Laro Lang

Laro lang pala ang lahat,
bakit ko sineryoso agad?
Di ko napansin ito ng agaran
kaya ito ako, nagsisisi.

Ako'y napaniwala agad ng-
mga mabubulaklak mong salita.
Nahulog ako sa bitag mo
at muntik nang 'di makaahon.

Laro nga lang ang nangyari
ngunit ako'y lubos na natuto.
Hindi dapat ako nagpapaloko,
sana nag-isip muna ako nang husto.

Salamat na lang sa iyo
at ako'y 'di na muling magpapauto.
Alam ko na ang galawan n'yong-
mga manloloko na biktima ay inosente.

*~•~•~•~•~•~•~•~•~•~•~•~•~•~•~•~•~•~*