Lapis na aking binali muli kong itinasa

Upang bigyang daan ang mga luma kong akda

Isang kapalarang matagpuan ko ang mga ito sa baul

Na tila bangkay na umahon mula sa kanyang ataol

Nawa'y ako'y mapatawad ng aking tagamasid

Tao lamang kasi't kaisipan ko sa aklat na ito'y di pa nasasaid

Nawa'y nariyan pa kayo upang ako'y saluhan

Muli kayong makipiging sa aking saya't kalungkutan

Di pa napupundi ang ilaw ng aking lapis

Kaya asahan ninyo muli ang maya't maya niyang pagtangis

Ang mailahad ang kanyang mga nilakbay

Umaasang kapulutan ninyo ng aral ang kanyang mga isasalaysay

Masalamin ninyo sana ang bawat bitawang letra

Makahanap ng puwang at magkaroon ng halaga

Maraming salamat sa inyong pang-unawa

Mabuhay po kayo at nawa'y pagpalain ng ating Bathala...

Written: April 1, 2015
Mysterious Aries