpapakitang dimple dahil hindi siya ngumingiti o nagsasalita. But, damn it, he looked so damn good. Paano niya nagagawang magselos ngayon kahit sino naman siguro hindi siya kayang ipagpalit.

Maaring naiiisip niya yung sarili niya sakin. Kaya niyang ipagpalit ang kahit sinong babae noon, at tingin niya kaya ko siyang ipagpalit kahit kanino. Ako nga dapat yung kabahan dito kasi playboy siya noon pero bakit mukha siyang mas naiinsecure pa kesa sakin?

"Ang problema ko dito ay baliw na baliw na ako sayo... Sa sobrang kabaliwan ko, na ha-highblood ako tuwing nakikita kang ngumingiti man lang sa ibang lalaki. UGH! Ano ba 'to!" Ginulo niya ang buhok niya.

Ngumisi ako. Hindi ko maipaliwanag ang init na naramdaman ng puso ko. Kahit na babadtrip siya, hindi ko talaga maipaliwanag kung bakit ang saya ko.

Ilang sandali ang nakalipas ay...

"Andito na tayo." Masungit niyang sinabi nang nakita ko ang isang malawak na ricefield at mga kakahuyan.

"Saan ang inyo?" Tumaas ang kilay ko.

Ngumisi siya at itinuro ang isang kalabaw na nakatali sa isang KALESA?