Jab ho andhkaar ka hi raaj,
Jab ghabraye mann bar bar,
Jab dagmagaye kadam tumhare,
Thamo mat, badhte chalo!

Jab lage koi nhi hai saath,
Jab lage tanha har raah,
Jab honsla lage bikharne,
Daro mat, badhte chalo!

Jab aaye bin mausam barsaat,
Jab koi na ho thaamne ko haath,
Jab lage kuch nhi aasaan,
Haaro mat, badhte chalo!

Badhne ka hai naam zindagi
Chot khaane ka hai naam zindagi,
Girke uth khade hone ka hai naam zindagi,
Tum thamo mat, badhte chalo!

Tum badhte chalo!