Kabanata 18

Niyayanig

Nanliit ang mga mata ni Coreen at tinignan ako head-to-foot. Naconscious ako kaya nilagay ko ang bangs ko sa likod ng tainga at yumuko.

"Pang ilang session mo na sa derma? Sinunod mo ba talaga lahat ng sinabi dun?"

"B-Bakit? Wala bang pagbabago?" Tanong ko.

"Are you crazy? Bibigyan ko ng jacket, trophy at CD yung dermatologist mo! My God!"

"Ah..." Nahiya naman ako sa sinabi niya. "Naisipan ko rin kasing mag ayos sa damit-"

"After 19 years... ngayon mo lang naisipang mag ayos? As in?"

Mas lalo pang lumiit ang mga mata niya at tinitigan ang mga labi ko.

"Lipstick?" Tinulak ko siya sa kahihiyan.

"Hindi. Light lang naman."

Nag evil-smile siya. "Ibang klase talaga ang nagagawa ng pagiging in love, ano? Naaalala ko pa noong nainlove ako kay Noah. Grade 7 pa yata tayo nun. Kaya maaga akong nahinog. Jusko dahil sa kapatid mong hanggang ngayon ay di parin ako pinapansin."

"Kilala mo naman yun. Wala sa utak nun ang pag gi-girlfriend."

Hindi nagpakita ng ekspresyon si Coreen sakin. Inexamin niya na lang ang mukha ko na para bang ang laki ng pinagbago.

"Grabe, Reina." Kinulong niya ang pisngi ko sa kanyang mga palad. "Pimpless! Halos madulas pati lamok dito. Ang kintab at ang smooth."

Tinulak ko siya palayo. Masyado na akong pinupuri nito. Nakakaconscious tuloy.

"So, siguro naman sa attire mong yan talagang sasama ka mamaya sa party?" Tanong ni Coreen.

Ang alam ko kasi, magkakaroon ng victory party sina Noah dahil mas maaga pa ang pagkakaroon nila ng album. Kung noon ay next year, ang sabi ng record label sa kanila ay gagawing late this year. Ibig sabihin, malapit na silang sumikat. Malapit na silang ipatugtog sa MTV o sa MYX. Malapit na silang magkaroon ng mga music video.

"Hindi ako sigurado, Coreen. Uuwi ako ng bahay."

"Diba ilang araw ng nasa Camino Real ang parents mo? Tsaka si Noah at Rozen ay parehong pupunta."

"Kaya nga... Pagbabawalan ako ni Rozen-"

"Hindi ka na niya pagbabawalan. I told him to stay away from your life, Reina."

"WHAT?"

Nagkibit-balikat siya, "Masyado siyang pakealamero. I know he's over protective. Mahal ka lang niya at ayaw niyang mapahamak ka. Pero come on, matalino ka at alam mo kung ano ang ginagawa mo. Wade isn't the bad type, either. Hindi nga siya mayaman, pero anong problema dun diba? Hindi pa naman kayo magpapakasal?"

Kumabog ang dibdib ko nang narinig ko ang sinabi mo Coreen. Magpapakasal talaga? Naiisip ko tuloy na nag luluto ako sa bahay habang nasa kama pa si Wade. At pagkagising niya ay yayakapin niya ako galing sa likuran habang topless siya. SHT!

"Huy, Reina? Reina?" Kinalabit ako ni Coreen.

"Ah?" Nabigla ako.

SHT NA BUHAY! Ano ba itong pinag iisip ko?

"I'm fine!" Guilty kong sinabi.

"Huh?" Hindi na ako yung tinitignan ni Coreen. Nakatitig na siya sa likod ko at wala na sa sarili.

"Coreen?"

Napalingon ako at nakita ko kung sino ang paparating. Oo nga pala, wala ng ibang makakapag palundag sa puso nito kundi ang kapatid kong si Noah. Yun nga lang, hindi lang yung puso niya ang lumulundag, pati din yung akin. Slow motion na humahakbang si Wade habang kinakausap ang dalawang babae. SERIOUSLY! Maganda na sanang tignan ang paghakbang niya, kung sana wala na yung kinakausap niya yung dalawang babae. Hindi ko tuloy malimutan ang pagiging playboy niya.

"Hindi ko alam kung alin yung mas okay, yung hindi ka pinapansin sa sobrang kasupladuhan o yung pinapansin ka nga pero ganun naman ang trato niya sa lahat ng babae." Sabi ko sa stunned na si Coreen.

"Reina!" Bati ni Joey sakin nang nakarating na sila malapit samin ni Coreen.

Siniko ko si Coreen. Baka mapaghalataan na naman ito ni Noah. Mabuti at natauhan din at binalingan ako.

"Hi!" Ngumisi ako kay Joey.

Naagaw ko yata ang atensyon ni Wade. Nakita niya ako nang nag 'hi' ako kay Joey.

"Ito nga pala yung mga secretary ng taga record label." Sabay turo niya sa dalawang nakapalibot kay Wade. "Si Mimi at Karla."

