Ilang ulit na ngang naranasang

Mapagod

Oo mapagod

Yung tipong gusto ng kumawala

Nitong kaluluwa mula sa katawan

Ngunit hindi pa

May parte pa ng pandamdam

Ang lumalaban at pilit

Nagpapakapit, ayaw pa ring paliparin

Itong ibo'y pilit hinahawla sa kalamnan

Dahil may rason pa rin upang

Ipagpatuloy ang paglanghap ng hangin

May mga mukha pa ring

Pilit gumigising tuwing tayo'y

Tila tuluyan nang mabibitag ng bangungut

Ang mga mahal natin sa buhay

Magulang, kapatid, asawa, anak at kaibigan

Sila ang dahilan kung bakit

Di tayo lubusang nagpapalunod sa lalim ng kawalan

Kung bakit patuloy pa rin tayong umaasa

Na ang bukas ay magiging mas

Mainam sa ngayon...

March 2017