Koun si hain Ye raahen
Kahan main chali jaa rahi Hun
Mujhko na kuch bhi khabar hai,
Najaane kahan main kho gai Hun.

Kaise kahun main Ye tujhse
Mujhko Ye Kya ho raha hai,
Soch bhi meri hairaan hai,
Dil ko bhi na kuch pata hai.

Haste hue rone lagi Hun,
Jagte hue sone lagi Hun,
Baithe baithe main yuhin,
Khwabon mein khone lagi Hun.

Aankhon mein tujhko basakar,
Sapne pironey lagi Hun,
Har Saans meri kehta hai mujhse,
Teri main hone lagi Hun.

Phoolon mein khusboo ho Jaise,
Mujhme samaaya tu waise,
Juda Hun tujhse main Phir bhi,
Yaadon mein saath rehne lagi Hun.

Mujhko na kuch bhi khabar hai,
Na tou Ye Dil ko pata hai,
Hua hai jo Dil mein mere,
Shayad pyar ka Silsila hai.

A/N : Part of my old collection. :)