Tumango ako pero kay Wade ako nakatingin.

"Hi, Reina!" Naglahad ng kamay ang isa sa mga babae.

"Hello!" Tinanggap ko ang kamay niya.

"Kapatid ka ni Noah, diba?"

Tumango ako at tinignan si Noah na nahuhumaling parin sa pakikipag usap kay Warren at sa manager na kinuha nila.

"So ano, sasama ka ba mamaya sa party?" Nagngisihan ang dalawang babae.

"Sasama, bakit?" Sabat ni Coreen.

Sabay na nagkunutan ang mga noo ni Mimi at Karla. Inirapan ko si Coreen pero kinindatan niya ako.

"Wala lang." Bumaling si Mimi kay Coreen at pabalik ulit sakin, "First time mo bang mag bar?"

"Hindi. Nung 18th birthday ko, sa bar ang after party."

Tumango si Mimi. "Ito kasing si Wade, first time niya. Akalain mo yun?" Tumawa siya.

"That's normal, Mimi. Hindi naman kasi siya laking Maynila." Sabi ni Joey nang nakangiti kay Wade.

Nakangiti si Joey na para bang may ipinapahiwatig. Nanliit ang mga mata ko at inabangan ang sasabihin ni Wade kay Mimi. PLAYBOY! Once a playboy always a playboy!

Napalunok si Wade at tinignan ako.

"Hindi naman kailangang pumunta." Simpleng sinabi ni Wade.

"HUH? Bakit? Diba curious ka kung anong meron sa bar? Edi eto na nga! Mamaya! Tsaka para sa inyo naman itong party, dapat kang pumunta."

"Oo nga naman, Wade." Sabi ko pagkatapos magsalita ni Mimi.

"Sayang naman." Sabi ni Karla. "Don't tell me, di ka umiinom?"

"Umiinom pero hindi naman ako alcoholic-"

"See? Hindi naman siya ganun ka inosente-"

"INOSENTE?" Nahiya agad ako sa tono at pasigaw na boses ko.

GAHD, Inosente? Kahit 1%, hindi ko siya matatawag na inosente. Kahit hindi pa siya nakakapunta sa bar, alam kong hinding-hindi siya magiging inosente sa paningin ko.

Pinasadahan nila ako ng weird looks.

"I... I mean... umiinom siya, kaya talagang di siya inosente."

"Sige na, Wade Sexy Rivas! Sumama ka na!" Sabay kapit ni Karla sa braso ni Wade.

Agad lumipad ang titig ni Wade sa mga mata ko. Nanliit ang mga mata ko sa nakita ko. Playboy talaga! Tsk.

"Reina, tulungan mo naman kaming i-convince si Wade na sumama, oh. Para sa banda nila ito. At nakakapanghinayang naman kung yung mismong vocalist ay di sasama, diba?"

Ako pa talaga ang coconvince, huh? Durugin ko yung pagmumukha niyo diyan, eh!

"Sasama lang ako pag sasama si Reina." Biglang sinabi ni Wade.

Agad napatingin si Joey kay Noah na hanggang ngayon ay seryoso paring nakikipag usap sa manager at wala paring naririnig. Natahimik naman si Karla at Mimi sa sinabi ni Wade.

Kaya gaya ng sinabi ni Coreen, sumama ako sa bar. Wala rin naman akong gagawin. Sumama din si Coreen dahil panata niyang suportahan si Noah sa kahit anong desisyon nito.

"Asan na kaya si Noah?" Tanong ni Coreen nang nakarating na kami sa bar.

Kanina pa raw dumating sina Noah. Nakita ko iyon kanina, at hanggang ngayon ay nag uusap parin sila ni Warren at nung manager nila. Yun nga lang, nang ibinalik ko yung tingin ko sa table nila ay nawala na silang tatlo.

"Ewan ko." Sabi ko kay Coreen.

Nasa kabilang table kami ni Coreen. Kaming dalawa lang. Puno ang bar ng mga fans nina Noah. Dinumog sila kanina dun sa table nila, kaya siguro umalis. Ngayon, ang tanging natitira ay si Joey at Wade. Si Joey ay may isang babae lang, habang si Wade at pinapalibutan ng babae. Bumubulong-bulong pa sa tainga niya ang mga ito. Mukha pa siyang nininerbyos habang sinusulyapan akong nakatitig na parang lawin sa kanya.

"Hahanapin ko lang. Dito ka muna." Aniya at naramdaman kong umalis na siya.

Pang labinglimang inom niya na ang huling nilagok niya. Aniya'y hindi siya umiinom pero bakit Bacardi ang tinatagay niya? I know, it's Noah's choice. Pero kung tunay ngang di siya umiinom, by now, patay na siya sa kalasingan.

"Let's dance, Wade!" Tumayo ang isang babae at hinawakan ang kamay ni Wade.

Sumulyap siya sakin. Ayaw niyang tumayo pero hinila siya ng mga babae.

