Baithe baithe tanha, akele,
Dil mein uthi ek kasak
Chaaha jab maine saath kisi ka,
Toh haath thaamne aayi kalam

Safed panne jaise meri zindagi,
Bikharne lage naye rang
Jaagi dil mein ek aas nayi
Kalam jo thi ab mere sang

Dikhne lage khwaab naye,
Mili soch ko aazaadi
Kal tak thi sunsaan jo,
Ab mahek uthi vichaaro ki vaadi

Mujhe dikhlaayi raah nayi,
Karayi shabdo se bhi yaari
Kal tak thi mai jisse anjaan,
Vo kalam ab hai dost pyaari pyaari