Labing anim na milyon,

Ang s'yang nakakita't naniwala.

Na ikaw nga't ikaw nga,

Ang magpapaapuhap sa kulay ng pag-asa.

Ngunit sa nagaganap ngayon,

Saan mo dadalhin ang tatlong bituin?

Itong bawat sikat ng araw,

Ano ang iyong gagawin?

Kukulayan mo ba ng puti

Itong mga ginintuang dilaw?

O kaya'y kukulayan mo ng ginintuang dilaw

Ang kinalalagyan niyang puti?

Babaliktarin ang asul at malapulang kulay.

O kaya'y lalasunin mo ang bawat bahid,

Nang kulay na higit pa sa karimlan ng gabi.

O kaya'y pupunitin na lang,

Dahil wala na sa'yong silbi.

Tama pa ba ang tinatahak natin?

Mukhang patungo si Juan,

Sa mabalasik na batas ni Marcial.

Gumagaling ba ang sakit,

O kaya'y mas lumalala?

Ito ba ang tamang daan

Patungo sa bahag-haring nais maapuhap?

O mananatili na lamang pangarap

Itong kulay ng pag-asa'y

Sa'yong panunungkulan

Di kailanman malalasap...

May 28, 2017

Mysterious_aries