Bhains hoti hai kali kyu

Ghaas hoti hai hari kyu

Khaati hai jab ghaas hari,

Toh doodh deti hai safed kyu

Atpate ho ya ho samjhdari vale,

Vo puchti jaati thi sawaal pe sawaal

Lekin sawaalo ki lagati thi jo jhadi

Ab najaane rehti hai vo chup-chup kyu

Har pal najaane kya darr sataata hai

Na jaane kis baat se jee ghabraata hai

Shayad karliya hai sabne samjhota

Shayad isiliye nhi puchta koi ki 'akhir kyu?'

Sawaal puchna gunah nhi,

Phir kyu sochna koi kya sochega

Jo puchte hain, vohi seekhte hain,

Dil ko, dimag ko ye batlana hoga

Sawaal karne se darna nhi,

Chahe kitna hi kyu na ho chota voh

Koi hansta hai toh hansta rahe,

Hum uski karein itni parvah kyu?

Kaid hai jis darr ki zanjeero mein,

Un zanjeero ko todna hoga

Jis aakaash mein udhne k liye bani thi vo,

Uske liye phir khayalo ko aazaad karna hoga