Masaya Ka

Ang aliwalas ng iyong mukha.
Tila wala kang problema.
Sa mga mata mo'y kita ang saya.
Ang mga ngiti mo'y puno ng tuwa.

O aking kaibigang tinuring kong kapatid,
Sana manatili ang tuwang iyong nadarama.
Ika'y magpakasaya kasama nila
kahit nais na sana isa rin ako sa kanila.

Ngingiti na lang ako mula rito
habang pinagmamasdan kayong nagtatawanan.
Masakit man na di niyo na ako kasama,
tatanggapin na lang na hanggang dito na ako.

Masaya ka na wala na ako sa tabi mo.
Nais man na samahan kayo
ngunit batid kong ayaw mo, niyo na ako.
Paalam aking kaibigan, hanggang sa muli.

~•~•~•~~•~•~•~•~•~•~•~•~•~•~•~•~•~•~