Beete huye kal se pare,
Aane vaale kal se bin dare,
Aao thaam lo tum ye haath mera..

Na jaane kab tak ho saath humara,
Pal do pal, ya umar bhar chalega ye fasana
Chahta hu bas haath thaamna tumhara

Kal ki fikar mein kyu kare barbaad aaj humara,
Aaj hi jeevan bhar ka pyaar lutaaunga saara
Aao, thaam lo tum ye haath mera.

Nhi karta main sang jeene marne ke vaade,
Na hi karunga main tumse shikayatein
Chahta hu toh bas haath thaamna tumhara

Kal na bhi hui saath tum mere,
Toh bhi yaadein hongi sang mere
Aao, thaam lo tum haath mera..

Bin bandhe rasmo-rivaazo ke dhaage mein,
Bin khoye 'log kya kahenge' ke vicharo mein,
Aao, thaam lo tum aj ye haath mera..

Jeevan bhar ka pyaar lutaaunga saara,
Bas ek bar, thaam lo tum haath mera..