Bheeni si ek khushboo liye,

Vo aayi jab kareeb unke

Ankho mein unki jo chamak thi,

Vo kabhi apne liye na dekhi maine

Haath lagaate hi usko,

Chehre pe halki si ek muskaan chhayi

Itna harsh, itna sukoon

Shayad kabhi mai bhi unko na dila paayi

Rangat uski thi maano jaaduyi,

Ki unki aankhe us par hi tiki thi.

Pal bhar mein jagah jo usne banayi,

Vo shayad main bhi na bana payi thi.

Dekhte hi dekhte aayi vo kareeb itni

Ki hothon se doori baki thi kuch hi pal ki

Tab uthi ek khwaish dil mein

Ki kaash vo chai ki pehli chuski main hoti..!

Kareeb unke is kadar main hoti,

Kaash vo chai ki chuski main hoti..!