PLAYBOY TALAGA! Naku! PLAYBOY PLAYBOY PLAYBOY! WOMANIZER!

Ininom ko yung juice na nakahain sa table ko habang nakatitig parin sa kanya.

"Ah, Hindi na." Aniya sa mga babae.

Pero sa sobrang dami ng babaeng nakapaligid sa kanya, hindi niya na nakayang tanggihan. Tinutulak siya ng iba at hinihila naman siya ng mga malalanding babaeng iyon. Kasama niya pa si Mimi at Karla, ah? Mukhang galit pa ang dalawa kasi hindi nila tuluyang na solo si Wade sa bar. Ano pa bang inaasahan ng mga ito? Syempre, di nila masosolo kasi maraming fans ang narito. Alam naman nating lahat na nung isang araw pa lang sila sabik sa atensyon ni Wade.

"Let's get him drunk..." May narinig akong mga nakamini skirt na babaeng may hawak na mga shots.

Sinundan ko sila ng tingin. Papunta silang dancefloor kung saan naroon na si Wade at pinapalibutan ng mga babae. Binigyan nila si Wade nung shots na dala nila. Nakita kong ininom ni Wade yung limang shots, straight. Shiz?! Tumatawa na siya at mapupungay ang mga mata.

Ilang sandali pa ay nakita kong nasa katawan niya na ang mga palad ng babaeng sumasayaw sa kanya. For heaven's sake, halos magkalasug-lasog na naman ang t-shirt niya dahil sa pag-aagawan nung mga babae.

Tumayo ako para tignan siya. Nakapikit na siya habang isinasayaw lahat ng babae sa paligid niya. OH MY SHIZ!

Hindi na ako nag-isip. Agad na akong sumugod sa gitna ng dancefloor at hinila si Wade. Hinigit ko siya at first time kong pinagtulakan halos lahat ng taong nagsasayawan na nakaharang sa daanan.

"What the hell?" Sigaw nung isang babae.

"EXCUSE ME!" Pasigaw kong sinabi.

Maingay na at halos matakpan na ng usok ang bar. Mabigat ang kamay ni Wade. He's drunk!

Nagmartsa na ako kasama si Wade palabas ng bar. Hindi na ako nagpaliguy-ligoy pa, tinuluytuloy ko na ang pagmamartsa at paghigit sa kanya papuntang parking lot.

"WADE RIVAS!" Hinarap ko siya nang nakarating kami sa sasakyan ko.

Laking gulat ko nang nakita kong nakangisi siya at pulang-pula ang pisngi. Sumandal siya sa sasakyan ko at patuloy sa pagtawa.

Napakurap-kurap ako sa reaksyon niya.

"HOY! Taga bukid ka! Kung alam mong di mo na kaya, pwede namang tumanggi sa mga shots! Hindi yung lagok ka nang lagok! For God's sake..." Umiling ako. "Sumusobra ka na, ah?"

Mapupungay ang mga mata niya nang tinignan ako.

"Bakit, Reina? Ayaw mo bang may nakahawak saking iba?"

Nanlaki ang mga mata ko sa tanong niya.

Confirmed. He's really drunk! Ewan ko pero diretso siya kung makatanong kung galit siya sa tao... pero simula nung naging okay na kami, naiilang na siyang magtanong o mag yabang sakin. Pero ngayon... diretso niyang naibulalas ang mayabang na tanong niya.

"Hindi no!" Napaatras ako. "Wala akong p-pakealam kung sinong humawak sayo... Yung ayaw ko lang a-ay pinaglalaruan ka ng iba. They're trying to get you drunk, Wade."

"Hindi, Reina. Ayaw mong may kasama akong iba."

Kumabog ang puso ko. God damn it! He's drunk. He's a playboy. He's both. This is dangerous. Manhole ito na kailangan kong iwasan. Deep excavation na may malaking karatula. Pero bakit patuloy ako sa paglalakad? Hindi ko man lang iniiwasan?

"Aminin mo, Reina. Please... Aminin mo." Humakbang siya papalapit sakin.

Naramdaman ko agad ang init ng katawan niya. Siguro naging mas mainit yung aura niya dahil sa alak. Nakita ko ring mejo na out-balance na siya sa paglalakad.

"Okay fine, Wade Rivas. Useless namang ideny kasi alam mo namang gusto kita. Oo, ayaw kong may nakapaligid na babae s-sayo." Anyway, he's drunk. He won't remember this. "Oo, ayaw kong may nakahawak sayong iba."

Nanlaki ang mga mata niya at nag-iwas agad ng tingin sakin. Tinakpan niya ng palad ang mukha niya at tinalikuran ko.

"Langya, para talaga akong niyayanig pag sinasabi mo yan. Shit!" Bulong niya sa sarili saka napahawak sa dibdib.

Unti-unting nanlaki ang mga mata ko. Hinabol ko ang tingin niya. Hinarap ko siya pero nag iwas siya ng tingin.

"Wade? You're drunk."